12:01am 06 November 2026
NEWS :: LATEST NEWS
കണ്ടെയ്നർ റോഡിലെ തെരുവുവിളക്കുകൾ,ഹൈബി ഈഡൻ എം.പി. സ്വിച്ച് ഓൺ കർമ്മം നിർവ്വഹിച്ചു.
ദേശീയ പാതാ അതോറിറ്റി ഏകദേശം പത്തു കോടി രൂപ ചെലവിട്ടാണ്, 1100 തെരുവുവിളക്കുകൾ, 17 കിലോമീറ്റർ ദൂരത്തിലുള്ള ദേശീയപാത 966A ൽ സ്ഥാപിച്ചിട്ടുള്ളത്.നേരത്തെ പരീക്ഷണാടിസ്ഥാനത്തിൽ ഇവ പ്രവർത്തിപ്പിച്ചു നോക്കിയ ശേഷമാണ് ഇന്ന് ഔദ്യോഗിക ഉദ്ഘാടനമായി സ്വിച്ച് ഓൺ കർമം നടത്തിയത്. എറണാകുളം എം.പി. ഹൈബി ഈഡന്റെ നിർദ്ദേശത്തെത്തുടർന്നാണ് റോഡ് സുരക്ഷയും പൊതുജന സൗകര്യവും മുൻനിർത്തി ഈ പദ്ധതി NHAI കൊച്ചി-II പ്രോജക്ട് ഡയറക്ടർ, പി പ്രദീപിൻറെ നേതൃത്വത്തിൽ പൂർത്തീകരണത്തിലെത്തിച്ചത്. റോഡുകളിൽ ഒരു ജീവൻ പോലും അനാവശ്യമായി നഷ്ടപ്പെടാതിരിക്കുക എന്നതായിരിക്കണം നമ്മുടെ ലക്ഷ്യമെന്നും, അപകടങ്ങൾ പൂർണമായി ഒഴിവാക്കാമെന്ന് ഉറപ്പുനൽകാനാകില്ലെങ്കിലും, ശക്തമായ മുൻകരുതലുകളിലൂടെയും കാര്യക്ഷമമായ നടപടികളിലൂടെയും മരണങ്ങളും ഗുരുതരമായ പരിക്കുകളും പരമാവധി കുറയ്ക്കാൻ കഴിയുമെന്നും, ജനങ്ങളുടെ ജീവൻ സംരക്ഷിക്കുക എന്നത് സർക്കാരുകളുടെ ഏറ്റവും പ്രധാനപ്പെട്ട ഉത്തരവാദിത്തങ്ങളിൽ ഒന്നാണെന്നും, അതിനു വേണ്ട കൂടുതൽ ശ്രമങ്ങൾ നമുക്ക് ആവശ്യമാണെന്നും ഉദ്ഘാടന വേളയിൽ ഹൈബി ഈഡൻ എം പി പറഞ്ഞു. എം പി യായി പ്രവർത്തനം ആരംഭിച്ച 2019 കാലത്ത്, രാത്രി കാലങ്ങളിൽ വെളിച്ചക്കുറവ് മൂലം കണ്ടെയ്നർ റോഡിൽ അപകടങ്ങളും, അപകട മരണങ്ങളും ഉണ്ടാവുകയും, സാമൂഹ്യ വിരുദ്ധരുടെ അഴിഞ്ഞാട്ടവും മറ്റും ഈ പ്രദേശത്ത് കൂടി വരുന്ന സ്ഥിതിയുമുണ്ടായിരുന്നു. 2019 ലെ ലോക് സഭാ തെരഞ്ഞെടുപ്പു വേളയിൽ കളമശേരി മുതൽ വല്ലാർപാടം വരെയുള്ള പ്രദേശവാസികളും, യാത്രികരും, ഇരുചക്ര വാഹനങ്ങൾ ഉപയോഗിക്കുന്ന സ്ത്രീകളും പ്രധാനമായി മുന്നോട്ട് വച്ച ഒരാവശ്യമായിരുന്നു ഇത്. ഇതേത്തുടർന്ന്, ഈ ആവശ്യം ഉന്നയിച്ചു കേന്ദ്ര മന്ത്രി നിതിൻ ഗഡ്കരിയുമായും നാഷണൽ ഹൈവേ അതോറിറ്റിയുടെ വിവിധ തലങ്ങളിലെ അധികൃതരുമായും നിരന്തരമായി കൂടിക്കാഴ്ച്ച നടത്തിയിരുന്നെന്നു ഹൈബി പറഞ്ഞു. ......
