വിവേകാനന്ദ നഗര്‍ റെസിഡന്‍സ് അസോസിയേഷന്റെ പുതുവത്സരാഘോഷം മേയര്‍ വി.കെ മിനിമോള്‍ കേക്ക് മുറിച്ച് ഉദ്ഘാടനം ചെയ്യുന്നു. സമീപം എംഎല്‍എ ടി.ജെ.വിനോദ്.
കൊച്ചി: എളമക്കര വിവേകാനന്ദ നഗര്‍ റെസിഡന്‍സ് അസോസിയേഷന്റെ (വിഎന്‍ആര്‍എ) ആഭിമുഖ്യത്തില്‍ പുതുവത്സരാഘോഷം സംഘടിപ്പിച്ചു. കൊച്ചി മേയര്‍ അഡ്വ. വി. കെ. മിനിമോള്‍ ആഘോഷം ഉദ്ഘാടനം ചെയ്തു. വിഎന്‍ആര്‍എ പ്രസിഡണ്ട് ഐശ്വര്യ അധ്യക്ഷത വഹിച്ച ചടങ്ങില്‍ എംഎല്‍എ ടി. ജെ. വിനോദ്, വാര്‍ഡ് കൗണ്‍സിലര്‍ സീന ടീച്ചര്‍,എഡ്രാക് മേഖല വൈസ് പ്രസിഡണ്ട് ബി. എം. സനല്‍ കുമാര്‍ എന്നിവര്‍ സംസാരിച്ചു.
പുതുവത്സരാഘോഷത്തിന്റെ ഭാഗമായി വിവിധ സാംസ്‌കാരിക പരിപാടികളും മുന്‍കൂട്ടി സംഘടിപ്പിച്ച മത്സരങ്ങളിലെ വിജയികള്‍ക്ക് സമ്മാനങ്ങളും നല്‍കി. പരിപാടികള്‍ക്ക് വിഎന്‍ആര്‍എ സെക്രട്ടറി ഗണേഷ് വി, ട്രഷറര്‍ കിരണ്‍ ജി എന്നിവര്‍ നേതൃത്വം നല്‍കി. ആയിരുന്നു. വിഎന്‍ആര്‍എ യൂത്ത് വിംഗ്, വനിതാ വിഭാഗം, കമ്മിറ്റി അംഗങ്ങള്‍, സന്നദ്ധ പ്രവര്‍ത്തകര്‍, പ്രദേശവാസികള്‍ എന്നിവരുടെ സജീവസഹകരണവും ഉണ്ടായിരുന്നു.
