മേടം: അൽപം ശ്രദ്ധ ആവശ്യമാണ്. കാര്യങ്ങൾ പ്രതീക്ഷിച്ചതുപോലെ നടക്കാതെ വരാം. ഇച്ഛാഭംഗവും അസ്വസ്ഥതയും ഉണ്ടാകാം. അനാവശ്യ യാത്രകളും ചെലവുകളും ഒഴിവാക്കുന്നത് നല്ലതാണ്. ഇരുചക്രവാഹന യാത്രയിൽ പ്രത്യേക ജാഗ്രത വേണം.
ഇടവം: അനുകൂല ഫലങ്ങൾ ലഭിക്കും. തടസ്സങ്ങൾ മാറി കാര്യങ്ങൾ മുന്നോട്ട് പോകാം. പരീക്ഷകളിലും മത്സരങ്ങളിലും വിജയം നേടാം. അംഗീകാരവും ആരോഗ്യപരമായ നേട്ടങ്ങളും പ്രതീക്ഷിക്കാം. മനസ്സിലുള്ള ചില ആഗ്രഹങ്ങൾ സഫലമാകാനും സാധ്യതയുണ്ട്.
മിഥുനം: നേട്ടങ്ങളുടെ ദിവസമാണ്. ജോലിയിൽ അംഗീകാരവും സ്ഥാനക്കയറ്റത്തിനുള്ള അവസരവും ലഭിക്കാം. സാമ്പത്തികമായി ഗുണകരമായ സാഹചര്യങ്ങൾ ഉണ്ടാകും. മറ്റുള്ളവരിൽ നിന്ന് ലഭിക്കാനുള്ള പണം തിരിച്ചുകിട്ടാനും സാധ്യത.
കർക്കടകം: ചില പ്രതിസന്ധികൾ നേരിടാം. കാര്യങ്ങൾ വൈകുകയോ തടസ്സപ്പെടുകയോ ചെയ്യാം. യാത്രകളിലും അസ്വസ്ഥതകൾ ഉണ്ടാകാം. മനഃപ്രയാസത്തിന് കാരണമാകുന്ന ചില സാഹചര്യങ്ങൾ ഉണ്ടാകാം. അടുപ്പമുള്ളവരുമായി അഭിപ്രായവ്യത്യാസം ഉണ്ടാകാതിരിക്കാൻ ശ്രദ്ധിക്കുക.
ചിങ്ങം: കാര്യങ്ങൾ പ്രതീക്ഷിച്ച വേഗത്തിൽ മുന്നോട്ട് പോകണമെന്നില്ല. യാത്രകളിൽ തടസ്സവും ശത്രുശല്യവും ഉണ്ടാകാം. ശരീരത്തിന് ചെറിയ പരുക്കുകൾ ഉണ്ടാകാനുള്ള സാധ്യതയുള്ളതിനാൽ ജാഗ്രത പാലിക്കുക. ചില സംഭവങ്ങൾ മനസ്സിനെ വേദനിപ്പിച്ചേക്കാം.
കന്നി: ഭാഗ്യം അനുകൂലമായിരിക്കും. സാമ്പത്തിക നേട്ടത്തിനും കാര്യവിജയത്തിനും സാധ്യതയുണ്ട്. ബന്ധുക്കളുമായി കൂടിക്കാഴ്ചകൾ നടക്കാം. അംഗീകാരവും ആരോഗ്യപരമായ നേട്ടങ്ങളും ലഭിക്കും. വായ്പയ്ക്കായി നടത്തുന്ന ശ്രമങ്ങൾ വിജയിക്കാനും സാധ്യത.
തുലാം: പല കാര്യങ്ങളിലും അനുകൂല ഫലങ്ങൾ ലഭിക്കും. മത്സരങ്ങളിൽ വിജയം നേടാം. യാത്രകൾ വിജയകരമാകും. എതിരാളികളിൽ നിന്നുള്ള ബുദ്ധിമുട്ടുകൾ കുറയും. പ്രധാനപ്പെട്ട കൂടിക്കാഴ്ചകളും ചർച്ചകളും പ്രതീക്ഷിച്ച ഫലം നൽകാൻ സാധ്യതയുണ്ട്.
വൃശ്ചികം: കൂടുതൽ കരുതൽ ആവശ്യമാണ്. കാര്യങ്ങൾ പാളാനും സാമ്പത്തിക നഷ്ടമുണ്ടാകാനും സാധ്യതയുണ്ട്. അനാവശ്യ അലച്ചിലും ചെലവും വർധിക്കാം. പരീക്ഷകളിലും പഠനകാര്യങ്ങളിലും പ്രതീക്ഷിച്ച ഫലം ലഭിക്കാതെ വരാം. പുതിയ കോഴ്സുകളിലേക്കുള്ള പ്രവേശനശ്രമങ്ങളിൽ തടസ്സം നേരിടാനും സാധ്യത.
ധനു: കാര്യങ്ങൾ വൈകിയേക്കാം. മനസ്സിൽ ആഗ്രഹിച്ച കാര്യങ്ങൾ നടക്കാതെ വരാം. യാത്രകൾക്കും പ്രധാനപ്പെട്ട കൂടിക്കാഴ്ചകൾക്കും തടസ്സം നേരിടാം. അതിനാൽ പ്രധാന തീരുമാനങ്ങളിൽ അൽപം കൂടി ആലോചന നടത്തുന്നത് നല്ലതാണ്.
മകരം: നേട്ടങ്ങൾ പ്രതീക്ഷിക്കാം. കാര്യങ്ങളിൽ വിജയം നേടാനും അംഗീകാരം ലഭിക്കാനും സാധ്യതയുണ്ട്. ആരോഗ്യവും അനുകൂലമായിരിക്കും. പരീക്ഷകളിൽ വിജയം നേടാം. പുതിയ കോഴ്സുകളിലേക്കുള്ള പ്രവേശനത്തിനായി ശ്രമിക്കുന്നവർക്ക് അനുകൂല വാർത്ത ലഭിക്കാം.
കുംഭം: സമ്മർദ്ദം നിറഞ്ഞ ദിവസമായേക്കാം. കാര്യങ്ങൾ തടസ്സപ്പെടാം. ആഗ്രഹിച്ച കാര്യങ്ങൾ നടക്കാതെ വരാനും കലഹസാഹചര്യങ്ങൾ ഉണ്ടാകാനും സാധ്യതയുണ്ട്. ചെലവുകൾ വർധിക്കാം. വേണ്ടപ്പെട്ടവരുമായി അകൽച്ച ഉണ്ടാകാതിരിക്കാൻ ശ്രദ്ധിക്കുക.
മീനം: അനുകൂല സമയമാണ്. മത്സരങ്ങളിൽ വിജയിക്കാനും കാര്യങ്ങൾ വിജയകരമായി പൂർത്തിയാക്കാനും കഴിയും. സ്ഥാനക്കയറ്റത്തിനും തൊഴിൽപരമായ നേട്ടങ്ങൾക്കും സാധ്യതയുണ്ട്. ജോലി അന്വേഷിക്കുന്നവർക്ക് പ്രതീക്ഷ നൽകുന്ന അവസരങ്ങൾ ലഭിക്കാം.
