മേടം: അശ്വതി, ഭരണി, കാർത്തിക ആദ്യഭാഗം എന്നീ നക്ഷത്രക്കാർക്ക് അനുകൂലമായ അനുഭവങ്ങൾ പ്രതീക്ഷിക്കാം. ഏറ്റെടുക്കുന്ന കാര്യങ്ങൾ വിജയകരമായി പൂർത്തിയാക്കാനും മത്സരങ്ങളിൽ നേട്ടം സ്വന്തമാക്കാനും കഴിയും. തൊഴിൽരംഗത്ത് അംഗീകാരവും സ്ഥാനക്കയറ്റവും ലഭിക്കാനുള്ള സാധ്യതയുണ്ട്. പുതിയ ജോലി അന്വേഷിക്കുന്നവർക്കും പ്രതീക്ഷയ്ക്ക് വകയുണ്ട്. ആരോഗ്യപരമായും ശത്രുക്കളുടെ ശല്യം കുറയുന്നതിലും അനുകൂല സാഹചര്യമുണ്ടാകും.
ഇടവം: കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി എന്നീ നക്ഷത്രക്കാർക്ക് കാര്യങ്ങൾ വിചാരിച്ചപോലെ മുന്നോട്ടുപോകണമെന്നില്ല. ചില തിരിച്ചടികൾ അഭിമാനക്ഷതത്തിനും മനഃപ്രയാസത്തിനും കാരണമായേക്കാം. അപകടസാധ്യതകൾ ഒഴിവാക്കാൻ യാത്രകളിൽ ജാഗ്രത പാലിക്കണം. ഇരുചക്രവാഹന യാത്രകളിൽ പ്രത്യേക ശ്രദ്ധ ആവശ്യമാണ്.
മിഥുനം: മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം എന്നീ നക്ഷത്രക്കാർക്ക് കാര്യങ്ങൾ പലപ്പോഴും തടസ്സപ്പെട്ടേക്കാം. തർക്കങ്ങളും അഭിപ്രായവ്യത്യാസങ്ങളും ഒഴിവാക്കാൻ ശ്രദ്ധിക്കണം. സാമ്പത്തിക ഇടപാടുകളിൽ പ്രതിസന്ധികൾക്കും അനാവശ്യ ചെലവുകൾക്കും സാധ്യതയുണ്ട്. യാത്രകൾ വർധിക്കുന്നതിനൊപ്പം അടുപ്പമുള്ളവരിൽ ചിലരുമായി അകൽച്ചയുണ്ടാകാനും ഇടയുണ്ട്.
കർക്കടകം: പുണർതം അവസാന കാൽഭാഗം, പൂയം, ആയില്യം എന്നീ നക്ഷത്രക്കാർക്ക് നേട്ടങ്ങളുടെ കാലമാണ്. മത്സരങ്ങളിലും ഏറ്റെടുക്കുന്ന കാര്യങ്ങളിലും വിജയിക്കാൻ സാധിക്കും. അംഗീകാരവും അഭിമാനവും വർധിക്കും. ആരോഗ്യകാര്യങ്ങളിൽ ആശ്വാസം ലഭിക്കുന്നതിനൊപ്പം പ്രിയപ്പെട്ടവരുമായി സന്തോഷകരമായ നിമിഷങ്ങൾ പങ്കിടാനും അവസരമുണ്ടാകും.
ചിങ്ങം: മകം, പൂരം, ഉത്രം ആദ്യ കാൽഭാഗം എന്നീ നക്ഷത്രക്കാർക്ക് തൊഴിൽപരമായും സാമ്പത്തികമായും നേട്ടങ്ങളുണ്ടാകാം. സ്ഥാനക്കയറ്റത്തിനും പുതിയ ഉത്തരവാദിത്തങ്ങൾ ലഭിക്കാനും സാധ്യതയുണ്ട്. ആഗ്രഹിക്കുന്ന ഉപയോഗസാധനങ്ങൾ സ്വന്തമാക്കാൻ കഴിയും. സൽക്കാരങ്ങളിലും ആഘോഷങ്ങളിലും പങ്കെടുക്കാൻ അവസരമുണ്ടാകും. കുടിശ്ശികയായി ലഭിക്കാനുള്ള പണം തിരിച്ചുകിട്ടുന്നതും സന്തോഷം നൽകും.
കന്നി: ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി എന്നീ നക്ഷത്രക്കാർക്ക് പ്രതീക്ഷകൾക്കനുസരിച്ച് കാര്യങ്ങൾ നടക്കണമെന്നില്ല. മാനസിക അസ്വസ്ഥതയും സ്വസ്ഥതക്കുറവും അനുഭവപ്പെട്ടേക്കാം. യാത്രകൾ മുടങ്ങാനോ മാറ്റിവയ്ക്കാനോ സാധ്യതയുണ്ട്. പ്രധാനപ്പെട്ട കൂടിക്കാഴ്ചകളിൽ നിന്നും ചർച്ചകളിൽ നിന്നും പ്രതീക്ഷിച്ച ഫലം ലഭിക്കാതെ വരാം.
