വിജയ് നായകനായ, രാഷ്ട്രീയത്തിൽ പ്രവേശിച്ചതിനെ തുടർന്ന് തന്റെ അവസാനത്തെ ചിത്രം എന്ന് പ്രഖ്യാപിക്കപ്പെട്ടിരിക്കുന്ന 'ജനനായകൻ' അടുത്ത വർഷം (2026) ജനുവരി 9-ന് റിലീസാകാനിരിക്കുകയാണ്. എച്.വിനോദ് സംവിധാനം ചെയ്തിരിക്കുന്ന ഈ ചിത്രത്തിന്റെ ഓഡിയോ പ്രകാശന ചടങ്ങ് അടുത്ത് തന്നെ നടക്കാനിരിക്കുകയാണ്. വിജയ് പങ്കെടുക്കുന്ന അവസാന ചിത്രവും, അദ്ദേഹം പങ്കെടുക്കുന്ന അവസാനത്തെ ഓഡിയോ റിലീസ് ചടങ്ങുമായിരിക്കും ഇത്.  ആയതിനാൽ, 'ജനനായകൻ' ഓഡിയോ ലോഞ്ച് ചടങ്ങിന് വളരെ പ്രാധാന്യം ഉണ്ട്. സാധാരണയായി തമിഴിൽ ഒരുങ്ങുമ്മ മുൻ നിര നായകന്മാരുടെ  മിക്ക ചിത്രങ്ങളുടെയും ഓഡിയോ റിലീസ്  ചടങ്ങ് ചെന്നൈയിലുള്ള നെഹ്‌റു ഇൻഡോർ സ്റ്റേഡിയത്തിലും, അല്ലെങ്കിൽ സ്വകാര്യ കോളേജുകളിലും, ഫൈവ്സ്റ്റാർ ഹോട്ടലുകളിലുമാണ് നടക്കാറുള്ളത്. എന്നാൽ വിജയ് രാഷ്ട്രീയത്തിൽ പ്രവേശിച്ചതിനെ തുടർന്ന് ഇപ്പോൾ ഭരണകക്ഷിയെ വളരെയധികം വിമർശിച്ച് വരികയാണ്. അതിനാൽ ചെന്നൈയിൽ ഓഡിയോ റിലീസ് പരിപാടി സംഘടിപ്പിക്കുന്ന കാര്യത്തിൽ സമ്മർദ്ദമുണ്ടാകുമെന്നാണ് ചിത്രത്തിന്റെ അണിയറപ്രവർത്തകർ പ്രതീക്ഷിക്കുന്നത്. അതിനാൽ, ഡിസംബർ 27-ന് മലേഷ്യയിൽ ഓഡിയോ ലോഞ്ച് ചടങ്ങ് നടത്തുന്നതിനെക്കുറിച്ചാണ് ഇപ്പോൾ ചിത്രത്തിന്റെ അണിയറപ്രവർത്തകർ ആലോചിച്ച് വരുന്നത്.   മലേഷ്യയിലാണെങ്കിൽ രാഷ്ട്രീയത്തെക്കുറിച്ച് സംസാരിക്കാം. ഒരു ചെറിയ കഥ പറയാം.  രാഷ്ട്രീയ സമ്മർദ്ദം ഉണ്ടാകില്ല. ഓഡിയോ ലോഞ്ച് എവിടെ നടന്നാലും അത് ഒരു ഹൈലൈറ്റായിരിക്കുമെന്നാണ്  എല്ലാവരും പ്രതീക്ഷിക്കുന്നത്. അതേ സമയം തമിഴ്നാട്ടിൽ സിനിമയുടെ റിലീസിന് സമയത്തിൽ എന്തെങ്കിലും പ്രശ്നങ്ങൾ ഉണ്ടാകുമോ എന്നുള്ള കാര്യവും ചിത്രത്തിന്റെ അണിയറപ്രവർത്തകരെ അലട്ടുന്നുണ്ടെന്നാണ് റിപ്പോർട്ട്. മുന്നൂറു കോടിയിലധികം ചെലവ് ചെയ്ത് ഒരുക്കിയിരിക്കുന്ന ചിത്രത്തിന്റെ റിലീസ് സമയത്തിൽ എന്തെങ്കിലും സംഭവിച്ചാൽ വലിയ നഷ്ടമുണ്ടാകും. ഇതെല്ലാം കണക്കിലെടുത്തായിരിക്കണം വിജയ് ഈ ഓഡിയോ ലോഞ്ച് ചടങ്ങിൽ പങ്കെടുക്കുന്നതും, സംസാരിക്കുന്നതും. ഓഡിയോ റിലീസ് വേദിയിൽ വിജയ് രാഷ്ട്രീയം സംസാരിക്കുമോ ഇല്ലയോ എന്നുള്ള കാര്യം അറിയാനുള്ള ആകാംക്ഷയിലാണ് ഇപ്പോൾ തമിഴ് സിനിമാ ആരാധകരും,  ചിത്രത്തിന്റെ അണിയറപ്രവർത്തകരും. കർണാടകയിൽ നിന്നുള്ള ഒരു കെ.വി.എൻ. കമ്പനിയാണ് 'ജനനായകൻ'  ചിത്രം നിർമ്മിച്ചിരിക്കുന്നത്.

Photo Courtesy - Google