തമിഴ് സിനിമയിലെ ഒരു മുൻനിര സംഗീതസംവിധായകനായ യുവൻ ശങ്കർ രാജ, 100-ൽ കവിഞ്ഞ ചിത്രങ്ങൾക്ക് സംഗീതം നൽകിയിട്ടുണ്ട്. തമിഴിന് ;പുറമെ മലയാളത്തിലും ഒരുപാട് ചിത്രങ്ങൾക്ക് സംഗീതം നൽകിയിട്ടുള്ള ഇളയരാജയുടെ മകനാണ് യുവൻ ശങ്കർ രാജ എന്നുള്ളത് എല്ലാവർക്കും അറിയാവുന്നതാണ്. ഇളയരാജയെ തുടർന്ന് ഇപ്പോൾ മലയാള സിനിമയിലും കാൽപതിക്കുകയാണ് യുവൻ ശങ്കർ രാജ. ‛പണി' എന്ന ചിത്രത്തിണ് ശേഷം ജോജു ജോർജ് സംവിധാനം ചെയ്യുന്ന പരിപാടി എന്ന ചിത്രത്തിന് സംഗീതം നൽകിയാണ് യുവൻ ശങ്കർ രാജ മലയാള സിനിമയിൽ പ്രവേശിക്കുന്നത്. ശരത്കുമാർ നായകനായി അഭിനയിച്ച്, നാഗരാജൻ സംവിധാനം ചെയ്ത 'അരവിന്ദൻ' എന്ന ചിത്രം മുഖേനയാണ് യുവൻ ശങ്കർ രാജ തമിഴിൽ സംഗീത സംവിധായകനായി അരങ്ങേറ്റം കുറിച്ചത്. ഈ ചിത്രത്തിന് ശേഷം കഴിഞ്ഞ 29 വർഷങ്ങളിൽ നൂറിലധികം ചിത്രങ്ങൾക്ക് സംഗീതം നൽകിയിട്ടുള്ള യുവൻ ശങ്കർ രാജ ഇപ്പോഴാണ് ഒരു മലയാള സിനിമക്ക് സംഗീതം നൽകുന്നത് എന്നത് ശ്രദ്ധേയമാണ്.
Photo Courtesy - Google
