മേടം: രാവിലെ മുതൽ കാര്യങ്ങളിൽ അനുകൂല ഫലമാണ്. അംഗീകാരവും പരീക്ഷാവിജയവും പ്രതീക്ഷിക്കാം. എന്നാൽ രാത്രി 8ന് ശേഷം കാര്യങ്ങളിൽ തടസ്സം, മാനസിക അസ്വസ്ഥത, യാത്രാപരാജയം, അപകടഭീതി എന്നിവയ്ക്ക് സാധ്യതയുണ്ട്.
ഇടവം: കാര്യസാഫല്യം, മത്സരവിജയം, സാമ്പത്തിക നേട്ടം, ആരോഗ്യ പുരോഗതി എന്നിവ ലഭിക്കും. കുടുംബാംഗങ്ങളുമായും ബന്ധുക്കളുമായും സമയം ചെലവഴിക്കാൻ അവസരമൊരുങ്ങും.
മിഥുനം: ദിവസത്തിന്റെ ആദ്യപകുതിയിൽ കാര്യങ്ങൾ പ്രതീക്ഷിച്ച വേഗത്തിൽ മുന്നോട്ട് പോകണമെന്നില്ല. ആരോഗ്യകാര്യങ്ങളിലും ധനകാര്യങ്ങളിലും ശ്രദ്ധ വേണം. രാത്രി 8ന് ശേഷം അനുകൂല മാറ്റങ്ങൾ പ്രകടമാകും. അംഗീകാരവും കാര്യവിജയവും ലഭിക്കും.
കർക്കടകം: കാര്യങ്ങളിൽ കാലതാമസവും യാത്രകളിൽ തടസ്സവും അനുഭവപ്പെടാം. ശരീരസുഖക്കുറവും അലച്ചിലും വർധിക്കാൻ സാധ്യതയുള്ളതിനാൽ പ്രധാന തീരുമാനങ്ങളിൽ ജാഗ്രത പുലർത്തുക.
ചിങ്ങം: പ്രവർത്തനരംഗത്ത് നേട്ടങ്ങൾ കൈവരിക്കാനും മത്സരങ്ങളിൽ വിജയം നേടാനും സാധ്യതയുണ്ട്. രാത്രി 8ന് ശേഷം ധനകാര്യങ്ങളിലും ആരോഗ്യകാര്യങ്ങളിലും കൂടുതൽ ശ്രദ്ധ ആവശ്യമായി വരും.
കന്നി: ദിവസത്തിന്റെ ആദ്യഭാഗത്ത് ചെലവ് വർധിക്കാനും മനസ്സിന് അസ്വസ്ഥത അനുഭവപ്പെടാനും സാധ്യതയുണ്ട്. എന്നാൽ രാത്രി 8ന് ശേഷം കാര്യങ്ങൾ അനുകൂലമായി മാറി യാത്ര, തൊഴിൽ, നിയമകാര്യങ്ങൾ എന്നിവയിൽ നേട്ടം കൈവരും.
തുലാം: കാര്യവിജയം, ധനലാഭം, ബന്ധുക്കളുമായുള്ള സന്തോഷകരമായ കൂടിക്കാഴ്ച എന്നിവയ്ക്ക് സാധ്യതയുണ്ട്. രാത്രി 8ന് ശേഷം അഭിപ്രായഭിന്നതയും സാമ്പത്തിക കാര്യങ്ങളിലെ തടസ്സങ്ങളും ഒഴിവാക്കാൻ ശ്രദ്ധിക്കുക.
വൃശ്ചികം: ആദ്യപകുതിയിൽ കാര്യങ്ങൾ പ്രതീക്ഷിച്ച രീതിയിൽ നടക്കണമെന്നില്ല. രാത്രി 8ന് ശേഷം സാഹചര്യങ്ങൾ മാറി കാര്യവിജയം, നിയമവിജയം, ആരോഗ്യനേട്ടം, സൽക്കാരയോഗം എന്നിവ ലഭിക്കും.
ധനു: അംഗീകാരവും പരീക്ഷാവിജയവും കാര്യസാഫല്യവും ലഭിക്കാൻ സാധ്യതയുണ്ട്. എന്നാൽ രാത്രി 8ന് ശേഷം അനാവശ്യ ചെലവും ധനതടസ്സവും ആരോഗ്യപ്രശ്നങ്ങളും ശ്രദ്ധിക്കണം.
മകരം: ദിവസം പൊതുവെ അനുകൂലമാണ്. കാര്യവിജയം, യാത്രാവിജയം, മത്സരവിജയം, നിയമകാര്യങ്ങളിലെ നേട്ടം, ആരോഗ്യം എന്നിവ പ്രതീക്ഷിക്കാം. നേരിട്ടിരുന്ന തടസ്സങ്ങൾ നീങ്ങും.
കുംഭം: ദിവസത്തിന്റെ ആദ്യപകുതിയിൽ പ്രവർത്തനങ്ങളിൽ മന്ദഗതിയും യാത്രാതടസ്സവും ഉണ്ടാകാം. രാത്രി 8ന് ശേഷം അംഗീകാരം, സ്ഥാനക്കയറ്റം, മത്സരവിജയം, ആരോഗ്യം, അനുകൂല സ്ഥലംമാറ്റം എന്നിവയ്ക്ക് സാധ്യത തെളിയും.
മീനം: കാര്യങ്ങളിൽ തടസ്സവും യാത്രാപരാജയവും ആരോഗ്യപ്രശ്നങ്ങളും നേരിടേണ്ടിവരാം. രാത്രി 8ന് ശേഷം ഗുണദോഷങ്ങൾ ഇടകലർന്ന ഫലമായിരിക്കും അനുഭവപ്പെടുക. അതിനാൽ എല്ലാ കാര്യങ്ങളിലും ആലോചിച്ച് മുന്നോട്ടുപോകുന്നത് നല്ലതാണ്.
