മേടം: കാര്യങ്ങളിൽ വിജയം പ്രതീക്ഷിക്കാം. മത്സരങ്ങളിൽ നേട്ടമുണ്ടാകും. അംഗീകാരം ലഭിക്കാനും സാമ്പത്തിക ലാഭം ഉണ്ടാകാനും സാധ്യതയുണ്ട്. ബന്ധുക്കളുമായുള്ള കൂടിക്കാഴ്ചകളും യാത്രകളും സന്തോഷം പകരും.
ഇടവം: പ്രതീക്ഷിച്ച കാര്യങ്ങൾ വൈകാനോ മുടങ്ങാനോ സാധ്യതയുണ്ട്. ആരോഗ്യകാര്യങ്ങളിൽ ശ്രദ്ധ വേണം. ഉദരസംബന്ധമായ അസ്വസ്ഥതകളും യാത്രാതടസ്സങ്ങളും ഉണ്ടായേക്കാം. ചില ശ്രമങ്ങൾ ഭാഗികമായി മാത്രമേ ഫലിക്കൂ.
മിഥുനം: ഇന്ന് കൂടുതൽ കരുതൽ ആവശ്യമാണ്. നഷ്ടസാധ്യതയും കാര്യതടസ്സവും കാണുന്നു. ഇരുചക്രവാഹനങ്ങളിൽ യാത്ര ചെയ്യുന്നവർ പ്രത്യേക ജാഗ്രത പാലിക്കുക. ശരീരത്തിന് പരിക്കേൽക്കാനുള്ള സാധ്യതയും അവഗണിക്കരുത്.
കർക്കടകം: നേട്ടങ്ങൾ നിറഞ്ഞ ദിനമാണ്. ജോലികളിൽ വിജയം, മത്സരങ്ങളിൽ അനുകൂലഫലം, സാമ്പത്തിക നേട്ടം എന്നിവ പ്രതീക്ഷിക്കാം. കുടിശ്ശികയായി ലഭിക്കാനുള്ള പണം തിരികെ കിട്ടാനും സാധ്യതയുണ്ട്.
ചിങ്ങം: സുഹൃത്തുക്കളുമായുള്ള കൂടിക്കാഴ്ചകൾക്കും അംഗീകാരത്തിനും മികച്ച സമയമാണ്. മത്സരങ്ങളിൽ വിജയം കൈവരും. വിനോദയാത്രകൾക്കും അനുകൂല ദിനം.
കന്നി: ചില കാര്യങ്ങളിൽ പ്രതിസന്ധികൾ നേരിടേണ്ടിവരും. സാമ്പത്തിക ഇടപാടുകളിൽ ശ്രദ്ധ വേണം. യാത്രകളും പ്രധാന കൂടിക്കാഴ്ചകളും പ്രതീക്ഷിച്ച ഫലം നൽകാതിരിക്കാം.
തുലാം: മാനസിക സമ്മർദം വർധിച്ചേക്കാം. ആരോഗ്യകാര്യങ്ങളിലും നിയമപരമായ വിഷയങ്ങളിലും സൂക്ഷ്മത ആവശ്യമാണ്. തർക്കങ്ങൾ ഒഴിവാക്കുന്നതാണ് നല്ലത്.
വൃശ്ചികം: വിജയസാധ്യതകൾ ഏറെയാണ്. ആരോഗ്യം മെച്ചപ്പെടും. പരീക്ഷകൾക്കും പഠനവുമായി ബന്ധപ്പെട്ട കാര്യങ്ങൾക്കും അനുകൂല ദിനമാണ്. പുതിയ പഠനാവസരങ്ങൾ ലഭിക്കാം.
ധനു: കാര്യങ്ങളിൽ തടസ്സങ്ങളും അഭിപ്രായഭിന്നതകളും ഉണ്ടായേക്കാം. സാമ്പത്തിക നഷ്ടസാധ്യതയും നിയമപരമായ വിഷയങ്ങളിൽ തിരിച്ചടിയും നേരിടേണ്ടി വരാം. ബന്ധങ്ങൾ സൂക്ഷിച്ച് കൈകാര്യം ചെയ്യുക.
മകരം: പ്രവർത്തനങ്ങളിൽ മികച്ച നേട്ടം പ്രതീക്ഷിക്കാം. മത്സരവിജയവും അംഗീകാരവും കൈവരും. ആരോഗ്യവും ആത്മവിശ്വാസവും വർധിക്കും. ആഗ്രഹങ്ങൾ സഫലമാകാൻ സാധ്യതയുണ്ട്.
കുംഭം: യാത്രകളും പദ്ധതികളും തടസ്സപ്പെടാൻ സാധ്യതയുണ്ട്. ചെലവുകൾ വർധിക്കാനും മാനസിക സമ്മർദം അനുഭവപ്പെടാനും ഇടയുണ്ട്. പ്രധാന തീരുമാനങ്ങൾ ആലോചിച്ച് മാത്രം എടുക്കുക.
മീനം: മികച്ച ദിനങ്ങളിലൊന്നായി മാറാം. പ്രവർത്തനവിജയം, അംഗീകാരം, ആരോഗ്യം, ഉത്സാഹം എന്നിവ അനുഗമിക്കും. കുടുംബാംഗങ്ങളുമായും സുഹൃത്തുക്കളുമായും സന്തോഷകരമായ സമയം പങ്കിടാൻ അവസരം ലഭിക്കും.