സി ബി എസ് ഇ കൊച്ചി സഹോദയ സ്‌കൂൾ കോംപ്ലക്സ് കലോത്സവം 29 മുതൽ
കൊച്ചി: സി ബി എസ് ഇ കൊച്ചി സഹോദയ സ്‌കൂൾ കോംപ്ലക്സ് കലോത്സവം 29 മുതൽ 31 വരെ തിരുവാണിയൂർ കൊച്ചിൻ റിഫൈനറീസ് സ്‌കൂളിലും ഗ്ലോബൽ പബ്ലിക് സ്‌കൂളിലുമായി നടക്കും. ഉത്സവ് 2026 എന്ന പേരിൽ നടക്കുന്ന കലോത്സവം 29 ന് രാവിലെ 9 മണിക്ക് ഗ്ലോബൽ പബ്ലിക് സ്‌കൂൾ ഓഡിറ്റോറിയത്തിൽ സംവിധായകൻ ജൂഡ് ആന്‍റണി ജോസഫ് ഉദ്ഘാടനം ചെയ്യും.കൊച്ചിൻ റിഫൈനറീസ് സ്‌കൂൾ പ്രിൻസിപ്പാളും കൊച്ചി സഹോദദായ പ്രസിഡന്‍റുമായ വിനുമോൻ കെ മാത്യു അധ്യക്ഷത വഹിക്കും. ......
ഓപ്പറേഷന്‍ തൂഫാന്‍ 14939 പേര്‍ അറസ്റ്റില്‍.കേസുകളുടെ എണ്ണം 13842 ആയി
ഓപ്പറേഷന്‍ ഓപ്പറേഷന്‍ തൂഫാന്‍റെ ഭാഗമായി നടത്തിയ പരിശോധനയില്‍ സംസ്ഥാനത്തിന്‍റെ വിവിധ ഭാഗങ്ങളില്‍ നിന്നും ഇതുവരെ 14939 പേരെ അറസ്റ്റ് ചെയ്തു. കഴിഞ്ഞ ദിവസം 53 കേസുകളിലായി 61 പേര്‍ കൂടി അറസ്റ്റിലായതോടെ ഓപ്പറേഷന്‍ തൂഫാന്‍റെ ഭാഗമായി എടുത്ത കേസുകളുടെ എണ്ണം 13842 ആയി. ......
ഇലഞ്ഞിമേൽ കെ പി രാമൻനായർ ഭാഷാപഠനകേന്ദ്രം വയലാറിനെ അനുസ്മരിച്ചു
ചെങ്ങന്നൂർ: ഇലഞ്ഞിമേൽ കെ പി രാമൻനായർ ഭാഷാപഠനകേന്ദ്രം മലയാള സാഹിത്യത്തിലെ പ്രമുഖ കവിയും ചലച്ചിത്ര, നാടക ഗാന രചയിതാവുമായ വയലാറിനെ അനുസ്മരിച്ചു. ബോധിനി സാംസ്കാരിക കേന്ദ്രത്തിൽ പത്തനംതിട്ട ഡയറ്റ് മുൻ സീനിയർ ലക്ചറർ ശ്രീകുമാർ എസ്.നായർ ഉദ്ഘാടനവും വയലാർ അനുസ്മരണ പ്രഭാഷണവും നടത്തി. ......
മക്കളെ അറിയാൻ- ബോധവത്ക്കരണ ക്ലാസ്
പുത്തൻകാവ്: ഹയർ സെക്കന്ററി വിദ്യാഭ്യാസ വകുപ്പ് പുത്തൻകാവ് മെട്രോപ്പോലീറ്റൻ സൗഹൃദ ക്ലബിന്റെ യൂണിറ്റിന്റെ നേതൃത്വത്തിൽ മക്കളെ അറിയാൻ എന്ന പേരിൽ ബോധവത്ക്കരണ ക്ലാസ് നടത്തി. പ്രിൻസിപ്പാൾ സജി പട്ടരുമഠം യോഗത്തിൽ അദ്ധ്യക്ഷത വഹിച്ചു. പ്രമുഖസൈക്കോളജിസ്റ്റ് ലാബി ജോർജ് ജോസ് ഉത്ഘാടനവും ക്ലാസിന് നേതൃത്വവും നല്കി. ......
