മേടം
അശ്വതി, ഭരണി, കാർത്തിക ആദ്യഭാഗം എന്നീ നക്ഷത്രങ്ങളിൽ ജനിച്ചവർക്ക് ഇന്ന് പ്രതീക്ഷിച്ച കാര്യങ്ങൾ പൂർത്തിയാക്കാൻ പ്രയാസം നേരിട്ടേക്കാം. മനഃപ്രയാസം, ഉദരസംബന്ധമായ അസ്വസ്ഥതകൾ, പ്രവർത്തനത്തിലെ മന്ദഗതി എന്നിവയ്ക്ക് സാധ്യതയുണ്ട്. തർക്കങ്ങളും അഭിമാനത്തിന് ക്ഷതമുണ്ടാകുന്ന സാഹചര്യങ്ങളും ഒഴിവാക്കണം. അടുപ്പമുള്ളവർ അകലുന്നതായും അനുഭവപ്പെട്ടേക്കാം.
ഇടവം
കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി എന്നീ നക്ഷത്രക്കാർക്ക് അനുകൂലമായ ഫലങ്ങൾ പ്രതീക്ഷിക്കാം. ജോലികളിലും മത്സരങ്ങളിലും വിജയം നേടാൻ സാധ്യതയുണ്ട്. ഇഷ്ടഭക്ഷണം ലഭിക്കുക, സുഹൃത്തുക്കളെ കാണുക, സൽക്കാരങ്ങളിൽ പങ്കെടുക്കുക തുടങ്ങിയ സന്തോഷകരമായ അനുഭവങ്ങളുണ്ടാകാം. സമ്മാനലാഭത്തിനും വിനോദയാത്രകൾക്കും യോഗമുണ്ട്.
മിഥുനം
മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം എന്നീ നക്ഷത്രക്കാർക്ക് ഇന്ന് കാര്യങ്ങളിൽ തടസ്സങ്ങൾ നേരിട്ടേക്കാം. പ്രതീക്ഷിച്ച ഫലങ്ങൾ ലഭിക്കാതിരിക്കുക, അനാവശ്യമായി യാത്ര ചെയ്യേണ്ടിവരിക, ചെലവുകൾ വർധിക്കുക തുടങ്ങിയ സാഹചര്യങ്ങളുണ്ടാകാം. സാമ്പത്തിക കാര്യങ്ങളിലും ആരോഗ്യത്തിലും കൂടുതൽ ശ്രദ്ധ ആവശ്യമാണ്.
കർക്കടകം
പുണർതം അവസാന കാൽഭാഗം, പൂയം, ആയില്യം എന്നീ നക്ഷത്രക്കാർക്ക് വിജയവും നേട്ടവും ലഭിക്കാൻ സാധ്യതയുണ്ട്. പ്രവർത്തനങ്ങളിൽ അംഗീകാരം നേടാനും മത്സരങ്ങളിൽ മുന്നിലെത്താനും സാധിച്ചേക്കാം. യാത്രകൾ വിജയകരമാകാനും ആരോഗ്യകാര്യങ്ങളിൽ അനുകൂല സാഹചര്യമുണ്ടാകാനും സാധ്യതയുണ്ട്. പ്രധാനപ്പെട്ട കൂടിക്കാഴ്ചകളും ഫലപ്രദമായേക്കാം.
ചിങ്ങം
മകം, പൂരം, ഉത്രം ആദ്യ കാൽഭാഗം എന്നീ നക്ഷത്രക്കാർക്ക് ഇന്ന് വിജയസാധ്യതയുള്ള ദിവസമാണ്. മത്സരങ്ങളിലും പരീക്ഷകളിലും മികച്ച ഫലം പ്രതീക്ഷിക്കാം. പ്രവർത്തനങ്ങൾക്ക് അംഗീകാരം ലഭിക്കാനും ആരോഗ്യകാര്യങ്ങളിൽ ആശ്വാസമുണ്ടാകാനും സാധ്യതയുണ്ട്. ഉപരിപഠനത്തിനോ പുതിയ കോഴ്സുകളിലേക്കുള്ള പ്രവേശനത്തിനോ ശ്രമിക്കുന്നവർക്ക് അനുകൂല സാഹചര്യമുണ്ടായേക്കാം.
കന്നി
ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി എന്നീ നക്ഷത്രക്കാർക്ക് ഇന്ന് ചില പ്രതിസന്ധികൾ നേരിടേണ്ടിവന്നേക്കാം. മാനസിക വിഷമം, ആരോഗ്യപ്രശ്നങ്ങൾ, ഉദരവൈഷമ്യം, യാത്രാതടസ്സം എന്നിവയ്ക്ക് സാധ്യതയുണ്ട്. ചെയ്യുന്ന കാര്യങ്ങളിൽ കാലതാമസമുണ്ടാകാം. എങ്കിലും ചില ശ്രമങ്ങൾ ഭാഗികമായി വിജയിക്കുമെന്നാണ് സൂചന.
