ദോഹ: ജനങ്ങളുടെ അവകാശങ്ങളുമായി ബന്ധപ്പെട്ട യുഎൻ പ്രമേയങ്ങൾ സജീവമാക്കുന്നതിനും നടപ്പിലാക്കുന്നതിനും ശൂറ കൗൺസിൽ ഡെപ്യൂട്ടി സ്പീക്കർ ഡോ. ഹംദ ബിൻത് ഹസ്സൻ അൽ-സുലൈത്തി ആഹ്വാനം ചെയ്തു. താഷ്‌കന്റിൽ നടന്ന ഐപിയുവിന്റെ (ഇന്റർ-പാർലമെന്ററി യൂണിയൻ)യുഎൻ കാര്യങ്ങളുടെ ബ്യൂറോയുടെ യോഗത്തിൽ ശൂറ കൗൺസിൽ ഡെപ്യൂട്ടി സ്പീക്കർ ഖത്തറിന്റെ നിലപാട് അറീയിച്ചത്.
ജനങ്ങളുടെ അവകാശങ്ങളെ ബാധിക്കുന്ന യുഎൻ പുറപ്പെടുവിച്ച പ്രമേയങ്ങൾ സജീവമാക്കുകയും നടപ്പിലാക്കുകയും ചെയ്യേണ്ടത് അനിവാര്യമാണെന്നും ഐപിയുവിന്റെ യുഎൻ കാര്യങ്ങളുടെ സ്റ്റാൻഡിംഗ് കമ്മിറ്റി ആ അവകാശങ്ങൾ സംരക്ഷിക്കുന്നതിലും അവയുടെ യഥാർത്ഥ നടപ്പാക്കൽ പ്രോത്സാഹിപ്പിക്കുന്നതിലും ഒരു പ്രധാന പങ്ക് വഹിക്കണമെന്നും അവർ പറഞ്ഞു.അറബ് ഗ്രൂപ്പിന്റെ പ്രതിനിധി എന്ന നിലയിൽ ഖത്തർ കമ്മിറ്റിയിൽ അംഗമാകുന്നതിന്റെ പ്രാധാന്യം ഡെപ്യൂട്ടി സ്പീക്കർ ചൂണ്ടിക്കാട്ടി. സ്ത്രീകളുടെ പങ്ക് വർദ്ധിപ്പിക്കുന്നതിനും സുരക്ഷാ കൗൺസിലിന്റെ പങ്ക്വികസിപ്പിക്കുന്നതിനും യുഎൻസംവിധാനത്തിനുള്ളിൽ പാർലമെന്ററി സഹകരണം ശക്തിപ്പെടുത്തുന്നതിനുമുള്ള സംരംഭങ്ങളുടെ പ്രാധാന്യവും ശൂറ കൗൺസിൽ ഡെപ്യൂട്ടി സ്പീക്കർ ഊന്നിപ്പറഞ്ഞു.
യുഎൻ പാർലമെന്ററി സെഷനുകളിൽ, പ്രത്യേകിച്ച് സുസ്ഥിര വികസനം, വിദ്യാഭ്യാസം, ആരോഗ്യം, കാലാവസ്ഥാ വ്യതിയാനം എന്നിവയെ അഭിസംബോധന ചെയ്യുന്നവയിൽ, സജീവമായി പങ്കെടുക്കേണ്ടതിന്റെ പ്രാധാന്യം അവർ എടുത്തുപറഞ്ഞു, അതിലെ ദുർബലമായ അന്താരാഷ്ട്ര പ്രാതിനിധ്യത്തെ വിമർശിച്ചു, വിശാലമായ പങ്കാളിത്തം ഉറപ്പാക്കുന്നതിനുള്ള സംവിധാനങ്ങൾ സജീവമാക്കണമെന്ന് ആവശ്യപ്പെട്ടു.
യോഗങ്ങളുടെ ശുപാർശകൾ പിന്തുടരുന്നതിനുള്ള ഒരു പദ്ധതിയുടെ ആവശ്യകത അവർ ചൂണ്ടിക്കാട്ടി, ഐക്യരാഷ്ട്രസഭയുടെ തുടർനടപടി ചട്ടക്കൂടിനുള്ളിൽ പാർലമെന്ററി ബ്യൂറോ അംഗങ്ങൾക്ക് പ്രത്യേക ചുമതലകൾ നൽകണമെnnum നിർദ്ദേശിച്ചു.