08:06pm 22 November 2026
NEWS
തിളച്ച സാമ്പാറിൽ വീണ് യുവതിക്ക് ദാരുണാന്ത്യം; അപകടം അന്നദാന ഒരുക്കത്തിനിടെ
22/09/2026  03:14 PM IST
nila
തിളച്ച സാമ്പാറിൽ വീണ് യുവതിക്ക് ദാരുണാന്ത്യം; അപകടം അന്നദാന ഒരുക്കത്തിനിടെ

വിജയവാഡ: ഗണേശോത്സവത്തോടനുബന്ധിച്ച് നടന്ന അന്നദാനത്തിനുള്ള ഒരുക്കങ്ങൾക്കിടെ തിളച്ച സാമ്പാറിൽ വീണ് യുവതി മരിച്ചു. വിജയവാഡ സ്വദേശിനി സുജാത (46)യാണ് ചികിത്സയ്ക്കിടെ മരിച്ചത്. ഞായറാഴ്ച രാവിലെയായിരുന്നു ദാരുണമായ അപകടം.

ഭക്തർക്കായി അന്നദാനം ഒരുക്കുന്നതിനായി പാചകപ്പുരയിൽ ജോലികളിൽ ഏർപ്പെട്ടിരിക്കുകയായിരുന്നു സുജാത. ഇതിനിടെ തിളച്ച സാമ്പാർ നിറച്ച വലിയ ചെമ്പ് മാറ്റുന്നതിനിടെ കാൽ വഴുതി ചെമ്പിനുള്ളിലേക്ക് വീഴുകയായിരുന്നു.

സുജാതയും മറ്റൊരാളും ചേർന്ന് വലിയ ചെമ്പ് മാറ്റുന്നതിനിടെയായിരുന്നു അപകടം. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്. അപകടത്തിൽ ശരീരമാസകലം ഗുരുതരമായി പൊള്ളലേറ്റ സുജാതയെ സംഘാടകർ ഉടൻ ആശുപത്രിയിൽ പ്രവേശിപ്പിച്ചു.

എന്നാൽ പൊള്ളലേറ്റതിനെ തുടർന്നുള്ള ഗുരുതരാവസ്ഥയിൽ ചികിത്സയിലിരിക്കെ തിങ്കളാഴ്ച രാവിലെ മരണം സംഭവിക്കുകയായിരുന്നു.

സംഭവത്തിൽ പൊലീസ് അന്വേഷണം ആരംഭിച്ചു. സുജാത തിളച്ച സാമ്പാറിലേക്ക് വീഴാനിടയായ സാഹചര്യം ഉൾപ്പെടെയുള്ള കാര്യങ്ങൾ വിശദമായി പരിശോധിക്കുമെന്ന് പൊലീസ് അറിയിച്ചു.

ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
NATIONAL
img