മേടം (അശ്വതി, ഭരണി, കാർത്തിക ആദ്യഭാഗം): ആഗ്രഹിച്ച കാര്യങ്ങൾ സഫലമാകാൻ സാധ്യതയുള്ള ദിവസമാണ്. വിവിധ മേഖലകളിൽ കാര്യവിജയം നേടാനാകും. സുഹൃത്തുക്കളുമായുള്ള കൂടിക്കാഴ്ചകളും ഒത്തുചേരലുകളും സന്തോഷം പകരും.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): കാര്യങ്ങളിൽ അനുകൂല ഫലങ്ങളും അംഗീകാരവും ലഭിക്കും. സാമ്പത്തിക നേട്ടത്തിനും ആരോഗ്യപരമായ പുരോഗതിക്കും സാധ്യതയുണ്ട്. ബന്ധുക്കളുമായി ഒത്തുചേരാനും വേണ്ടപ്പെട്ടവരോടൊപ്പം സന്തോഷകരമായ നിമിഷങ്ങൾ ചെലവഴിക്കാനും കഴിയും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): പ്രതീക്ഷിച്ച കാര്യങ്ങൾ പൂർത്തിയാക്കുന്നതിൽ തടസ്സങ്ങൾ നേരിട്ടേക്കാം. മാനസിക അസ്വസ്ഥതയ്ക്കും ഉദരസംബന്ധമായ ബുദ്ധിമുട്ടുകൾക്കും സാധ്യതയുണ്ട്. പ്രവർത്തനങ്ങളിൽ മന്ദതയും യാത്രകളിൽ തടസ്സങ്ങളും അനുഭവപ്പെടാം. ചില അനുഭവങ്ങൾ മനസ്സിനെ വേദനിപ്പിച്ചേക്കാം.
കർക്കടകം (പുണർതം അവസാന കാൽഭാഗം, പൂയം, ആയില്യം): കാര്യങ്ങളിൽ തിരിച്ചടികളും മനഃപ്രയാസവും ഉണ്ടാകാനിടയുണ്ട്. ആഗ്രഹിച്ച കാര്യങ്ങൾ നടക്കാതെ വരാം. അഭിപ്രായവ്യത്യാസങ്ങളും കലഹസാഹചര്യങ്ങളും ഒഴിവാക്കാൻ ശ്രദ്ധിക്കണം. പല കാര്യങ്ങളിലും തടസ്സങ്ങൾ നേരിട്ടേക്കാം.
ചിങ്ങം (മകം, പൂരം, ഉത്രം ആദ്യ കാൽഭാഗം): കാര്യവിജയത്തിനും അംഗീകാരത്തിനും സ്ഥാനനേട്ടത്തിനും സാധ്യതയുള്ള ദിവസമാണ്. ഏറ്റെടുത്ത പ്രവർത്തനങ്ങളിൽ അനുകൂല ഫലങ്ങൾ ലഭിക്കും. യാത്രകൾ ഉദ്ദേശിച്ച രീതിയിൽ വിജയകരമാകാനും സാധ്യതയുണ്ട്.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): പ്രവർത്തനങ്ങളിൽ തിരിച്ചടികൾ നേരിടേണ്ടിവന്നേക്കാം. പരീക്ഷകളിലും മറ്റ് മത്സരങ്ങളിലും പ്രതീക്ഷിച്ച വിജയം ലഭിക്കണമെന്നില്ല. അഭിമാനക്ഷതം, കലഹം, സാമ്പത്തിക നഷ്ടം എന്നിവയ്ക്കും സാധ്യതയുണ്ട്. കൂടിക്കാഴ്ചകൾ പ്രതീക്ഷിച്ചത്ര സന്തോഷം നൽകില്ല.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): സന്തോഷവും നേട്ടങ്ങളും നിറഞ്ഞ ദിവസമായിരിക്കും. സൽക്കാരങ്ങളിൽ പങ്കെടുക്കാനും ഇഷ്ടഭക്ഷണങ്ങൾ ആസ്വദിക്കാനും അവസരമുണ്ടാകും. പുതിയ ഉപയോഗസാധനങ്ങൾ സ്വന്തമാക്കാനും സമ്മാനങ്ങൾ ലഭിക്കാനും സാധ്യതയുണ്ട്. ആരോഗ്യവും അനുകൂലമായിരിക്കും. ഉല്ലാസയാത്രകൾക്കും സാധ്യത കാണുന്നു.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): കാര്യങ്ങളിൽ തടസ്സങ്ങളും സാമ്പത്തിക ബുദ്ധിമുട്ടുകളും അനുഭവപ്പെട്ടേക്കാം. അനാവശ്യ ചെലവുകളും അലച്ചിലും മനഃപ്രയാസത്തിന് കാരണമാകും. വായ്പ ലഭിക്കാനുള്ള ശ്രമങ്ങൾ വിജയിക്കാതെ വരാനും സാധ്യതയുണ്ട്. സാമ്പത്തിക കാര്യങ്ങളിൽ കൂടുതൽ ശ്രദ്ധ പുലർത്തണം.
ധനു (മൂലം, പൂരാടം, ഉത്രാടം ആദ്യ കാൽഭാഗം): പ്രവർത്തനങ്ങളിൽ വിജയം കൈവരിക്കാനും അംഗീകാരം നേടാനും സാധിക്കും. മത്സരങ്ങളിൽ അനുകൂല ഫലങ്ങൾ പ്രതീക്ഷിക്കാം. ഏറെ നാളായി മനസ്സിലുള്ള ആഗ്രഹങ്ങൾ സഫലമാകാനും സാധ്യതയുണ്ട്.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): മത്സരങ്ങളിലും പ്രവർത്തനങ്ങളിലും വിജയം നേടാൻ സാധിക്കുന്ന ദിവസമാണ്. അംഗീകാരവും സാമ്പത്തിക നേട്ടവും പ്രതീക്ഷിക്കാം. എതിരാളികളുടെ നീക്കങ്ങളെ അതിജീവിക്കാനാകും. മറ്റുള്ളവരിൽ നിന്ന് ലഭിക്കാനുള്ള പണം തിരികെ കിട്ടാനും സാധ്യതയുണ്ട്.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): കാര്യങ്ങൾ പ്രതീക്ഷിച്ച വേഗത്തിൽ മുന്നോട്ടുപോകണമെന്നില്ല. ശരീരസുഖക്കുറവ്, ഉദരസംബന്ധമായ അസ്വസ്ഥതകൾ, പ്രവർത്തനമാന്ദ്യം എന്നിവയ്ക്ക് സാധ്യതയുണ്ട്. യാത്രകളിൽ തടസ്സങ്ങളും മനസ്സിനെ വിഷമിപ്പിക്കുന്ന അനുഭവങ്ങളും ഉണ്ടായേക്കാം.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): കാര്യങ്ങളിൽ പരാജയവും അഭിമാനക്ഷതവും നേരിടേണ്ടിവന്നേക്കാം. കലഹസാഹചര്യങ്ങളും മാനസിക വിഷമങ്ങളും ഒഴിവാക്കാൻ ശ്രദ്ധിക്കണം. സാമ്പത്തിക ഇടപാടുകളിൽ ജാഗ്രത പാലിക്കുന്നത് നല്ലതാണ്.
