11:43am 12 November 2026
NEWS :: LATEST NEWS
എഐഎഡിഎംകെ സർക്കാരിനെ പിന്തുണയ്ക്കാമെന്ന് ഡിഎംകെ; പക്ഷേ ഡിമാൻഡുകൾ അംഗീകരിക്കണം
ചെന്നൈ: തമിഴ്‌നാട്ടിൽ സർക്കാർ രൂപവത്കരണത്തെ ചുറ്റിപ്പറ്റിയ അനിശ്ചിതത്വങ്ങൾക്കിടെ സംസ്ഥാന രാഷ്ട്രീയത്തിൽ അപൂർവ നീക്കങ്ങൾക്ക് സാധ്യത തെളിയുന്നു. പരമ്പരാഗത വൈരികളായ ഡിഎംകെയും എഐഎഡിഎംകെയും സഖ്യത്തിലെത്തി സർക്കാർ രൂപവത്കരിക്കാനുള്ള ചർച്ചകൾ പുരോഗമിക്കുന്നുവെന്നാണ് റിപ്പോർട്ടുകൾ. ......
ഇരുപത്താറുകാരിയുമായുള്ള ബന്ധം അവസാനിപ്പിക്കാൻ വീട്ടുകാർ നിർബന്ധിച്ചതോടെ പതിനഞ്ചുകാരൻ ജീവനൊടുക്കി
ബെംഗളൂരു: ഇരുപത്താറുകാരിയുമായുള്ള ബന്ധം അവസാനിപ്പിക്കാൻ വീട്ടുകാർ നിർബന്ധിച്ചതിന് പിന്നാലെ പതിനഞ്ചുകാരൻ ജീവനൊടുക്കി. ബെംഗളുരുവിലെ ബിദദിയിലാണ് കൗമാരക്കാരൻ ജീവനൊടുക്കിയത്. ......
ഷഹാനിയയിൽ മൃഗങ്ങളുടെ പൊതുലേലം മെയ് 16-ന്; 190 ഉരുക്കളെ വിൽക്കുന്നു
ദോഹ: ഖത്തർ മുനിസിപ്പാലിറ്റി മന്ത്രാലയത്തിന് കീഴിലുള്ള അൽ-ഷഹാനിയ അനിമൽ പ്രൊഡക്ഷൻ റിസർച്ച് സ്റ്റേഷനിൽ മൃഗങ്ങളുടെ പൊതുലേലം സംഘടിപ്പിക്കുന്നു. വിവിധ ഇനങ്ങളിൽപ്പെട്ട 190 ഉരുക്കളെയാണ് ലേലത്തിലൂടെ വിൽക്കുന്നത്.അൽ-ഷഹാനിയ അനിമൽ പ്രൊഡക്ഷൻ റിസർച്ച് സ്റ്റേഷൻ (ബിൽഡിംഗ് നമ്പർ: 2335, സ്ട്രീറ്റ് നമ്പർ: 373, സോൺ: 80)പരിസരത്താണ് ലേലം നടക്കുക.ലേലത്തിന് വെക്കുന്ന മൃഗങ്ങളെ നേരിട്ട് കണ്ട് ബോധ്യപ്പെടാൻ താല്പര്യമുള്ളവർക്ക് മെയ് 7 വ്യാഴാഴ്ച മുതൽ മെയ് 14 വ്യാഴാഴ്ച വരെ ലേല സ്ഥലത്ത് സൗകര്യമുണ്ടായിരിക്കും. ......
