മേടം (അശ്വതി, ഭരണി, കാർത്തിക ആദ്യഭാഗം): കാര്യങ്ങളിൽ പ്രതീക്ഷിച്ച വിജയം ലഭിക്കാതിരിക്കാം. ഇച്ഛാഭംഗം, അഭിപ്രായവ്യത്യാസങ്ങൾ, മാനസിക അസ്വസ്ഥത, ശത്രുശല്യം എന്നിവ അനുഭവപ്പെടാം. അടുത്ത ബന്ധങ്ങളിൽ അകൽച്ചയ്ക്ക് സാധ്യതയുണ്ട്.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): കാര്യവിജയത്തിനും തൊഴിൽ നേട്ടങ്ങൾക്കും അനുകൂല ദിനം. മത്സരങ്ങളിൽ വിജയം, സ്ഥാനലാഭം, അംഗീകാരം എന്നിവ ലഭിക്കാം. തൊഴിൽ അന്വേഷിക്കുന്നവർക്ക് നല്ല വാർത്തകൾ ലഭിച്ചേക്കാം.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): കാര്യങ്ങളിൽ തടസ്സങ്ങളും മാനസിക വിഷമങ്ങളും നേരിടാം. അഭിമാനത്തിന് ക്ഷതമേൽക്കാനും അഭിപ്രായഭിന്നതകൾ ഉണ്ടാകാനും സാധ്യതയുണ്ട്.
കർക്കടകം (പുണർതം അവസാന കാൽഭാഗം, പൂയം, ആയില്യം): കാര്യവിജയം, ആരോഗ്യം, ശത്രുക്കളുടെ ശല്യം കുറയുക തുടങ്ങിയ അനുകൂല ഫലങ്ങൾ പ്രതീക്ഷിക്കാം. കുടുംബാന്തരീക്ഷം സന്തോഷകരമാകാനും സാധ്യതയുണ്ട്.
ചിങ്ങം (മകം, പൂരം, ഉത്രം ആദ്യ കാൽഭാഗം): കാര്യങ്ങളിൽ കാലതാമസവും മാനസിക സമ്മർദവും അനുഭവപ്പെടാം. ചില സംഭവങ്ങൾ നിരാശയുണ്ടാക്കാൻ സാധ്യതയുള്ളതിനാൽ ക്ഷമ പാലിക്കുന്നത് നല്ലതാണ്.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): അംഗീകാരം, ധനലാഭം, ആരോഗ്യം, ബന്ധുക്കളുമായുള്ള കൂടിക്കാഴ്ച എന്നിവയ്ക്ക് സാധ്യത. പല കാര്യങ്ങളും അനുകൂലമായി മുന്നേറുന്ന ദിവസമായിരിക്കും.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): യാത്രകളും മത്സരങ്ങളും വിജയകരമാകാം. സാമ്പത്തിക നേട്ടങ്ങൾ ലഭിക്കാനും കുടിശ്ശിക പണം തിരിച്ചുകിട്ടാനും സാധ്യതയുണ്ട്.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): ആരോഗ്യകാര്യങ്ങളിൽ ശ്രദ്ധ വേണം. യാത്രകൾക്ക് തടസ്സം നേരിടാനും പ്രവർത്തനങ്ങളിൽ മന്ദഗതി അനുഭവപ്പെടാനും സാധ്യതയുണ്ട്.
ധനു (മൂലം, പൂരാടം, ഉത്രാടം ആദ്യ കാൽഭാഗം): കാര്യങ്ങളിൽ പ്രതീക്ഷിച്ച ഫലം ലഭിക്കാതെ വരാം. നഷ്ടസാധ്യതയും അപകടഭീതിയും ഉള്ളതിനാൽ വാഹനയാത്രകളിൽ പ്രത്യേക ജാഗ്രത പാലിക്കുക.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതി): നേട്ടങ്ങളും അംഗീകാരവും ലഭിക്കുന്ന ദിനം. ധനകാര്യ കാര്യങ്ങൾ അനുകൂലമായി നീങ്ങും. വായ്പ സംബന്ധമായ ശ്രമങ്ങൾ ഫലം കാണാം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): സുഹൃത്തുക്കളുമായുള്ള കൂടിക്കാഴ്ചകൾക്കും ബിസിനസ് നേട്ടങ്ങൾക്കും സാധ്യത. നിയമപരമായ കാര്യങ്ങളിൽ അനുകൂല ഫലങ്ങൾ പ്രതീക്ഷിക്കാം.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): ധനകാര്യ തടസ്സങ്ങളും യാത്രാ സംബന്ധമായ ബുദ്ധിമുട്ടുകളും നേരിടാം. വിദ്യാഭ്യാസ, പ്രവേശന ശ്രമങ്ങൾ പ്രതീക്ഷിച്ച രീതിയിൽ മുന്നോട്ടുപോകാതിരിക്കാം.
