06:10pm 19 October 2026
NEWS :: GULF
ആരോഗ്യരംഗത്തും വികസനസൂചികയിലും ഖത്തറിന് മുന്നേറ്റം: ഖത്തർ ജനസംഖ്യാ ദിനാചരണം സംഘടിപ്പിച്ചു
ദോഹ:ജനസംഖ്യാപരമായ മാറ്റങ്ങൾ മുൻനിർത്തി മെച്ചപ്പെട്ട ആരോഗ്യവും സുസ്ഥിരമായ ഭാവിയും ലക്ഷ്യമിട്ട് ഖത്തർ സ്ഥിര ജനസംഖ്യാ സമിതിയുടെ (Permanent Population Committee) നേതൃത്വത്തിൽ 'ഖത്തർ ജനസംഖ്യാ ദിനം 2026' ആഘോഷിച്ചു. "മാറുന്ന ലോകത്തെ ജനസംഖ്യയും ജീവിതനിലവാരവും: മികച്ച ആരോഗ്യത്തിനും സുസ്ഥിര ഭാവിക്കും വേണ്ടി" എന്ന പ്രമേയത്തിൽ പൊതുജനാരോഗ്യ മന്ത്രാലയം, യു.എൻ പപ്പുലേഷൻ ഫണ്ട് എന്നിവയുടെ സഹകരണത്തോടെയായിരുന്നു പരിപാടി. ഖത്തർ നാഷണൽ വിഷൻ 2030, മൂന്നാം ദേശീയ വികസന സ്ട്രാറ്റജി എന്നിവയിലൂടെ രാജ്യത്തെ ജനങ്ങളുടെ ജീവിതനിലവാരം ഉയർത്തുന്നതിൽ വൻ മുന്നേറ്റമാണ് ഉണ്ടാകുന്നതെന്ന് നാഷണൽ പ്ലാനിംഗ് കൗൺസിൽ സെക്രട്ടറി ജനറലും സമിതി അധ്യക്ഷനുമായ ഡോ. ......
സൂക്ഷ്മ ചികിത്സാ രീതികൾ വികസിപ്പിക്കണം: മിഡിൽ ഈസ്റ്റ് മൈക്രോബയോം സമ്മേളനത്തിന് സമാപനം
ദോഹ:രോഗനിർണ്ണയവും ചികിത്സയും മെച്ചപ്പെടുത്തുന്നതിനായി ശാസ്ത്രീയ കണ്ടെത്തലുകളെ ക്ലിനിക്കൽ പ്രയോഗങ്ങളിലേക്ക് മാറ്റുന്നത് വേഗത്തിലാക്കണമെന്ന് സിത്റ മെഡിസിൻ (Sidra Medicine). മിഡിൽ ഈസ്റ്റ് ആൻഡ് നോർത്ത് ആഫ്രിക്ക മൈക്രോബയോം കോൺഫറൻസ് 2026-ന്റെ സമാപന ചടങ്ങിലാണ് ഗവേഷണ-ചികിത്സാ സ്ഥാപനങ്ങൾ തമ്മിലുള്ള സഹകരണം ശക്തമാക്കണമെന്ന് അധികൃതർ ആവശ്യപ്പെട്ടത്. ......
വാഹന ലൈറ്റുകളുടെ തെറ്റായ ഉപയോഗം: കർശന മുന്നറിയിപ്പുമായി ഖത്തർ ആഭ്യന്തര മന്ത്രാലയം; തടവും പിഴയും നേരിടേണ്ടി വരും
ദോഹ: വാഹനങ്ങളുടെ ലൈറ്റുകൾ തെറ്റായി ഉപയോഗിക്കുന്നത് അപകടങ്ങൾക്ക് കാരണമാകുമെന്നും ഗതാഗത നിയമങ്ങൾ ലംഘിക്കുന്നവർക്കെതിരെ കർശന നടപടി സ്വീകരിക്കുമെന്നും ഖത്തർ ആഭ്യന്തര മന്ത്രാലയം മുന്നറിയിപ്പ് നൽകി. ആവശ്യമായ സമയങ്ങളിൽ അല്ലാതെ ഹൈബീം ലൈറ്റുകൾ (High Beams) ഉപയോഗിക്കുന്നത് അപകടങ്ങൾ ക്ഷണിച്ചുവരുത്തുന്ന പെരുമാറ്റമാണെന്ന് മന്ത്രാലയം ഓർമ്മിപ്പിച്ചു.രാത്രി സമയങ്ങളിൽ ലൈറ്റുകൾ ഇല്ലാതെ വാഹനമോടിക്കുന്നത് ഗതാഗത നിയമത്തിലെ ആർട്ടിക്കിൾ 70 പ്രകാരം കുറ്റകരമാണ്. ഹൈബീം ലൈറ്റുകളുടെ ഉപയോഗവും ഗ്ലാസ് മറയ്ക്കലും (ആർട്ടിക്കിൾ 69) മോശം കാലാവസ്ഥ മൂലം കാഴ്ച തടസ്സപ്പെടുന്ന സാഹചര്യങ്ങളിൽ മാത്രമാണ് ഹൈബീം ലൈറ്റുകളോ ഉയർന്ന ടെയിൽ ലൈറ്റുകളോ ഉപയോഗിക്കാൻ അനുവാദമുള്ളത്. ......