സി.സി ഭക്ഷ്യസുരക്ഷാ മന്ത്രിതല യോഗത്തിൽ ഖത്തർ പങ്കെടുത്തു; ഭക്ഷ്യവസ്തുക്കളുടെ സുഗമമായ നീക്കം പ്രധാന ചർച്ചാവിഷയം
ദോഹ: ഗൾഫ് സഹകരണ കൗൺസിൽ (GCC) രാജ്യങ്ങളിലെ ഭക്ഷ്യസുരക്ഷയുമായി ബന്ധപ്പെട്ട പത്താമത് മന്ത്രിതല സമിതി യോഗത്തിൽ ഖത്തർ പങ്കെടുത്തു. വ്യാഴാഴ്ച വീഡിയോ കോൺഫറൻസ് വഴി നടന്ന യോഗത്തിൽ ഖത്തറിനെ പ്രതിനിധീകരിച്ച് പൊതുജനാരോഗ്യ മന്ത്രി മാൻസൂർ ബിൻ ഇബ്രാഹിം അൽ മഹ്മൂദ് പങ്കെടുത്തു.നിലവിലെ പ്രത്യേക സാഹചര്യങ്ങൾ കണക്കിലെടുത്ത് ജി.സി.സി വിപണികൾക്കിടയിൽ ഭക്ഷ്യവസ്തുക്കളുടെ നീക്കം സുഗമമാക്കുന്നതിന് താൽക്കാലിക ഇളവുകൾ അനുവദിക്കുന്നത് സംബന്ധിച്ച് യോഗം ചർച്ച ചെയ്തു.ഇറക്കുമതി ചെയ്യുന്ന ഭക്ഷ്യവസ്തുക്കളുടെ നിയന്ത്രണത്തിനായുള്ള ജി.സി.സി ഗൈഡ്, ഏകീകൃത ഭക്ഷ്യനിയമം എന്നിവയും യോഗത്തിന്റെ പരിഗണനയ്ക്ക് വന്നു. ജി.സി.സി ഭക്ഷ്യ റിസ്ക് അസസ്‌മെന്റ് സെന്റർ (GCC Center for Food Risk Assessment) സ്ഥാപിക്കുന്നത് സംബന്ധിച്ച പുരോഗതിയും യോഗം വിലയിരുത്തി.പുതിയ കാലഘട്ടത്തിലെ ഭക്ഷ്യ ഉൽപ്പന്നങ്ങളുടെ (Novel Foods) നിയന്ത്രണങ്ങൾ, മൃഗങ്ങളിൽ നിന്നുള്ള ഭക്ഷ്യ ഉൽപ്പന്നങ്ങളുടെ ഇറക്കുമതി നിരോധനം ഏർപ്പെടുത്തുന്നതിനും നീക്കം ചെയ്യുന്നതിനുമുള്ള നടപടിക്രമങ്ങൾ എന്നിവയും യോഗം ചർച്ച ചെയ്തു. ......
പച്ചപ്പണിഞ്ഞ് ഖത്തർ; നാടിന് സമർപ്പിച്ചത് 12 പുതിയ പാർക്കുകൾ
ദോഹ: ഖത്തർ നാഷണൽ വിഷൻ 2030-ന്റെ ഭാഗമായി രാജ്യത്ത് വൻതോതിലുള്ള വികസന കുതിപ്പുമായി നഗരസഭാ മന്ത്രാലയം. 2025-ലെ വാർഷിക റിപ്പോർട്ട് പ്രകാരം, 51 റോഡ് സൗന്ദര്യവൽക്കരണ പദ്ധതികളും 12 പുതിയ പാർക്കുകളും മന്ത്രാലയം വിജയകരമായി പൂർത്തിയാക്കി. ......
