മലയാള സിനിമയായ എ പ്രെഗ്നന്റ് വിഡോ'യിലെ മികച്ച അഭിനയത്തിന് നടി 'ട്വിങ്കിൾ ജോബിക്ക് നാലാമത് പഞ്ചാബ് ഇന്റർനാഷണൽ ഫിലിം ഫെസ്റ്റിവലിലെ ഇന്ത്യൻ ഫിലിം കോംപറ്റീഷൻ വിഭാഗത്തിൽ 'ബെസ്റ്റ് ആക്ട്രസ് ഓഫ് ദി ഇയർ' പുരസ്കാരം ലഭിച്ചു. പുരസ്കാര നേട്ടം ട്വിങ്കിൾ ജോബി തന്റെ ഔദ്യോഗിക സോഷ്യൽ മീഡിയ പേജിലൂടെ സന്തോഷപൂർവ്വം പങ്കുവെച്ചു.
പുരസ്കാരം ലഭിച്ചതിന് പിന്നാലെ സംവിധായകൻ ഉണ്ണി കെ.ആർ, രാജേഷ്, കൂടാതെ എ പ്രെഗ്നന്റ് വിഡോ'ചിത്രത്തിന്റെ മുഴുവൻ ടീമിനും ട്വിങ്കിൾ നന്ദി രേഖപ്പെടുത്തി. ഈ നേട്ടം തന്റെ അഭിനയജീവിതത്തിലെ ഏറ്റവും സന്തോഷകരമായ നിമിഷങ്ങളിലൊന്നാണെന്നും അവർ കുറിച്ചു.
സാമൂഹിക പ്രസക്തിയുള്ള വിഷയത്തെ ആസ്പദമാക്കി ഒരുക്കുന്ന എ പ്രെഗ്നന്റ് വിഡോ'എന്ന ചിത്രം ഇതിനുമുമ്പും വിവിധ ദേശീയ അന്തർദേശീയ ചലച്ചിത്രമേളകളിൽ ശ്രദ്ധ നേടിയിരുന്നു. ചിത്രത്തിനും ട്വിങ്കിൾ ജോബിയുടെ പ്രകടനത്തിനും മുൻപ് മറ്റ് അന്താരാഷ്ട്ര ഫെസ്റ്റിവലുകളിലും അംഗീകാരങ്ങൾ ലഭിച്ചതായി റിപ്പോർട്ടുകളുണ്ട്. ഈ പുതിയ അംഗീകാരം ട്വിങ്കിൾ ജോബിയുടെ അഭിനയ മികവിനുള്ള മറ്റൊരു വലിയ നേട്ടമായാണ് സിനിമാ ലോകം വിലയിരുത്തുന്നത്. മലയാള സിനിമയ്ക്ക് ദേശീയതലത്തിൽ കൂടുതൽ ശ്രദ്ധ നേടിക്കൊടുക്കുന്ന നേട്ടമായും ഈ പുരസ്കാരം കാണപ്പെടുന്നു.
Photo Courtesy - Google