പൗരന്മാർക്കായി ആരോഗ്യ ഇൻഷുറൻസ് പദ്ധതി ഉടൻ: പൊതുജനാരോഗ്യ മന്ത്രാലയം തയാറെടുപ്പുകൾ പൂർത്തിയാക്കി
ദോഹ: ഖത്തറിലെ പൗരന്മാർക്കായി പുതിയ ആരോഗ്യ ഇൻഷുറൻസ് പദ്ധതി നടപ്പിലാക്കാൻ പൊതുജനാരോഗ്യ മന്ത്രാലയം തയാറെടുപ്പുകൾ പൂർത്തിയാക്കി.......
എഞ്ചിനീയേഴ്‌സ് ഫോറം ഖത്തർ 'കേരളോത്സവം 2026': സ്പോൺസേഴ്സ് മീറ്റ് സംഘടിപ്പിച്ചു
ദോഹ: എഞ്ചിനീയേഴ്‌സ് ഫോറംഖത്തർസിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന ‘കേരളോത്സവം 2026’-ന് മുന്നോടിയായി സ്പോൺസേഴ്സ് മീറ്റ് നടത്തി. ഒക്ടോബർ 23 വെള്ളിയാഴ്ച ഖത്തർ നാഷണൽ കൺവെൻഷൻ സെന്ററിൽ (QNCC) അരങ്ങേറുന്ന കേരളോത്സവത്തിന്റെ മുന്നൊരുക്കങ്ങളുടെ ഭാഗമായാണ് ഷെറാട്ടൺ ഗ്രാൻഡ് ദോഹ റിസോർട്ട് ആൻഡ് കൺവെൻഷൻ ഹോട്ടലിൽ പരിപാടി സംഘടിപ്പിച്ചത്. “Elevate EF” എന്ന പ്രമേയത്തിലാണ് ഫോറത്തിന്റെ രജതജൂബിലി ആഘോഷങ്ങൾ നടക്കുന്നത്. എഞ്ചിനീയേഴ്‌സ് ഫോറം ഖത്തർ പ്രസിഡന്റ് അഷീഖ് അഹമ്മദിന്റെ അധ്യക്ഷതയിൽ ചേർന്ന യോഗത്തിൽ പ്രൊഫഷണൽ മികവ്, സംരംഭകത്വം, സാമൂഹിക ഇടപെടൽ, പരസ്പര സഹകരണം എന്നിവ ശക്തിപ്പെടുത്തി ഫോറത്തെ പുതിയ തലത്തിലേക്ക് ഉയർത്തുന്നതിനായി ആവിഷ്‌കരിച്ച ഒരു വർഷം നീണ്ടുനിൽക്കുന്ന “Elevate EF” പദ്ധതിയുടെ ലക്ഷ്യങ്ങൾ പ്രസിഡന്റ് വിശദീകരിച്ചു. ......
20-ാം വാർഷികാഘോഷം: ആദ്യ നിയമ ഫോറത്തിന് തുടക്കമിടാനൊരുങ്ങി ഖത്തർ ബാർ അസോസിയേഷൻ
ദോഹ: ഖത്തർ ബാർ അസോസിയേഷൻ രൂപീകരണത്തിന്റെ 20-ാം വാർഷിക ആഘോഷങ്ങളുടെ ഭാഗമായി മൂന്ന് ദിവസം നീണ്ടുനിൽക്കുന്ന പ്രൊഫഷണൽ ബോധവൽക്കരണ നിയമ ഫോറം സംഘടിപ്പിക്കുന്നു. നവംബർ 1 മുതൽ 3 വരെ നടക്കുന്ന ഈ ഫോറം വിവിധ മന്ത്രാലയങ്ങളുടെയും വിശിഷ്ട വ്യക്തികളുടെയും രക്ഷാകർതൃത്വത്തിലാണ് നടത്തപ്പെടുന്നത്. രണ്ട് പതിറ്റാണ്ടുകാലത്തെ അസോസിയേഷന്റെ പ്രവർത്തനങ്ങളെ വിലയിരുത്തുന്നതിനും, രാജ്യത്തെ നിയമ-നീതിന്യായ മേഖലയുടെ വികസനത്തിന് പിന്തുണ നൽകുന്നതിനുമാണ് ഈ ഫോറം ലക്ഷ്യമിടുന്നതെന്ന് ഖത്തർ ബാർ അസോസിയേഷൻ പ്രസിഡന്റ് മുബാറക് അൽ സുലൈത്തി പറഞ്ഞു. യുവാക്കളുടെ ശാക്തീകരണം, ഗൾഫ് രാജ്യങ്ങൾ തമ്മിലുള്ള നിയമപരമായ സഹകരണം ശക്തമാക്കൽ, നിയമരംഗത്തെ പ്രൊഫഷണൽ വികസനം തുടങ്ങിയ പ്രധാന വിഷയങ്ങളിലാണ് ഫോറത്തിൽ ചർച്ചകൾ നടക്കുന്നത്. ......
