ദോഹ: ഖത്തറിൽ നടക്കുന്ന സോഷ്യൽ ഡെവലപ്മെന്റിനുള്ള രണ്ടാംലോകസമ്മേളനത്തിൽ(WSSD-2)പങ്കെടുക്കാനെത്തിയ
തൊഴിൽ, യുവജന, കായിക വകുപ്പ് കേന്ദ്രമന്ത്രി ഡോ. മൻസുഖ് മാണ്ഡവ്യയ്ക്ക്
 ഇന്ത്യൻ അംബാസിഡറുടെ നേതൃത്വത്തിൽ
ഊഷ്മളമായസ്വീകരണം നൽകി. നവംബർ 4 മുതൽ 6 വരെ ഖത്തർ ആതിഥേയത്വം വഹിക്കുന്ന സമ്മേളനത്തിന്റെ ഉദ്ഘാടന പ്ളീനറി യോഗത്തിൽ പങ്കെടുക്കുന്നകേന്ദ്രമന്ത്രി
 ഇന്ത്യയുടെ ദേശീയ നയം അവതരിപ്പിക്കും.
സമ്മേളനത്തിലെ “സോഷ്യൽ ഡെവലപ്മെന്റിന്റെ മൂന്നു തൂണുകൾ — ദാരിദ്ര്യ നിർമ്മാർജനം, ഉൽപാദനാത്മക തൊഴിൽ, സാമൂഹിക ഉൾപ്പെടുത്തൽ” എന്ന വിഷയത്തിലുള്ള റൗണ്ട്ടേബിളിലും ഡോ. മാണ്ഡവ്യ പങ്കെടുക്കും. ഉൾക്കൊള്ളലിനെയും മാന്യമായ തൊഴിൽ ഉറപ്പിനെയും മുൻനിരയിൽ വയ്ക്കുന്ന ഇന്ത്യയുടെ ഡിജിറ്റൽ വികസന യാത്രയെക്കുറിച്ച് അദ്ദേഹം വിശദീകരിക്കും.
നവംബർ 5-ന് അദ്ദേഹം നിതിആയോഗ് സംഘടിപ്പിക്കുന്ന “പാവപ്പെട്ടവരെ ശക്തിപ്പെടുത്താനുള്ള ഇന്ത്യയുടെ വഴികൾ” എന്ന സെമിനാറിലും പങ്കെടുക്കും. സ്വയംസഹായ സംഘം പ്രസ്ഥാനങ്ങൾ, വനിതാ ശാക്തീകരണം, സാമൂഹിക സുരക്ഷാ വികസനം തുടങ്ങിയ മേഖലകളിൽ ഇന്ത്യ നേടിയ നേട്ടങ്ങൾ   അവതരിപ്പിക്കും.  ഐ.എൽ.ഒ. സംഘടിപ്പിക്കുന്ന ‘ഗ്ലോബൽ കോയ്ലിഷൻ ഫോർ സോഷ്യൽ ജസ്റ്റിസ്’ മന്ത്രിസഭാ സമ്മേളനത്തിലും അദ്ദേഹം പങ്കെടുക്കും.
സമ്മേളനത്തിനോടനുബന്ധിച്ച് ഖത്തർ, റൊമാനിയ, മൗറീഷ്യസ്, യൂറോപ്യൻ യൂണിയൻ തുടങ്ങിയ രാജ്യങ്ങളിലെ മന്ത്രിമാരുമായും ഐ.എൽ.ഒ ഡയറക്ടർ ജനറലുമായും അദ്ദേഹം  ചർച്ചകൾ നടത്തും. തൊഴിൽ ചലനശേഷി, നൈപുണ്യ വികസനം, സാമൂഹിക സംരക്ഷണം, തൊഴിൽ സൃഷ്ടി എന്നീ മേഖലകളിൽ സഹകരണം കൂടുതൽ ശക്തിപ്പെടുത്തുക എന്നതാണ് ലക്ഷ്യം.
ഡോ. മാണ്ഡവ്യ നാഷണൽ കരിയർ സർവീസ് (NCS) പോർട്ടൽ സംബന്ധിച്ച അവതരണത്തിലും ഖത്തറിലെ Aspire Zone Complex ഉൾപ്പെടെയുള്ള കായിക സൗകര്യങ്ങൾ സന്ദർശിക്കുന്നതിലും പങ്കെടുക്കും.
ഡോ. മാണ്ഡവ്യയുടെ ഈ സന്ദർശനം “വിക്സിത്ഭാരത്@2047” എന്ന ദർശനത്തിന് അനുസൃതമായി, സാമൂഹിക നീതി, ഉൾക്കൊള്ളലും ഡിജിറ്റൽ പുതുമയും മുഖ്യമായി മുന്നോട്ടുകൊണ്ടുപോകുന്ന ഇന്ത്യയുടെ പ്രതിബദ്ധതയെ പ്രതിഫലിപ്പിക്കുന്നതാണ്.