മേടം (അശ്വതി, ഭരണി, കാർത്തിക ആദ്യഭാഗം): അനുകൂല ദിനമാണ്. ഏറ്റെടുക്കുന്ന കാര്യങ്ങളിൽ വിജയസാധ്യത കൂടുതലാണ്. മത്സരങ്ങളിലും ഔദ്യോഗിക കാര്യങ്ങളിലും നേട്ടമുണ്ടാകും. സ്ഥാനക്കയറ്റത്തിനും സ്ഥലംമാറ്റത്തിനും സാധ്യത തെളിയും. ആഗ്രഹിച്ച കാര്യങ്ങൾ യാഥാർഥ്യമാകാം.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): പ്രവർത്തനങ്ങളിൽ പ്രതീക്ഷിച്ച വേഗത കൈവരിക്കില്ല. ആരോഗ്യകാര്യങ്ങളിൽ ശ്രദ്ധ വേണം, പ്രത്യേകിച്ച് ദഹനസംബന്ധമായ പ്രശ്നങ്ങൾ അലട്ടാം. യാത്രകൾ മുടങ്ങാനും മാനസിക അസ്വസ്ഥത വർധിക്കാനും സാധ്യതയുണ്ട്. ചില കാര്യങ്ങൾ മാത്രം അനുകൂലമാകും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): തടസ്സങ്ങൾ നിറഞ്ഞ ദിവസമാകാം. തീരുമാനങ്ങൾ വൈകാനും പദ്ധതികൾ പാളാനും സാധ്യതയുണ്ട്. ചെറിയ പരിക്കുകൾ, മാനസിക സമ്മർദം, കുടുംബത്തിലോ ജോലിസ്ഥലത്തോ അഭിപ്രായഭിന്നത എന്നിവയ്ക്ക് സാധ്യത കാണുന്നു.
കർക്കടകം (പുണർതം അവസാന കാൽഭാഗം, പൂയം, ആയില്യം): മികച്ച നേട്ടങ്ങൾ പ്രതീക്ഷിക്കാവുന്ന സമയമാണ്. ജോലിയിലും പഠനത്തിലും വിജയം കൈവരും. ബിസിനസിൽ ലാഭവും ആരോഗ്യത്തിൽ പുരോഗതിയും അനുഭവപ്പെടും. ഉയർന്ന പഠനത്തിനോ പുതിയ കോഴ്സുകൾക്കോ നടത്തുന്ന ശ്രമങ്ങൾ ഫലപ്രദമാകും.
ചിങ്ങം (മകം, പൂരം, ഉത്രം ആദ്യ കാൽഭാഗം): അംഗീകാരവും സാമ്പത്തിക നേട്ടവും ഒരുപോലെ ലഭിക്കും. മത്സരങ്ങളിൽ മികച്ച പ്രകടനം കാഴ്ചവയ്ക്കാൻ കഴിയും. ബന്ധുക്കളുമായുള്ള കൂടിക്കാഴ്ച സന്തോഷം പകരും. ശത്രുക്കളുടെ സ്വാധീനം കുറയും.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): കാര്യങ്ങൾ പ്രതീക്ഷിച്ചതുപോലെ മുന്നോട്ടുപോകില്ല. അനാവശ്യ യാത്രകളും ചെലവുകളും വർധിക്കാം. സാമ്പത്തിക ഇടപാടുകളിൽ സൂക്ഷ്മത ആവശ്യമാണ്. വായ്പ ലഭിക്കാനുള്ള ശ്രമങ്ങൾ നീളാനിടയുണ്ട്.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): മാനസിക സമ്മർദം വർധിക്കാൻ സാധ്യതയുണ്ട്. പ്രവർത്തനങ്ങളിൽ കാലതാമസവും അഭിപ്രായവ്യത്യാസങ്ങളും ഉണ്ടാകാം. അടുത്ത ബന്ധങ്ങളിൽ അകൽച്ച ഉണ്ടാകാതിരിക്കാൻ ശ്രദ്ധിക്കുക.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): നേട്ടങ്ങൾ കൈവരിക്കുന്ന ദിനമാണ്. തൊഴിൽ, ബിസിനസ്, മത്സരങ്ങൾ എന്നിവയിൽ വിജയസാധ്യത കൂടുതലാണ്. ആരോഗ്യവും സാമ്പത്തിക നിലയും മെച്ചപ്പെടും. കുടിശ്ശിക തുക ലഭിക്കാനുള്ള സാധ്യത ശക്തമാണ്.
ധനു (മൂലം, പൂരാടം, ഉത്രാടം ആദ്യ കാൽഭാഗം): പ്രതീക്ഷിച്ച കാര്യങ്ങൾ വൈകാനോ മുടങ്ങാനോ സാധ്യതയുണ്ട്. യാത്രകളും ചർച്ചകളും പ്രതീക്ഷിച്ച ഫലം നൽകണമെന്നില്ല. ചെറിയ അഭിപ്രായഭിന്നതകളും മാനസിക അസ്വസ്ഥതയും ഉണ്ടാകാം.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): വിജയകരമായ ദിനമാണ്. നിയമപരമായ വിഷയങ്ങളിൽ അനുകൂല പുരോഗതി പ്രതീക്ഷിക്കാം. മത്സരങ്ങളിലും ജോലിയിലും നേട്ടമുണ്ടാകും. ആരോഗ്യനില തൃപ്തികരമായിരിക്കും.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): സാമ്പത്തിക ചെലവുകൾ വർധിക്കാം. ആരോഗ്യകാര്യങ്ങളിൽ കൂടുതൽ ശ്രദ്ധ ആവശ്യമാണ്. വാഹനയാത്രകളിൽ ജാഗ്രത പാലിക്കുക. ആത്മവിശ്വാസം നഷ്ടപ്പെടാതെ മുന്നോട്ടുപോകുന്നതാണ് നല്ലത്.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): അനുകൂല ഫലങ്ങൾ പ്രതീക്ഷിക്കാം. സാമ്പത്തിക നേട്ടവും അംഗീകാരവും ലഭിക്കും. ആരോഗ്യസ്ഥിതി മെച്ചപ്പെടും. എതിരാളികളുടെ സ്വാധീനം കുറയും. ലഭിക്കാനുള്ള പണം തിരിച്ചുകിട്ടാൻ സാധ്യതയുണ്ട്.