വിദ്വേഷങ്ങൾക്കുള്ള മറുപടി പ്രവാചകന്റെ കാരുണ്യസന്ദേശം: ഡോ. മുസ്തഫ തൻവീർ
ദോഹ: ഖത്തർ ഔഖാഫ് മന്ത്രാലയത്തിന് കീഴിലുള്ള ശൈഖ് അബ്ദുല്ല ബിൻ സൈദ് ആൽ മഹമൂദ് ഇസ്ലാമിക് കൾച്ചറൽ സെന്ററിന്റെ ആഭിമുഖ്യത്തിൽ ‘മുഹമ്മദ് നബി (സ): മാനവ മൂല്യങ്ങളുടെ നേർസാക്ഷ്യം’ എന്ന വിഷയത്തിൽ സംഘടിപ്പിച്ച പ്രത്യേക പ്രഭാഷണ പരിപാടി ശ്രദ്ധേയമായി. സെന്ററിലെ ബിൻ സൈദ് ഓഡിറ്റോറിയത്തിൽ നടന്ന പരിപാടിയിൽ പ്രമുഖ ഇസ്ലാമിക പണ്ഡിതനും പ്രഭാഷകനുമായ ഡോ. മുസ്തഫ തൻവീർ മുഖ്യപ്രഭാഷണം നിർവഹിച്ചു. കാരുണ്യം, സാഹോദര്യം, സ്നേഹം, സഹിഷ്ണുത, നീതിബോധം, പരസ്പര ബഹുമാനം തുടങ്ങിയ ഉദാത്തമായ മാനുഷിക മൂല്യങ്ങളുടെ ജീവിക്കുന്ന മാതൃകയായിരുന്നു മുഹമ്മദ് നബി (സ) എന്ന് അദ്ദേഹം വ്യക്തമാക്കി. ജാതി, മതം, വർഗം, ഭാഷ, ദേശം തുടങ്ങിയ വ്യത്യാസങ്ങൾക്കതീതമായി മുഴുവൻ മനുഷ്യരാശിക്കും മാതൃകയാകുന്ന ജീവിതദർശനമാണ് പ്രവാചകൻ ലോകത്തിന് സമ്മാനിച്ചതെന്ന് അദ്ദേഹം വിശദീകരിച്ചു. ......
വിന്റർ ഹീറോസ്' കാമ്പയിനുമായി ഖത്തർ ചാരിറ്റി: 12 കോടി റിയാൽ ലക്ഷ്യമിടുന്നു
ദോഹ: കഠിനമായ ശൈത്യവും മാനുഷിക പ്രതിസന്ധികളും നേരിടുന്ന പാവപ്പെട്ട കുടുംബങ്ങൾക്ക് സഹായമെത്തിക്കുന്നതിനായി ഖത്തർ ചാരിറ്റി 2026-ലെ 'വിന്റർ ഹീറോസ്' (Winter Heroes) കാമ്പയിന് തുടക്കം കുറിച്ചു. രാജ്യാന്തര തലത്തിലും ഖത്തറിനുള്ളിലുമുള്ള ആശ്വാസ പ്രവർത്തനങ്ങൾക്കായി 12 കോടി (120 മില്യൺ) ഖത്തർ റിയാൽ സമാഹരിക്കുകയാണ് കാമ്പയിനിലൂടെ ലക്ഷ്യമിടുന്നത്. ഖത്തർ ചാരിറ്റി കമ്മ്യൂണിക്കേഷൻസ് എക്സിക്യൂട്ടീവ് ഡയറക്ടർ അബ്ദുൽ അസീസ് ജാസിം ഹജ്ജി, ഹ്യുമാനിറ്റേറിയൻ ഓപ്പറേഷൻസ് ഡയറക്ടർ ആയിഷ അബ്ദുൽ റസാഖ് അൽ കുവാരി, അൽ അഖ്റബൂൻ സെന്റർ എക്സിക്യൂട്ടീവ് ഡയറക്ടർ ഫൈസൽ റഷീദ് അൽ ഫൈഹൈദ എന്നിവർ പങ്കെടുത്ത വാർത്താസമ്മേളനത്തിലാണ് കാമ്പയിൻ പ്രഖ്യാപിച്ചത്.തണുപ്പ് കടുക്കുന്നതിന് മുൻപ് തന്നെ ദുരിതബാധിത പ്രദേശങ്ങളിലേക്ക് സഹായമെത്തിക്കാൻ 7 കോടി റിയാൽ സമാഹരിക്കും. ......
GULF