തുലാം
ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം എന്നീ നക്ഷത്രക്കാർ കാര്യങ്ങളിൽ കൂടുതൽ ശ്രദ്ധ പുലർത്തണം. പ്രതീക്ഷാഭംഗം, നഷ്ടസാധ്യത, തടസ്സങ്ങൾ, ശത്രുശല്യം എന്നിവ നേരിട്ടേക്കാം. ആത്മാഭിമാനത്തെ ബാധിക്കുന്ന സാഹചര്യങ്ങളിൽ സംയമനം പാലിക്കുക. ഇരുചക്രവാഹനങ്ങളിൽ യാത്ര ചെയ്യുന്നവർ സുരക്ഷയ്ക്ക് മുൻഗണന നൽകണം.
വൃശ്ചികം
വിശാഖം അവസാന കാൽഭാഗം, അനിഴം, തൃക്കേട്ട എന്നീ നക്ഷത്രക്കാർക്ക് ഇന്ന് അനുകൂലമായ അനുഭവങ്ങളുണ്ടാകാം. ജോലികളിലും മത്സരങ്ങളിലും വിജയിക്കാനും അംഗീകാരം നേടാനും സാധ്യതയുണ്ട്. സാമ്പത്തിക നേട്ടത്തിനുള്ള അവസരങ്ങൾ ലഭിച്ചേക്കാം. ബന്ധുക്കളുമായി ഒത്തുചേരാനും വേണ്ടപ്പെട്ടവരോടൊപ്പം സമയം ചെലവഴിക്കാനും സാധിച്ചേക്കും.
ധനു
മൂലം, പൂരാടം, ഉത്രാടം ആദ്യ കാൽഭാഗം എന്നീ നക്ഷത്രക്കാർക്ക് കാര്യവിജയവും അംഗീകാരവും പ്രതീക്ഷിക്കാം. യാത്രകൾ വിജയകരമാകാനും സൽക്കാരങ്ങളിൽ പങ്കെടുക്കാനും നല്ല ഭക്ഷണം ആസ്വദിക്കാനും അവസരമുണ്ടാകും. പരീക്ഷകളിൽ വിജയം നേടാനും പുതിയ പഠനപരിപാടികളിലേക്കുള്ള പ്രവേശനശ്രമങ്ങൾ ഫലപ്രദമാകാനും സാധ്യതയുണ്ട്.
മകരം
ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി എന്നീ നക്ഷത്രക്കാർക്ക് ഇന്ന് മാനസിക സമ്മർദം അനുഭവപ്പെടാനിടയുണ്ട്. തർക്കങ്ങൾ, ഇച്ഛാഭംഗം, അസ്വസ്ഥത, നിരാശ എന്നിവയ്ക്ക് സാധ്യതയുണ്ട്. പ്രതീക്ഷിക്കാത്ത ചില അനുഭവങ്ങൾ വിഷമമുണ്ടാക്കിയേക്കാം. മറ്റുള്ളവരുമായി ഇടപെടുമ്പോൾ ക്ഷമയും വിവേകവും പുലർത്തുന്നത് നല്ലതാണ്.
കുംഭം
അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം എന്നീ നക്ഷത്രക്കാർക്ക് ഇന്ന് കാര്യങ്ങൾ വിചാരിച്ചപോലെ മുന്നോട്ടുപോകണമെന്നില്ല. യാത്രകളിൽ തടസ്സങ്ങളും പരീക്ഷകളിൽ നിരാശയും അനുഭവപ്പെട്ടേക്കാം. പുതിയ കോഴ്സുകളിലേക്കുള്ള പ്രവേശനശ്രമങ്ങളിൽ കാലതാമസമുണ്ടാകാനും സാധ്യതയുണ്ട്. പ്രധാനപ്പെട്ട കാര്യങ്ങൾ ആസൂത്രണം ചെയ്ത് മുന്നോട്ടുപോകുക.
മീനം
പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി എന്നീ നക്ഷത്രക്കാർക്ക് നേട്ടങ്ങൾ പ്രതീക്ഷിക്കാവുന്ന ദിവസമാണ്. മത്സരങ്ങളിൽ വിജയിക്കാനും പ്രവർത്തനങ്ങളിൽ അംഗീകാരം നേടാനും സാധ്യതയുണ്ട്. ഇഷ്ടഭക്ഷണം ലഭിക്കുന്നതിനൊപ്പം എതിർപ്പുകളെ അതിജീവിക്കാനും സാധിച്ചേക്കാം. ആഗ്രഹിച്ച ചില കാര്യങ്ങൾ പൂർത്തിയാകാനുള്ള സാധ്യതയും കാണുന്നു.
