സെൻസർ സർട്ടിഫിക്കറ്റ് ലഭിക്കുന്നതിൽ ഉണ്ടായ പ്രശ്നങ്ങൾ കാരണം നാളെ (ജനുവരി-9) റിലീസ് ചെയ്യാൻ തീരുമാനിച്ചിരുന്ന വിജയ്യുടെ 'ജനനായകൻ' എന്ന ചിത്രത്തിന്റെ റിലീസ് മാറ്റിവച്ചതായി നിർമ്മാണ കമ്പനി അറിയിച്ചു. ഇത് സംബന്ധമായി ആരാധകരോട് ക്ഷമാപണം നടത്തിയിട്ടുണ്ട് ചിത്രത്തിന്റെ നിർമ്മാതാക്കൾ! എച്ച്.വിനോദ് സംവിധാനം ചെയ്തിരിക്കുന്ന ചിത്രമായ 'ജനനായകൻ' നാളെ (ജനുവരി-9) റിലീസ് ചെയ്യുമെന്ന് നേരത്തെ പ്രഖ്യാപിച്ചിരുന്നു. എന്നാൽ, സെൻസർ സർട്ടിഫിക്കറ്റ് ഇതുവരെ നൽകാത്തതിനാൽ ചിത്രത്തിന്റെ റിലീസുമായി ബന്ധപ്പെട്ട് പ്രശ്നമുണ്ടായി. ഇതുമൂലം, ഈ ചിത്രത്തിന്റെ നിർമ്മാതാക്കൾ മദ്രാസ് ഹൈക്കോടതിയിൽ കേസ് ഫയൽ ചെയ്തു. അടിയന്തര കേസായി പരിഗണിച്ച ഈ കേസിൽ വാദം കേൾക്കൽ അവസാനിച്ചപ്പോൾ നാളെ (ജനവരി-9) വിധി പറയുമെന്ന് ജഡ്ജി പ്രഖ്യാപിച്ചു.
ഈ സാഹചര്യത്തിലാണ് ഒഴിവാക്കാനാവാത്ത ചില കാരണങ്ങളാൽ ചിത്രത്തിന്റെ റിലീസ് മാറ്റിവച്ചതായി പ്രഖ്യാപിച്ചിരിക്കുന്നത്. ഇതിന് ആരാധകരോട് ക്ഷമ ചോദിക്കുന്നുവെന്നും നിർമ്മാണ കമ്പനി അറിയിച്ചിട്ടുണ്ട്. ഞങ്ങളുടെ നിയന്ത്രണത്തിന് അതീതമായ സാഹചര്യങ്ങൾ ഉണ്ടായതിനാലാണ് ചിത്രത്തിന്റെ റിലീസ് മാറ്റിവയ്ക്കുന്നത്. ആരാധകർക്ക് ചിത്രത്തോടുള്ള പ്രതീക്ഷകളും, ആവേശവും വികാരങ്ങളും ഞങ്ങൾ മനസ്സിലാക്കുന്നു. ഈ തീരുമാനം എടുക്കുന്നത് എളുപ്പമായിരുന്നില്ല. പുതിയ റിലീസ് തീയതി ഉടൻ പ്രഖ്യാപിക്കും. നിങ്ങളുടെ പിന്തുണയാണ് ഞങ്ങളുടെ ഏറ്റവും വലിയ ശക്തി. എന്നും ആ പ്രസ്താവനയിൽ കുറിപ്പിട്ടിട്ടുണ്ട്.
Photo Courtesy - Google
