ദോഹ: ഖത്തർ ദേശീയ കായിക ദിനാഘോഷത്തോടനുബന്ധിച്ച് യൂത്ത് ഫോറം ഖത്തർ സംഘടിപ്പിച്ച യൂത്ത് കിക്ക് സീസൺ വൺ- ഇന്റർ യൂണിറ്റ് ഫുട്ബോൾ ടൂർണമെന്റിന് പ്രൗഢഗംഭീരമായ സമാപനം.
26 ടീമുകൾ പങ്കെടുത്ത ടൂർണമെന്റിൽ അസീസിയ എഫ് സിക്കെതിരെ (0 -1) അൽ മെസില എഫ് സി ജേതാക്കളായി.
മികച്ച താരമായി അജ്മൽ, മികച്ച ഗോളിയായി ഷാഫിർ എന്നിവരെ തിരഞ്ഞെടുത്തു.
വിജയികൾക്ക് യൂത്ത് ഫോറം പ്രസിഡൻറ് അസ്‌ലം തൗഫീഖ് എം.ഐ, ജനറൽ സെക്രട്ടറി അബ്ദുൽ ഷുക്കൂർ, യൂത്ത് ഫോറം വൈസ് പ്രെസിഡന്റുമാരായ ബിൻഷാദ് പുനത്തിൽ, റഷാദ് മുബാറക് അമാനുല്ല, എന്നിവർ സമ്മാന വിതരണം നടത്തി.
പങ്കാളിത്തം കൊണ്ടും സംഘാടനം കൊണ്ടും ശ്രദ്ധേയമായ കായിക പരിപാടി യൂത്ത് ഫോറം കായിക വിഭാഗം കൺവീനവർ മുഹമ്മദ് ശാക്കിർ, സമിതി അംഗങ്ങളായ മൂമിൻ ഫാറൂഖ്, ഷനാസ് വി.കെ, ജീഷിൻ അബൂബക്കർ, ഷാദ്, അനസ് , അസ്ജദ്, ഹസനുൽ ബന്ന എന്നിവർ നേതൃത്വം നൽകി.
ടൂർണമെന്റിൽ ഉടനീളം മെഡിക്കൽ സേവനത്തിനായി ആസ്റ്റർ ഹോസ്പിറ്റൽ പ്രതിനിധികൾ സന്നിഹിതരായിരുന്നു. ടൂർണമെന്റിന്റെ മുഖ്യ സ്പോൺസർ GEOPANEL പ്രതിനിധിയെ സമാപന ചടങ്ങിൽ ആദരിച്ചു .
