മേടം: കാര്യങ്ങൾ പ്രതീക്ഷിച്ച വേഗത്തിൽ മുന്നോട്ട് പോകണമെന്നില്ല. ശരീരാസ്വാസ്ഥ്യവും ഉദരസംബന്ധമായ ബുദ്ധിമുട്ടുകളും അലട്ടാം. പ്രവർത്തനങ്ങളിൽ മന്ദതയും മനസ്സിൽ അസ്വസ്ഥതയും അനുഭവപ്പെടാം. ചില കാര്യങ്ങളിൽ ഭാഗിക നേട്ടം ലഭിക്കും.
ഇടവം: പ്രതീക്ഷിച്ച ഫലം ലഭിക്കാതെ വരുന്നത് നിരാശയ്ക്ക് ഇടയാക്കാം. മനഃപ്രയാസം, സാമ്പത്തിക നഷ്ടം, ചെറിയ പരുക്കുകൾ, ശത്രുശല്യം എന്നിവയ്ക്ക് സാധ്യത. വാഹനമോടിക്കുന്നവർ, പ്രത്യേകിച്ച് ഇരുചക്രവാഹന യാത്രക്കാർ, കൂടുതൽ ജാഗ്രത പാലിക്കുക.
മിഥുനം: നേട്ടങ്ങൾ തേടിയെത്തുന്ന ദിവസമാണ്. ഏറ്റെടുക്കുന്ന കാര്യങ്ങളിൽ വിജയം കൈവരിക്കാനും അംഗീകാരം നേടാനും കഴിയും. ആരോഗ്യം മെച്ചപ്പെടും. മത്സരങ്ങളിൽ വിജയം നേടാനും ഇഷ്ടഭക്ഷണം ആസ്വദിക്കാനും അവസരമുണ്ടാകും. യാത്രകൾക്കും സാധ്യത.
കർക്കടകം: ഇന്ന് അനുകൂല ഫലങ്ങൾ പ്രതീക്ഷിക്കാം. കാര്യങ്ങൾ വിജയകരമായി പൂർത്തിയാക്കാൻ കഴിയും. മത്സരങ്ങളിൽ നേട്ടമുണ്ടാകും. അംഗീകാരവും സന്തോഷവും ലഭിക്കും. നടത്തുന്ന യാത്രകൾ വിജയകരമാകാൻ സാധ്യത.
ചിങ്ങം: തടസ്സങ്ങൾ നിറഞ്ഞ ദിവസമായേക്കാം. ആഗ്രഹിച്ച കാര്യങ്ങൾ നടക്കാതെ വരുന്നത് നിരാശപ്പെടുത്താം. കുടുംബത്തിലോ മറ്റിടങ്ങളിലോ കലഹസാഹചര്യങ്ങൾ ഉണ്ടാകാം. സാമ്പത്തിക കാര്യങ്ങളിലും വായ്പാ ശ്രമങ്ങളിലും ജാഗ്രത വേണം.
കന്നി: ചില കാര്യങ്ങളിൽ തിരിച്ചടി നേരിടേണ്ടി വന്നേക്കാം. മനസ്സിനെ വിഷമിപ്പിക്കുന്ന സാഹചര്യങ്ങൾ ഉണ്ടാകാം. ചെറിയ പരുക്കുകൾക്കും ശത്രുശല്യത്തിനും സാധ്യത. അടുപ്പമുള്ളവരിൽ ചിലർ അകന്നുനിൽക്കാം.
തുലാം: വിജയവും സന്തോഷവും ഒരുമിച്ചെത്തുന്ന ദിവസം. കാര്യങ്ങളിൽ നേട്ടമുണ്ടാകും. അംഗീകാരവും ആരോഗ്യവും ലഭിക്കും. പരീക്ഷകളിൽ മികച്ച ഫലം നേടാം. പുതിയ കോഴ്സുകളിൽ പ്രവേശനം തേടുന്നവർക്ക് അനുകൂല വാർത്ത ലഭിക്കാം.
വൃശ്ചികം: കാര്യങ്ങൾ സുഗമമായി നടക്കാൻ തടസ്സങ്ങളുണ്ടാകാം. മനഃപ്രയാസവും അഭിമാനക്ഷതവും ഉണ്ടാകാൻ സാധ്യത. കലഹങ്ങളിൽ നിന്ന് വിട്ടുനിൽക്കുന്നത് ഗുണകരം. ചില അനുഭവങ്ങൾ മാനസികമായി വേദനിപ്പിച്ചേക്കാം.
ധനു: നേട്ടങ്ങൾക്കുള്ള സാധ്യത കൂടുതലാണ്. നിയമപരമായ കാര്യങ്ങളിൽ വിജയം ലഭിക്കാം. അംഗീകാരവും ആരോഗ്യവും കൈവരും. ബിസിനസ് രംഗത്ത് ലാഭം പ്രതീക്ഷിക്കാം. പുതിയ അവസരങ്ങൾ മുന്നിലെത്തും.
മകരം: അലച്ചിലും അനാവശ്യ ചെലവുകളും വർധിക്കാം. മനസ്സിൽ നിരാശ ഉണ്ടാകാനും ആഗ്രഹിച്ച കാര്യങ്ങൾ നടക്കാതെ വരാനും സാധ്യത. യാത്രകളും കൂടിക്കാഴ്ചകളും പ്രതീക്ഷിച്ച ഫലം നൽകണമെന്നില്ല.
കുംഭം: വിജയസാധ്യതകൾ കൂടുതലുള്ള ദിവസമാണ്. മത്സരങ്ങളിൽ നേട്ടമുണ്ടാകും. എതിരാളികളുടെ ശല്യം കുറയും. അംഗീകാരവും ആരോഗ്യവും ലഭിക്കും. ഏറെക്കാലമായി കാത്തിരുന്ന ചില ആഗ്രഹങ്ങൾ സഫലമാകാം.
മീനം: തൊഴിൽരംഗത്ത് നേട്ടങ്ങൾ പ്രതീക്ഷിക്കാം. കാര്യങ്ങളിൽ വിജയം നേടാനും അംഗീകാരം ലഭിക്കാനും സാധ്യത. സ്ഥാനക്കയറ്റത്തിനും സാധ്യതയുണ്ട്. ജോലി തേടുന്നവർക്ക് അനുകൂല അവസരങ്ങൾ ലഭിച്ചേക്കാം.
