മേടം: കാര്യങ്ങൾ വിജയകരമായി പൂർത്തിയാക്കാനും അംഗീകാരം നേടാനും അവസരമുണ്ടാകും. ആരോഗ്യവും ഭക്ഷണസുഖവും അനുകൂലമായിരിക്കും. മത്സരങ്ങളിലും വിജയം പ്രതീക്ഷിക്കാം. എന്നാൽ രാത്രി 9 മണിക്ക് ശേഷം കാര്യങ്ങളിൽ തടസ്സങ്ങൾ, മാനസിക അസ്വസ്ഥത, ഉദരസംബന്ധമായ ബുദ്ധിമുട്ടുകൾ, കലഹം എന്നിവയ്ക്ക് സാധ്യതയുണ്ട്.
ഇടവം: പകൽ യാത്രകളിലും ദൈനംദിന കാര്യങ്ങളിലും തടസ്സങ്ങൾ നേരിട്ടേക്കാം. ചെലവ് വർധിക്കാനും ശാരീരിക അസ്വസ്ഥതകൾ അനുഭവപ്പെടാനും സാധ്യതയുണ്ട്. രാത്രി 9 മണിക്ക് ശേഷം കാര്യങ്ങൾ അനുകൂലമാകും. ഇഷ്ടഭക്ഷണം, സൽക്കാരം, സമ്മാനലാഭം എന്നിവയ്ക്കും യോഗമുണ്ട്.
മിഥുനം: വിജയവും സൗഹൃദബന്ധങ്ങളിലെ സന്തോഷവും പ്രതീക്ഷിക്കാം. മത്സരങ്ങളിൽ നേട്ടമുണ്ടാക്കാനും ബന്ധുക്കളെയും സുഹൃത്തുക്കളെയും കണ്ടുമുട്ടാനും അവസരമുണ്ടാകും. രാത്രി 9 മണിക്ക് ശേഷം ചെലവ്, ധനതടസ്സം, കാര്യതടസ്സം, അസ്വസ്ഥത എന്നിവയ്ക്ക് സാധ്യതയുള്ളതിനാൽ ശ്രദ്ധിക്കണം.
കർക്കടകം: നേട്ടങ്ങൾ കൈവരിക്കാനും അംഗീകാരം നേടാനും അനുകൂല സമയമാണ്. യാത്രകൾ വിജയകരമാകാനും ആരോഗ്യം മെച്ചപ്പെട്ട നിലയിൽ തുടരാനും സാധ്യതയുണ്ട്. സർക്കാരിൽനിന്ന് ലഭിക്കാനുള്ള ആനുകൂല്യങ്ങൾ കൈവരിക്കാനുള്ള സാധ്യതയും കാണുന്നു.
ചിങ്ങം: പകൽ ചെറിയ പ്രതിസന്ധികളും അഭിപ്രായവ്യത്യാസങ്ങളും നേരിടേണ്ടിവന്നേക്കാം. മനഃപ്രയാസം, ഉദരവൈഷമ്യം, സ്വസ്ഥതക്കുറവ് എന്നിവയും അലട്ടാം. രാത്രി 9 മണിക്ക് ശേഷം കാര്യവിജയത്തിനും അംഗീകാരത്തിനും ആരോഗ്യപരമായ അനുകൂലതയ്ക്കും സാധ്യതയുണ്ട്.
കന്നി: കാര്യങ്ങളിൽ പ്രതീക്ഷിച്ച ഫലം ലഭിക്കാതെ വരാനും നഷ്ടങ്ങൾ നേരിടാനും സാധ്യതയുണ്ട്. യാത്രകൾ മുടങ്ങുകയോ പ്രവർത്തനങ്ങളിൽ മന്ദത അനുഭവപ്പെടുകയോ ചെയ്യാം. ആരോഗ്യകാര്യങ്ങളിലും ഉദരസംബന്ധമായ അസ്വസ്ഥതകളിലും ശ്രദ്ധ ആവശ്യമാണ്. രാത്രി 9 മണിക്ക് ശേഷം ഗുണദോഷങ്ങൾ കലർന്ന ഫലങ്ങളായിരിക്കും.
