മേടം: അശ്വതി, ഭരണി, കാർത്തിക ആദ്യ കാൽഭാഗം വരെ ജനിച്ചവർക്ക് അനുകൂല ഫലങ്ങൾ. മുടങ്ങിക്കിടന്ന കാര്യങ്ങൾ പൂർത്തിയാക്കാൻ കഴിയും. മത്സരങ്ങളിൽ വിജയം നേടാനും ബന്ധുക്കളുമായി ഒത്തുചേരാനും അവസരമുണ്ടാകും. കിട്ടാനുള്ള പണം കൈയിലെത്താനും സാധ്യത.
ഇടവം: കാർത്തിക അവസാന മുക്കാൽഭാഗം, രോഹിണി, മകയിരം ആദ്യ പകുതി വരെ ജനിച്ചവർക്ക് ചില തടസ്സങ്ങൾ നേരിടാം. മനഃപ്രയാസവും ആരോഗ്യവുമായി ബന്ധപ്പെട്ട അസ്വസ്ഥതകളും ഉണ്ടാകാം. യാത്രകൾക്കും തടസ്സം നേരിടാം. എങ്കിലും ചില കാര്യങ്ങൾ ഭാഗികമായി അനുകൂലമായി മാറും.
മിഥുനം: മകയിരം രണ്ടാം പകുതി, തിരുവാതിര, പുണർതം ആദ്യ മുക്കാൽഭാഗം വരെ ജനിച്ചവർക്ക് പ്രതീക്ഷിച്ച കാര്യങ്ങൾ നടക്കാതെ വരാം. ഇച്ഛാഭംഗം, മനഃപ്രയാസം, ശത്രുശല്യം എന്നിവയ്ക്ക് സാധ്യത. വേണ്ടപ്പെട്ടവരുമായി അകൽച്ചയുണ്ടാകാനും ശ്രദ്ധിക്കണം.
കർക്കടകം: പുണർതം അവസാന കാൽഭാഗം, പൂയം, ആയില്യം നക്ഷത്രക്കാർക്ക് നേട്ടങ്ങൾ നിറഞ്ഞ ദിവസം. കാര്യങ്ങൾ അനുകൂലമായി നീങ്ങും. അംഗീകാരവും ആരോഗ്യനേട്ടവും ലഭിക്കും. ശത്രുക്കളെ മറികടക്കാനും ആഗ്രഹിച്ച കാര്യങ്ങൾ നടപ്പാക്കാനും സാധിക്കും.
ചിങ്ങം: മകം, പൂരം, ഉത്രം ആദ്യ കാൽഭാഗം വരെ ജനിച്ചവർക്ക് ഭാഗ്യം തുണയ്ക്കും. സാമ്പത്തിക നേട്ടത്തിനും കാര്യവിജയത്തിനും സാധ്യത. മത്സരങ്ങളിൽ മുന്നിലെത്താം. കുടുംബാംഗങ്ങളുമായും ബന്ധുക്കളുമായും സന്തോഷകരമായ സമയം ചെലവഴിക്കും.
കന്നി: ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതി വരെ ജനിച്ചവർക്ക് കാര്യങ്ങൾ പ്രതീക്ഷിച്ചതുപോലെ നടക്കണമെന്നില്ല. നഷ്ടം, കലഹം, മനഃപ്രയാസം എന്നിവ ഉണ്ടാകാം. പരീക്ഷകളിലും പുതിയ കോഴ്സുകളിലേക്കുള്ള പ്രവേശനശ്രമങ്ങളിലും തിരിച്ചടി നേരിടാൻ സാധ്യത.
തുലാം: ചിത്തിര രണ്ടാം പകുതി, ചോതി, വിശാഖം ആദ്യ മുക്കാൽഭാഗം വരെ ജനിച്ചവർ സൂക്ഷിക്കണം. കാര്യങ്ങൾ മുടങ്ങാനും കലഹസാഹചര്യങ്ങൾ ഉണ്ടാകാനും സാധ്യത. മനഃപ്രയാസവും സ്വസ്ഥതക്കുറവും അനുഭവപ്പെടാം. വാഹനയാത്രയിൽ, പ്രത്യേകിച്ച് ഇരുചക്രവാഹന യാത്രയിൽ, കൂടുതൽ ജാഗ്രത വേണം.
വൃശ്ചികം: വിശാഖം അവസാന കാൽഭാഗം, അനിഴം, തൃക്കേട്ട നക്ഷത്രക്കാർക്ക് നേട്ടങ്ങൾ ലഭിക്കും. സ്ഥാനലാഭം, അംഗീകാരം, മത്സരവിജയം എന്നിവയ്ക്ക് സാധ്യത. യാത്രകൾ വിജയകരമാകാം. നിയമപരമായ കാര്യങ്ങളിലും അനുകൂല സാഹചര്യം പ്രതീക്ഷിക്കാം.
ധനു: മൂലം, പൂരാടം, ഉത്രാടം ആദ്യ കാൽഭാഗം വരെ ജനിച്ചവർക്ക് കാര്യങ്ങൾ വൈകിയേക്കാം. മനഃപ്രയാസം, കലഹം, അഭിമാനക്ഷതം, ഇച്ഛാഭംഗം എന്നിവയ്ക്ക് സാധ്യത. യാത്രകളിലും തടസ്സങ്ങൾ ഉണ്ടാകാം.
മകരം: ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതി വരെ ജനിച്ചവർക്ക് നേട്ടങ്ങൾ പ്രതീക്ഷിക്കാം. കാര്യങ്ങൾ വിജയകരമായി പൂർത്തിയാക്കാം. മത്സരവിജയത്തിനും അംഗീകാരത്തിനും സാധ്യത. ആഗ്രഹിച്ച കാര്യങ്ങൾ നടക്കാനും ഇടയുണ്ട്.
കുംഭം: അവിട്ടം രണ്ടാം പകുതി, ചതയം, പൂരുരുട്ടാതി ആദ്യ മുക്കാൽഭാഗം വരെ ജനിച്ചവർക്ക് ജാഗ്രത ആവശ്യമാണ്. കാര്യതടസ്സം, മനഃപ്രയാസം, ധനനഷ്ടം, യാത്രാതടസ്സം എന്നിവയ്ക്ക് സാധ്യത. വായ്പയ്ക്കായി നടത്തുന്ന ശ്രമങ്ങളിൽ നിരാശ നേരിടാം.
മീനം: പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി നക്ഷത്രക്കാർക്ക് അനുകൂല സമയം. കാര്യവിജയത്തിനും മത്സരവിജയത്തിനും സാധ്യത. അംഗീകാരവും ആരോഗ്യനേട്ടവും ലഭിക്കും. പരീക്ഷകളിൽ വിജയം നേടാനും പുതിയ കോഴ്സുകളിലേക്കുള്ള പ്രവേശനം സാധ്യമാകാനും സാധ്യതയുണ്ട്.