നാലാമത് സപ്ലൈ ചെയിൻ സമ്മേളനത്തിന് ദോഹയിൽ തുടക്കമായി
ദോഹ: സാമ്പത്തിക, ഭൂരാഷ്ട്രീയ വ്യതിയാനങ്ങൾക്കിടയിൽ വിതരണ ശൃംഖല നേരിടുന്ന വെല്ലുവിളികളും അവയ്ക്കുള്ള പരിഹാരമാർഗ്ഗങ്ങളും ചർച്ച ചെയ്യുന്നതിനായി ‘അൽ ശർഖ്’ പത്രത്തിന്റെ നേതൃത്വത്തിൽ സംഘടിപ്പിക്കുന്ന നാലാമത് സപ്ലൈ ചെയിൻ സമ്മേളനം ദോഹ ഹിൽട്ടൺ ഹോട്ടലിൽ ആരംഭിച്ചു. ഗതാഗത മന്ത്രാലയത്തിന്റെ രക്ഷാകർതൃത്വത്തിൽ രണ്ടു വർഷത്തിലൊരിക്കൽ നടക്കുന്ന ഉച്ചകോടിയിൽ സർക്കാറിലെയും സ്വകാര്യ-അക്കാദമിക് മേഖലകളിലെയും ഉന്നത ഉദ്യോഗസ്ഥരും വിദഗ്ധരും പങ്കെടുക്കുന്നുണ്ട്. ഗതാഗത മന്ത്രാലയം അണ്ടർസെക്രട്ടറി മുഹമ്മദ് ബിൻ അബ്ദുള്ള അൽ ഇബ്രാഹിം അൽ മഅദീദ് മുഖ്യപ്രഭാഷണം നടത്തി സമ്മേളനം ഉദ്ഘാടനം ചെയ്തു. ......
എത്യോപ്യയിലെ ക്രൈസ്തവ കൂട്ടക്കൊലയെ അപലപിച്ച് മലങ്കരസഭാധ്യക്ഷൻ
കോട്ടയം : എത്യോപ്യയിലെ ഒറോമിയ അർസി മേഖലയിൽ എത്യോപ്യൻ ഓർത്തഡോക്സ് തെവാഹെദോ സഭാംഗങ്ങൾ കൊല്ലപ്പെട്ട സംഭവത്തെ അപലപിച്ച് മലങ്കരസഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ. സംഭവത്തിൽ അഗാധമായ ദു:ഖം രേഖപ്പെടുത്തുന്നതായി ബാവാ പ്രതികരിച്ചു. ......
വികസന ഫണ്ടിങ്: സ്വകാര്യ മേഖലയുടെ പങ്കാളിത്തം ഉറപ്പാക്കണമെന്ന് ഖത്തർ; വേൾഡ് ഇൻവെസ്റ്റ്‌മെന്റ് ഫോറത്തിൽ പാനൽ ചർച്ച
ദോഹ: വികസന പ്രക്രിയകളിൽ സ്വകാര്യ മേഖലയുടെ ഫണ്ടിങ് പങ്കാളിത്തം ഉറപ്പുവരുത്തുന്നത് സംബന്ധിച്ച് ലോക നിക്ഷേപ ഫോറത്തിൽ (World Investment Forum) അന്താരാഷ്ട്ര സഹകരണ സഹമന്ത്രി ഡോ. മറിയം ബിന്ത് അലി ബിൻ നാസർ അൽ മിസ്നദിന്റെ അധ്യക്ഷതയിൽ പാനൽ ചർച്ച സംഘടിപ്പിച്ചു. ......
പരിസ്ഥിതി മുൻഗണനകൾ നിക്ഷേപ അവസരങ്ങളാക്കി മാറ്റാൻ ഖത്തർ
ദോഹ:പ്രകൃതിവിഭവങ്ങളുടെ സംരക്ഷണവും സുസ്ഥിര സാമ്പത്തിക വികസനവും സമന്വയിപ്പിച്ച് മുന്നേറാൻ ഖത്തർ ലക്ഷ്യമിടുന്നതായി പരിസ്ഥിതി കാലാവസ്ഥാ വ്യതിയാന മന്ത്രി ഡോ. അബ്ദുള്ള ബിൻ അബ്ദുൽഅസീസ് ബിൻ തുർക്കി അൽ സുബ ഏ വ്യക്തമാക്കി. ......
LATEST NEWS