ഹോർമുസ് കടലിടുക്ക് തുറന്നു സൂക്ഷിക്കേണ്ടത് അന്താരാഷ്ട്ര ഉത്തരവാദിത്തം: ശൈഖ ആലിയ
ന്യൂയോർക്ക്: ഹോർമുസ് കടലിടുക്കിലെ കപ്പൽ ഗതാഗതം തടസ്സമില്ലാതെ തുടരുന്നത് ഉറപ്പാക്കേണ്ടത് ആഗോള സമൂഹത്തിന്റെ പങ്കിട്ട ഉത്തരവാദിത്തമാണെന്ന് ഐക്യരാഷ്ട്രസഭയിലെ ഖത്തറിന്റെ സ്ഥിരം പ്രതിനിധി ശൈഖ ആലിയ അഹമ്മദ് ബിൻ സെയ്ഫ് അൽ താനി. ഹോർമുസ് കടലിടുക്കുമായി ബന്ധപ്പെട്ട സുരക്ഷാ കൗൺസിൽ പ്രമേയത്തിന്മേൽ നടന്ന മാധ്യമ ബ്രീഫിംഗിൽ സംസാരിക്കുകയായിരുന്നു അവർ.കഴിഞ്ഞ മാർച്ചിൽ ഹോർമുസ് കടലിടുക്ക് അടച്ചതുമൂലം ഗൾഫ് രാജ്യങ്ങൾക്കും ലോകമെമ്പാടും വൻ സാമ്പത്തിക പ്രത്യാഘാതങ്ങളാണ് ഉണ്ടായതെന്ന് ശൈഖ ആലിയ ചൂണ്ടിക്കാട്ടി. ലോകത്തിലെ എണ്ണ, ദ്രവീകൃത പ്രകൃതിവാതക (LNG) വ്യാപാരത്തിന്റെ 20 ശതമാനത്തോളം നിലവിൽ തടസ്സപ്പെട്ടിരിക്കുകയാണ്.ഊർജ്ജ വിപണിയിലെ അനിശ്ചിതത്വം, സപ്ലൈ ചെയിൻ തടസ്സങ്ങൾ എന്നിവയ്ക്ക് പുറമെ ഇരുപതിനായിരത്തിലധികം നാവികർ കടലിൽ കുടുങ്ങിക്കിടക്കുന്ന സാഹചര്യമാണുള്ളത്. പ്രാദേശികമായ ഒരു പ്രശ്നമെന്നതിലുപരി ഊർജ്ജ മേഖലയെയും കയറ്റുമതി-ഇറക്കുമതി പ്രവർത്തനങ്ങളെയും ബാധിക്കുന്നതിലൂടെ ഇതൊരു ആഗോള പ്രതിസന്ധിയായി മാറിയെന്ന് ഖത്തർ മുന്നറിയിപ്പ് നൽകി. ......
ഖത്തറിൽ വേനൽ കടുക്കുന്നു; ചൂട് 40 ഡിഗ്രി കടക്കുമെന്ന് മുന്നറിയിപ്പ്
ദോഹ: ഖത്തറിൽ വേനൽക്കാലം ആരംഭിച്ചതോടെ താപനില കുതിച്ചുയരുന്നു. ഈ വാരാന്ത്യത്തിൽ രാജ്യത്തിന്റെ വിവിധ ഭാഗങ്ങളിൽ കടുത്ത ചൂട് അനുഭവപ്പെടുമെന്ന് ഖത്തർ കാലാവസ്ഥാ വകുപ്പ് (QMD) മുന്നറിയിപ്പ് നൽകി. മെയ് 8 വെള്ളിയാഴ്ച താപനില 40 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്നാണ് റിപ്പോർട്ടുകൾ.പകൽ സമയത്ത് കടുത്ത ചൂടിനൊപ്പം അന്തരീക്ഷത്തിൽ പൊടിപടലങ്ങൾ നിറഞ്ഞ കാറ്റിനും (Blowing dust) സാധ്യതയുണ്ട്. ......
