ഇറാനിലെ ആണവായുധ നിലവാരത്തിനടുത്ത് എത്തിച്ചിരിക്കുന്ന യുറേനിയം പിടിച്ചെടുക്കാൻ പ്രത്യേക സേനയെ നിയോഗിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപ്. മൂന്ന് നയതന്ത്ര ഉദ്യോഗസ്ഥരെ ഉദ്ധരിച്ച് ബ്ലുംബെർഗ് ന്യൂസാണ് ഇക്കാര്യം റിപ്പോർട്ട് ചെയ്യുന്നത്. ട്രംപ് ഇറാന്റെ യുറേനിയം ശേഖരം പിടിച്ചെടുക്കാൻ പ്രത്യേക സംഘത്തെ നിയോഗിക്കുന്നതിനുള്ള സാധ്യത പരിഗണിക്കുന്നതായാണ് ഞായറാഴ്ച ബ്ലുംബെർഗ് റിപ്പോർട്ട് ചെയ്തത്.
ആണവായുധ നിർമാണത്തിന് ഉപയോഗിക്കാവുന്ന നിലവാരത്തിലേക്ക് അടുത്തിരിക്കുന്ന ഇറാന്റെ സമ്പുഷ്ട യുറേനിയം ശേഖരം പിടിച്ചെടുക്കുന്നതിനായി അമേരിക്കൻ പ്രത്യേക സേനയെ വിന്യസിക്കുന്ന പദ്ധതി അമേരിക്കൻ ഭരണകൂടം ആലോചിച്ചുകൊണ്ടിരിക്കുകയാണെന്ന് റിപ്പോർട്ട് വ്യക്തമാക്കുന്നു. ഈ വിഷയത്തിൽ വിവരമറിയുന്ന മൂന്ന് നയതന്ത്ര ഉദ്യോഗസ്ഥരാണ് ഇത് വെളിപ്പെടുത്തിയതെന്നും റിപ്പോർട്ടിൽ പറയുന്നുണ്ട്.
എന്നാൽ ഈ റിപ്പോർട്ട് സ്വതന്ത്രമായി സ്ഥിരീകരിക്കാൻ തങ്ങൾക്ക് ഇതുവരെ കഴിഞ്ഞിട്ടില്ലെന്ന് അന്താരാഷ്ട്ര വാർത്താ ഏജൻസിയായ റോയിട്ടേഴ്സ് അറിയിച്ചു.
