​ദോഹ: 2026-ൽ അമേരിക്ക, കാനഡ, മെക്സിക്കോ എന്നിവിടങ്ങളിലായി നടക്കാനിരിക്കുന്ന ഫിഫ ലോകകപ്പിനുള്ള തയ്യാറെടുപ്പുകളുടെ ഭാഗമായി ഖത്തർ ദേശീയ ഫുട്ബോൾ ടീമിനെ പ്രഖ്യാപിച്ചു. സ്പാനിഷ് പരിശീലകൻ ജൂലൻ ലോപെറ്റെഗുയി തിരഞ്ഞെടുത്ത 32 അംഗ പ്രാഥമിക സ്ക്വാഡിനെയാണ് ഖത്തർ ഫുട്ബോൾ അസോസിയേഷൻ (QFA) വെള്ളിയാഴ്ച പുറത്തുവിട്ടത്.
​മാർച്ചിൽ നടക്കുന്ന പ്രത്യേക പരിശീലന ക്യാമ്പിൽ ഈ താരങ്ങൾ പങ്കെടുക്കും. ലോകകപ്പ് ഗ്രൂപ്പ് ഘട്ടത്തിൽ ശക്തരായ കാനഡ, സ്വിറ്റ്‌സർലൻഡ് എന്നിവർക്കൊപ്പം ഗ്രൂപ്പ് ബി-യിലാണ് ഖത്തർ ഉൾപ്പെട്ടിരിക്കുന്നത്. യൂറോപ്യൻ പ്ലേ ഓഫ് വിജയികളാകും ഈ ഗ്രൂപ്പിലെ നാലാമത്തെ ടീം.പരിചയസമ്പന്നരും യുവതാരങ്ങളും ഉൾപ്പെടുന്ന സന്തുലിതമായ ഒരു ടീമിനെയാണ് ലോപെറ്റെഗുയി അണിനിരത്തിയിരിക്കുന്നത്.മിഷാൽ ബർഷം, മഹ്മൂദ് അബുനദ, ഷെഹാബ് അൽ ലൈതി, സലാ സക്കറിയഎന്നീ താരങ്ങളാണ് ഗോൾകീപ്പർമാർ.അക്രം അഫീഫ്, അൽമോസ് അലി, ഹസൻ അൽ ഹൈദോസ്, ബൗലേം ഖൂഖി, കരീം ബൗദിയാഫ്, ലൂക്കാസ് മെൻഡിസ്, എഡ്മിൽസൺ ജൂനിയർ എന്നിവർ 
പ്രധാന താരങ്ങളാണ്.അഹമ്മദ് അൽ ഗനേഹി, അഹമ്മദ് അൽ റാവി, അനസ് അബ്ദുസ്സലാം, അഹമ്മദ് ഫത്തേഹി, അയൂബ് അൽ അലവി, അഹമ്മദ് അൽ ഹസ്സൻ, അൽ ഹാഷ്മി അൽ ഹുസൈൻ, പെഡ്രോ മിഗ്വൽ, ബസ്സാം അൽ റാവി, നീൽ മേസൺ, അസീം മാഡിബോ, ഖാലിദ് അലി, ഈസ ലായെ, മുഹമ്മദ് ഖാലിദ്, മുഹമ്മദ് അൽ മന്നായ്, മുബാറക് ഷനാൻ, മർവാൻ ഷെരീഫ്, മുസ്തഫ താരെക്, ഹൊമാം അൽ അമിൻ, യൂസഫ് അബ്ദുറിസാഗ്, മുഹമ്മദ് വാദ്എന്നിവരാണ് ​മറ്റ് താരങ്ങൾ.നിലവിലെ ടീമിലെ മാറ്റങ്ങളും പുതിയ തന്ത്രങ്ങളും ലോകകപ്പിൽ മികച്ച പ്രകടനം കാഴ്ചവെക്കാൻ ഖത്തറിനെ സഹായിക്കുമെന്നാണ് ആരാധകരുടെ പ്രതീക്ഷ.