തുലാം: ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം എന്നീ നക്ഷത്രക്കാർക്ക് പ്രതികൂല സാഹചര്യങ്ങളെ നേരിടേണ്ടിവന്നേക്കാം. ശത്രുക്കളുടെ ഇടപെടലും അനാവശ്യ പ്രശ്നങ്ങളും ബുദ്ധിമുട്ടുണ്ടാക്കാം. ശരീരത്തിന് പരുക്കേൽക്കാനുള്ള സാധ്യതയുള്ളതിനാൽ ശ്രദ്ധ വേണം. ആഗ്രഹിച്ച കാര്യങ്ങൾ നടക്കാതെ വരുന്നത് മനഃപ്രയാസത്തിന് ഇടയാക്കാം. വേണ്ടപ്പെട്ടവരുമായുള്ള ബന്ധത്തിൽ അകൽച്ചയുണ്ടാകാനും സാധ്യതയുണ്ട്.
വൃശ്ചികം: വിശാഖം അവസാന കാൽഭാഗം, അനിഴം, തൃക്കേട്ട എന്നീ നക്ഷത്രക്കാർക്ക് കാര്യങ്ങൾ അനുകൂലമാകണമെന്നില്ല. സാമ്പത്തിക നഷ്ടം, ശത്രുശല്യം, യാത്രാതടസ്സം എന്നിവയ്ക്ക് സാധ്യതയുണ്ട്. പ്രതീക്ഷിച്ച യാത്രകൾ മുടങ്ങുകയോ ലക്ഷ്യം കാണാതെ വരികയോ ചെയ്യാം. ശരീരത്തിന് പരുക്കേൽക്കാതിരിക്കാൻ ശ്രദ്ധിക്കണം. അപ്രതീക്ഷിത തടസ്സങ്ങൾ മനഃപ്രയാസത്തിനും കാരണമായേക്കാം.
ധനു: മൂലം, പൂരാടം, ഉത്രാടം ആദ്യ കാൽഭാഗം എന്നീ നക്ഷത്രക്കാർക്ക് തൊഴിൽപരമായും വ്യക്തിപരമായും ചില പ്രതിസന്ധികൾ നേരിടേണ്ടിവന്നേക്കാം. കലഹങ്ങളും അഭിപ്രായവ്യത്യാസങ്ങളും ഒഴിവാക്കാൻ ശ്രദ്ധിക്കണം. ജോലികളിൽ തടസ്സങ്ങളും ആഗ്രഹിച്ച കാര്യങ്ങളിൽ നിരാശയും ഉണ്ടായേക്കാം. സുഹൃത്തുക്കളുമായുള്ള ബന്ധത്തിൽ അകൽച്ച അനുഭവപ്പെടാനും സാധ്യതയുണ്ട്.
മകരം: ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി എന്നീ നക്ഷത്രക്കാർക്ക് വിജയസാധ്യതകൾ കൂടുതലാണ്. മത്സരങ്ങളിൽ മുന്നിലെത്താനും ശത്രുക്കളുടെ ശല്യം അതിജീവിക്കാനും കഴിയും. തൊഴിൽരംഗത്ത് സ്ഥാനക്കയറ്റവും അംഗീകാരവും ലഭിക്കാം. ആരോഗ്യകാര്യങ്ങളിലും അനുകൂല മാറ്റങ്ങൾ പ്രതീക്ഷിക്കാം. ഏറെക്കാലമായി ആഗ്രഹിക്കുന്ന കാര്യങ്ങൾ യാഥാർഥ്യമാകാനുള്ള സാധ്യതയുണ്ട്.
കുംഭം: അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം എന്നീ നക്ഷത്രക്കാർക്ക് പ്രതീക്ഷിച്ച നേട്ടങ്ങൾ കൈവരിക്കാൻ കാലതാമസം നേരിടാം. സാമ്പത്തിക കാര്യങ്ങളിൽ തടസ്സങ്ങളും യാത്രകളിൽ നിരാശയും ഉണ്ടായേക്കാം. മനഃസമാധാനം കുറയാനും ആഗ്രഹിച്ച കാര്യങ്ങൾ മുടങ്ങാനും സാധ്യതയുണ്ട്. തീരുമാനങ്ങൾ എടുക്കുന്നതിലും പുതിയ കാര്യങ്ങൾ ആരംഭിക്കുന്നതിലും കൂടുതൽ ശ്രദ്ധ പുലർത്തണം.
മീനം: പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി എന്നീ നക്ഷത്രക്കാർക്ക് സന്തോഷവും നേട്ടവും പ്രതീക്ഷിക്കാം. കാര്യവിജയത്തിനൊപ്പം മത്സരങ്ങളിൽ വിജയവും അംഗീകാരവും ലഭിക്കും. ആരോഗ്യപരമായും അനുകൂല സാഹചര്യമുണ്ടാകും. സൽക്കാരങ്ങളിലും കുടുംബപരമായ ഒത്തുചേരലുകളിലും പങ്കെടുക്കാൻ അവസരമുണ്ടാകും. പ്രിയപ്പെട്ടവരുമായി സന്തോഷം പങ്കിടാൻ സാധിക്കും.