തുലാം: കാര്യവിജയത്തിനും നിയമപരമായ നേട്ടങ്ങൾക്കും സാധ്യതയുണ്ട്. സുഹൃത്തുക്കളുമായുള്ള കൂടിക്കാഴ്ചയും അംഗീകാരവും സന്തോഷം നൽകും. എന്നാൽ രാത്രി 9 മണിക്ക് ശേഷം നഷ്ടം, അപകടഭീതി, ആഗ്രഹിച്ച കാര്യങ്ങൾ നടക്കാതിരിക്കൽ, ശത്രുശല്യം എന്നിവയ്ക്ക് സാധ്യതയുള്ളതിനാൽ ജാഗ്രത പാലിക്കുക.
വൃശ്ചികം: ധനലാഭത്തിനും അംഗീകാരത്തിനും കാര്യവിജയത്തിനും സാധ്യതയുള്ള ദിവസമാണ്. ആരോഗ്യകാര്യങ്ങളിലും അനുകൂലത പ്രതീക്ഷിക്കാം. കോടതി വ്യവഹാരങ്ങളിലും നിയമപരമായ കാര്യങ്ങളിലും വിജയസാധ്യതയുണ്ടെന്നാണ് പ്രവചനം.
ധനു: പകൽ കാര്യതടസ്സങ്ങളും യാത്രാപ്രയാസങ്ങളും അനുഭവപ്പെട്ടേക്കാം. പ്രവർത്തനമാന്ദ്യം, ഉദരവൈഷമ്യം, മനഃപ്രയാസം എന്നിവയും ഉണ്ടായേക്കാം. രാത്രി 9 മണിക്ക് ശേഷം അനുകൂല മാറ്റങ്ങൾ പ്രതീക്ഷിക്കാം. യാത്രകളിലും പരീക്ഷകളിലും വിജയം, അംഗീകാരം, ആരോഗ്യപരമായ നേട്ടം, സൽക്കാരയോഗം എന്നിവയ്ക്ക് സാധ്യതയുണ്ട്.
മകരം: കാര്യങ്ങൾ പ്രതീക്ഷിച്ച രീതിയിൽ മുന്നോട്ടുപോകണമെന്നില്ല. തർക്കങ്ങൾ, യാത്രാതടസ്സം, മനഃപ്രയാസം, ആഗ്രഹഭംഗം എന്നിവയ്ക്ക് സാധ്യതയുണ്ട്. പരീക്ഷകളിൽ തിരിച്ചടി നേരിടാനും പുതിയ കോഴ്സുകളിലേക്കുള്ള പ്രവേശനശ്രമങ്ങൾ പരാജയപ്പെടാനും സാധ്യതയുള്ളതിനാൽ തീരുമാനങ്ങളിൽ ശ്രദ്ധ പുലർത്തുക.
കുംഭം: പകൽ സ്ഥാനലാഭം, ധനനേട്ടം, അംഗീകാരം, പരീക്ഷാവിജയം എന്നിവയ്ക്ക് അനുകൂല സാഹചര്യങ്ങളുണ്ടാകും. എന്നാൽ രാത്രി 9 മണിക്ക് ശേഷം കാര്യങ്ങളിൽ തടസ്സങ്ങൾ നേരിട്ടേക്കാം. അസ്വസ്ഥത, ഉദരവൈഷമ്യം, യാത്രാതടസ്സം, പ്രവർത്തനമാന്ദ്യം, പരീക്ഷാപരാജയം എന്നിവയ്ക്ക് സാധ്യതയുള്ളതിനാൽ ജാഗ്രത വേണം.
മീനം: പകൽ കാര്യപരാജയം, കലഹം, നിയമപരമായ തിരിച്ചടി, മനഃപ്രയാസം എന്നിവയ്ക്ക് സാധ്യതയുണ്ട്. രാത്രി 9 മണിക്ക് ശേഷം അനുകൂല മാറ്റങ്ങൾ പ്രതീക്ഷിക്കാം. കാര്യവിജയം, നിയമവിജയം, ആരോഗ്യപരമായ നേട്ടം, ഇഷ്ടഭക്ഷണലഭ്യത എന്നിവയാണ് പ്രവചനം.
