കുസാറ്റ് വൈസ് ചാൻസലർ ഡോ. എം ജുനൈദ് ബുഷിരി ശില്പശാലയുടെ സമാപന ചടങ്ങിൽ സംസാരിക്കുന്നു
കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) സ്കൂൾ ഓഫ് മാനേജ്മെന്റ് സ്റ്റഡീസിൽ എസ് എം എസ് റിസർച്ച് ഫോറത്തിന്റെ നേതൃത്വത്തിൽ 'Conceptualizing Research & Model Development' എന്ന വിഷയത്തിൽ സംഘടിപ്പിച്ച ദ്വിദിന ശില്പശാലയുടെ സമാപന ചടങ്ങ് കുസാറ്റ് വൈസ് ചാൻസലർ ഡോ. എം ജുനൈദ് ബുഷിരി ഉദ്ഘാടനം ചെയ്തു. അക്കാദമിക മികവ് കൈവരിക്കുന്നതിൽ ഗവേഷണത്തിന്റെ പങ്കിനെക്കുറിച്ച് അദ്ദേഹം ഉദ്ഘാടന പ്രസംഗത്തിൽ ഊന്നിപ്പറഞ്ഞു. ശില്പശാലയിൽ അക്കാദമിക വിദഗ്ധരും, കുസാറ്റിലെ ഗവേഷകരും പങ്കെടുത്തു. ഹൈദരാബാദ് സർവകലാശാലയിലെ അസിസ്റ്റന്റ് പ്രൊഫസർ ഡോ. മുരുഗൻ പട്ടുസാമിയാണ് റിസോഴ്സ് പഴ്സനായി സെഷനുകൾ നയിച്ചത്. ചടങ്ങിൽ എസ് എം എസ് സ്റ്റഡീസിന്റെയും IQAC ഡയറക്ടറുമായ ഡോ. സാം തോമസ്, ഡോ. ദേവി സൗമ്യജ, എസ് എം എസ് റിസർച്ച് കോർഡിനേറ്ററും, പ്രോഗ്രാം കമ്മിറ്റി കോർഡിനേറ്ററുമായ എഡ്വിൻ സ്റ്റാൻലി എന്നിവർ പങ്കെടുത്തു.
Photo Courtesy - Google
