ദോഹ: ഹമദ് ബിൻ ഖലീഫ മെഡിക്കൽ സിറ്റിയിലെ വിവിധ ആശുപത്രി കവാടങ്ങളിൽ ഗതാഗതക്കുരുക്ക് ഒഴിവാക്കുന്നതിനായി പുതിയ ട്രാഫിക് പരിഷ്‌കാരം ഏർപ്പെടുത്തുന്നു. മാർച്ച് 31 ചൊവ്വാഴ്ച മുതൽ മെഡിക്കൽ സിറ്റിയിലെ പ്രധാന ആശുപത്രി കവാടങ്ങളിലേക്കുള്ള പ്രവേശനം വൺവേ (One-way) ആയിരിക്കുമെന്ന് അധികൃതർ അറിയിച്ചു.
അസ്യ്യാദ് 2006' (Asyad 2006) റോഡായിരിക്കും
മെഡിക്കൽ സിറ്റിയിലേക്കുള്ള പ്രധാന പ്രവേശന കവാടം.ഖത്തർ റീഹാബിലിറ്റേഷൻ ഇൻസ്റ്റിറ്റ്യൂട്ട്, അംബുലേറ്ററി കെയർ സെന്റർ, വിമൻസ് വെൽനസ് ആൻഡ് റിസർച്ച് സെന്റർ, മെഡിക്കൽ കെയർ ആൻഡ് റിസർച്ച് സെന്റർ എന്നിവയുടെ പ്രധാന കവാടങ്ങളിലാണ് വൺവേ നിയന്ത്രണം ഏർപ്പെടുത്തിയിരിക്കുന്നത്.വാഹനങ്ങൾ പാർക്ക് ചെയ്യാൻ എത്തുന്നവർ അഹമ്മദ് ബിൻ അലി സ്ട്രീറ്റ് (Ahmed Bin Ali Street) വഴിയുള്ള പ്രവേശനം ഉപയോഗിക്കണം.
ഡ്രോപ്പ്-ഓഫ് & പിക്ക്-അപ്പ്: രോഗികളെ ഇറക്കുന്നതിനും (Drop-off) കയറ്റുന്നതിനുമായി (Pick-up) അസ്യ്യാദ് 2006 റോഡ് ഉപയോഗിക്കാവുന്നതാണ്.
മെഡിക്കൽ സിറ്റിയിലെ തിരക്ക് കുറയ്ക്കാനും സുരക്ഷ വർദ്ധിപ്പിക്കാനും ലക്ഷ്യമിട്ടാണ് ഈ പരിഷ്‌കാരം. പുതിയ ദിശാസൂചകങ്ങൾ ശ്രദ്ധിക്കണമെന്നും നിശ്ചയിച്ചിട്ടുള്ള റൂട്ടുകൾ പാലിക്കണമെന്നും വാഹനയാത്രക്കാരോട് അധികൃതർ അഭ്യർത്ഥിച്ചു.
