ഭാര്യക്ക് സന്ദേശം അയച്ചെന്ന പരാതിയിൽ സ്റ്റേഷനിലെത്തിയ യുവാവിന് പെപ്പർ സ്പ്രേ; എസ്ഐയിൽ നിന്ന് 50,000 രൂപ നഷ്ടപരിഹാരം ഈടാക്കാൻ ഉത്തരവ്

തിരുവനന്തപുരം: ഭാര്യയ്ക്ക് മൊബൈൽ സന്ദേശം അയച്ചെന്ന പരാതിയെ തുടർന്ന് പൊലീസ് സ്റ്റേഷനിലേക്ക് വിളിച്ചുവരുത്തിയ യുവാവിന്റെ കണ്ണിൽ പെപ്പർ സ്പ്രേ പ്രയോഗിച്ച സംഭവത്തിൽ ചിറയിൻകീഴ് പൊലീസ് സ്റ്റേഷനിലെ എസ്ഐക്കെതിരെ നടപടി. പരാതിക്കാരന് 50,000 രൂപ നഷ്ടപരിഹാരം നൽകാനും തുക എസ്ഐ സുമേഷ് ലാലിൽ നിന്ന് ഈടാക്കാനും ആഭ്യന്തര സെക്രട്ടറി ഉത്തരവിട്ടു. സംസ്ഥാന മനുഷ്യാവകാശ കമ്മീഷന്റെ നിർദേശത്തെ തുടർന്നാണ് നടപടി.

2023 ഒക്ടോബർ 9-ന് തിരുവനന്തപുരം ചിറയിൻകീഴ് പൊലീസ് സ്റ്റേഷനിലായിരുന്നു സംഭവം. ചിറയിൻകീഴ് കുറക്കട സ്വദേശിയായ ശ്രീനാഥിനെയാണ് ചോദ്യം ചെയ്യലിനായി സ്റ്റേഷനിലേക്ക് വിളിച്ചുവരുത്തിയത്. ഭാര്യയുടെ ഫോണിലേക്ക് സന്ദേശം അയച്ചെന്ന പരാതിയെ തുടർന്നായിരുന്നു പൊലീസ് നടപടി. ചോദ്യം ചെയ്യുന്നതിനിടെ എസ്ഐ ശ്രീനാഥിനെ മർദിക്കുകയും കണ്ണിൽ പെപ്പർ സ്പ്രേ പ്രയോഗിക്കുകയും ചെയ്തെന്നാണ് പരാതി.

സംഭവത്തിൽ അന്വേഷണം നടത്തിയ സംസ്ഥാന മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് ഈ വർഷം മാർച്ച് 15-ന് പരാതിക്കാരന് അനുകൂലമായി വിധി പുറപ്പെടുവിച്ചിരുന്നു. തുടർന്ന് കമ്മീഷന്റെ നിർദേശപ്രകാരമാണ് ആഭ്യന്തര സെക്രട്ടറി നഷ്ടപരിഹാര ഉത്തരവ് പുറപ്പെടുവിച്ചത്.

ശ്രീനാഥും ഭാര്യയും തമ്മിലുള്ള വിവാഹമോചന കേസ് കുടുംബ കോടതിയിൽ തുടരുന്നതിനിടെയായിരുന്നു സംഭവം. അതേസമയം, കേസുമായി ബന്ധപ്പെട്ട് തിരുവനന്തപുരം റൂറൽ ജില്ലാ പൊലീസ് മേധാവി മനുഷ്യാവകാശ കമ്മീഷന് സമർപ്പിച്ച റിപ്പോർട്ടിലും എസ്ഐയുടെ ഭാഗത്തുനിന്ന് അതിക്രമം നടന്നതായി സ്ഥിരീകരിച്ചിരുന്നതായും രേഖകളിൽ വ്യക്തമാക്കുന്നു.

Share this article

വിവാഹം കഴിഞ്ഞിട്ട് വെറും രണ്ടുമാസം; പത്തൊൻപതുകാരിയായ നവവധു ജീവനൊടുക്കി

ഭാര്യക്ക് സന്ദേശം അയച്ചെന്ന പരാതിയിൽ സ്റ്റേഷനിലെത്തിയ യുവാവിന് പെപ്പർ സ�

ഇന്ത്യാ ബ്രിക്സ് ഉച്ചകോടി 2026 ആജീവിക സരസ് ബ്രാന്‍ഡ് ഉല്‍പന്ന പ്രദര്‍ശന വിഭ�

നിയമം വെറുമൊരു തിയറിയല്ല, ക്ലയൻ്റിനോടുള്ള നീതിയാണ്: നവാഗത വക്കീലന്മാരോട

15 ശതമാനം വിഹിതം പത്രപ്രവർത്തക യൂണിയൻ മുഖ്യമന്ത്രിക്ക് നിവേദനം നൽകി

65 വയസ്സുകാരിയുടെ നെഞ്ചിൽ നിന്ന് ഭീമൻ ട്യൂമർ വിജയകരമായി നീക്കം ചെയ്ത് കിംസ

കാർഗിൽ യുദ്ധ നായകൻ ക്യാപ്റ്റൻ ജെറി പ്രേംരാജിന് പാങ്ങോട് സൈനിക കേന്ദ്രത്ത

കോറോ ഹെൽത്തിലെ പ്രശ്നം ചർച്ചയിലൂടെ പരിഹരിക്കാൻ ശ്രമിക്കും മന്ത്രി ബിന്ദ�

പുതിയ അഭിഭാഷകരുടെ ഇൻഡക്ഷൻ ചടങ്ങ് നാളെ; കേരള മുഖ്യമന്ത്രി വി. ഡി. സതീശൻ ഉദ്�

തിരുവനന്തപുരത്ത് യുവാവ് കുത്തേറ്റ് മരിച്ചു

QUICK LINKS

ADVERTISEMENT

CONTACT