സ്വകാര്യ മേഖലയിലെ വെല്ലുവിളികൾ പരിഹരിക്കും; ബിസിനസ് പ്രമുഖരുമായി കൂടിക്കാഴ്ച നടത്തി വാണിജ്യ-വ്യവസായ മന്ത്രി
ദോഹ: രാജ്യത്തെ സ്വകാര്യ മേഖലയുടെ ആത്മവിശ്വാസം വർദ്ധിപ്പിക്കുന്നതിനും സാമ്പത്തിക വളർച്ചയ്ക്ക് ആക്കം കൂട്ടുന്നതിനുമായി പ്രമുഖ ബിസിനസ് നേതാക്കളുമായി കൂടിക്കാഴ്ച നടത്തി ഖത്തർ വാണിജ്യ-വ്യവസായ മന്ത്രി ശൈഖ് ഫൈസൽ ബിൻ താനി ബിൻ ഫൈസൽ അൽ താനി. ഖത്തർ ചേംബർ, ഖത്തറി ബിസിനസ്മെൻ അസോസിയേഷൻ എന്നിവയിലെ ഉന്നത ഉദ്യോഗസ്ഥർ വ്യാഴാഴ്ച ദോഹയിൽ നടന്ന ചർച്ചയിൽ പങ്കെടുത്തു. നിലവിൽ സ്വകാര്യ കമ്പനികൾ നേരിടുന്ന പ്രധാന തടസ്സങ്ങളും അവ മറികടക്കാനുള്ള നിർദ്ദേശങ്ങളും ഗൗരവമായി ചർച്ച ചെയ്തു.നിക്ഷേപകർക്കും കമ്പനികൾക്കും ഖത്തറിൽ ബിസിനസ്സ് ചെയ്യുന്നത് കൂടുതൽ എളുപ്പമാക്കുന്നതിനുള്ള നടപടികൾ അവലോകനം ചെയ്തു. ഭാവിയിലെ നിയമനിർമ്മാണങ്ങളിലും നയങ്ങളിലും സ്വകാര്യ മേഖലയുടെ അഭിപ്രായങ്ങൾ കൂടി ഉൾപ്പെടുത്താൻ സർക്കാർ തീരുമാനിച്ചു. സാമ്പത്തിക വളർച്ചയിൽ സ്വകാര്യ മേഖലയ്ക്ക് നിർണ്ണായക പങ്ക് വഹിക്കാനുണ്ടെന്ന് മന്ത്രി ശൈഖ് ഫൈസൽ ബിൻ താനി ബിൻ ഫൈസൽ അൽ താനി പറഞ്ഞു. ......
സതീശനെ മുഖ്യമന്ത്രിയാക്കണമെന്നാവശ്യപ്പെട്ട് കോൺഗ്രസ് പ്രവർത്തകന്റെ ആത്മഹത്യാഭീഷണി
തിരുവനന്തപുരം: കോൺഗ്രസിൽ മുഖ്യമന്ത്രി തർക്കം രൂക്ഷമാകുന്നതിനിടെ വി ഡി സതീശനെ മുഖ്യമന്ത്രിയാക്കണമെന്ന ആവശ്യവുമായി കോൺഗ്രസ് പ്രവർത്തകന്റെ ആത്മഹത്യാശ്രമം. കോട്ടയം കടുത്തുരുത്തി കുറുപ്പന്തറ കവലയിലായിരുന്നു സംഭവം. ......
ഖത്തർ വിപണിയിൽ സ്വർണ്ണവിലയിൽ വർദ്ധനവ്; ഈ ആഴ്ചയിൽ 1.88 ശതമാനം ഉയർന്നു
ദോഹ: ഖത്തർ വിപണിയിൽ ഈ ആഴ്ച സ്വർണ്ണവിലയിൽ 1.88 ശതമാനം വർദ്ധനവ് രേഖപ്പെടുത്തി. ഖത്തർ നാഷണൽ ബാങ്ക് (QNB) പുറത്തുവിട്ട ഏറ്റവും പുതിയ കണക്കുകൾ പ്രകാരം അന്താരാഷ്ട്ര വിപണിയിലെ മാറ്റങ്ങൾക്കനുസരിച്ച് സ്വർണ്ണവില ഔൺസിന് 4,703.16 ഡോളറിൽ എത്തി. കഴിഞ്ഞ ഞായറാഴ്ച ഔൺസിന് 4,616.28 ഡോളറായിരുന്ന വിലയിൽ നിന്നാണ് ഈ കുതിച്ചുചാട്ടം ഉണ്ടായത്. ......
LATEST NEWS
