ഉത്തരാഖണ്ഡില് ഹെലികോപ്റ്റര് അപകടം. ഇന്നു പുലർച്ചെ 5.20-ഓടെയാണ് കേദാർനാഥിൽനിന്ന് ഗുപ്തകാശിയിലേക്ക് പോവുകയായിരുന്ന ഹെലികോപ്റ്റർ അപകടത്തിൽപെട്ടത്. ആറുപേരെ കാണാതായി. രക്ഷാപ്രവര്ത്തനത്തിനായി എന്ഡിആര്എഫ്-എസ്ഡിആര്എഫ് സംഘങ്ങള് അപകടസ്ഥലത്തേയ്ക്ക് പുറപ്പെട്ടിട്ടുണ്ട്.
ഉത്തരാഖണ്ഡിലെ ഗൗരികുണ്ഡിലാണ് ഹെലികോപ്റ്റര് തകര്ന്നുവീണത്. ആറ് യാത്രക്കാരും പൈലറ്റുമാണ് ഹെലികോപ്റ്ററിൽ ഉണ്ടായിരുന്നത്. അപകടത്തില്പ്പെട്ടവരില് ഒരു കുട്ടിയും ഉള്പ്പെടുന്നു. ഉത്തരാഖണ്ഡ്, ഉത്തര്പ്രദേശ്, മഹാരാഷ്ട്ര, ഗുജറാത്ത് എന്നിവിടങ്ങളില്നിന്നുള്ളവരാണ് ഹെലികോപ്റ്ററിലുണ്ടായിരുന്നത് എന്നാണ് റിപ്പോർട്ട്.
ഗൗരികുണ്ഡില്വെച്ച് ഹെലികോപ്റ്റര് കാണാതായെന്നായിരുന്നു എഎന്ഐ ഉള്പ്പെടെയുള്ള വാര്ത്താ ഏജന്സികള് ആദ്യം പുറത്തുവിട്ട റിപ്പോര്ട്ട്. ഇതിനുപിന്നാലെ കാണാതായ ഹെലികോപ്റ്റര് തകര്ന്നുവീണതായി ഉത്തരാഖണ്ഡ് എഡിജിപി ഡോ. വി. മുരുകേഷന് വാര്ത്താ ഏജന്സികളോട് സ്ഥിരീകരിച്ചു.
