മേടം (അശ്വതി, ഭരണി, കാർത്തിക ആദ്യഭാഗം): പ്രതീക്ഷിക്കുന്ന കാര്യങ്ങൾ പൂർത്തിയാക്കുന്നതിൽ തടസ്സങ്ങൾ നേരിട്ടേക്കാം. സാമ്പത്തിക നഷ്ടത്തിനും ധനതടസ്സത്തിനും സാധ്യതയുണ്ട്. യാത്രകളും കൂടിക്കാഴ്ചകളും ഉദ്ദേശിച്ച ഫലം നൽകണമെന്നില്ല. മാനസിക അസ്വസ്ഥതകൾ ഒഴിവാക്കാൻ ശ്രമിക്കുക.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): പ്രവർത്തനങ്ങളിൽ വിജയവും അംഗീകാരവും തേടിയെത്താൻ സാധ്യതയുണ്ട്. സാമ്പത്തിക നേട്ടത്തിനും ആരോഗ്യപരമായ ആശ്വാസത്തിനും അനുകൂല സാഹചര്യമുണ്ടാകും. ബന്ധുക്കളെയും പ്രിയപ്പെട്ടവരെയും കണ്ടുമുട്ടാനും സന്തോഷം പങ്കിടാനും കഴിയും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): മത്സരങ്ങളിലും പ്രധാനപ്പെട്ട കാര്യങ്ങളിലും വിജയസാധ്യതയുള്ള ദിവസം. അംഗീകാരവും സാമ്പത്തിക നേട്ടവും പ്രതീക്ഷിക്കാം. യാത്രകൾ വിജയകരമാകാനും എതിരാളികളെ മറികടക്കാനും സാധിച്ചേക്കും. കുടുംബാംഗങ്ങളുമായും സുഹൃത്തുക്കളുമായും സന്തോഷകരമായ സമയം ചെലവിടാം.
കർക്കടകം (പുണർതം അവസാന കാൽഭാഗം, പൂയം, ആയില്യം): കാര്യങ്ങൾ പ്രതീക്ഷിച്ച രീതിയിൽ മുന്നോട്ടുപോകണമെന്നില്ല. നിരാശയും അഭിപ്രായവ്യത്യാസങ്ങളും നഷ്ടങ്ങളും ഉണ്ടായേക്കാം. ഉദരസംബന്ധമായ അസ്വസ്ഥതകൾക്ക് സാധ്യതയുള്ളതിനാൽ ആരോഗ്യത്തിൽ ശ്രദ്ധിക്കുക. അടുത്ത ബന്ധങ്ങളിൽ അകൽച്ചയുണ്ടാകാതെ സൂക്ഷിക്കുക.
ചിങ്ങം (മകം, പൂരം, ഉത്രം ആദ്യ കാൽഭാഗം): പ്രവർത്തനങ്ങളിൽ കാലതാമസവും മാനസിക സമ്മർദവും അനുഭവപ്പെട്ടേക്കാം. നഷ്ടങ്ങൾക്കും ആഗ്രഹിച്ച കാര്യങ്ങൾ നടക്കാതിരിക്കാനും സാധ്യതയുണ്ട്. അപകടസാധ്യതകൾ ഒഴിവാക്കാൻ ശ്രദ്ധിക്കുക. ഇരുചക്രവാഹനങ്ങളിൽ യാത്ര ചെയ്യുമ്പോൾ കൂടുതൽ ജാഗ്രത പാലിക്കണം.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): നേട്ടങ്ങളും അംഗീകാരവും പ്രതീക്ഷിക്കാവുന്ന ദിവസം. മത്സരങ്ങളിൽ വിജയിക്കാനും യാത്രകൾ വിജയകരമായി പൂർത്തിയാക്കാനും സാധ്യതയുണ്ട്. ആരോഗ്യകാര്യങ്ങളിലും അനുകൂലമായ സാഹചര്യമുണ്ടാകാം. പ്രധാനപ്പെട്ട കൂടിക്കാഴ്ചകൾ ഫലപ്രദമാകാൻ ഇടയുണ്ട്.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): പല കാര്യങ്ങളിലും അനുകൂല ഫലങ്ങൾ ലഭിച്ചേക്കാം. മത്സരവിജയത്തിനും അംഗീകാരത്തിനും സാധ്യതയുണ്ട്. സുഹൃത്തുക്കളെ കണ്ടുമുട്ടാനും സൽക്കാരങ്ങളിൽ പങ്കെടുക്കാനും അവസരമുണ്ടാകും. വിനോദയാത്രകൾ ആസൂത്രണം ചെയ്യുന്നവർക്കും അനുകൂല സൂചനകളുണ്ട്.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): ചില കാര്യങ്ങളിൽ തടസ്സങ്ങളും നിരാശയും നേരിടേണ്ടിവന്നേക്കാം. തർക്കങ്ങൾക്കും യാത്രാതടസ്സങ്ങൾക്കും സാധ്യതയുണ്ട്. അതേസമയം അംഗീകാരവും ആരോഗ്യപരമായ ആശ്വാസവും ലഭിക്കാവുന്ന സാഹചര്യങ്ങളുമുണ്ട്. അടുപ്പമുള്ളവരുമായുള്ള ബന്ധങ്ങളിൽ ശ്രദ്ധ പുലർത്തുക.
ധനു (മൂലം, പൂരാടം, ഉത്രാടം ആദ്യ കാൽഭാഗം): സാമ്പത്തിക കാര്യങ്ങളിലും യാത്രകളിലും പ്രതീക്ഷിച്ച ഫലം ലഭിക്കണമെന്നില്ല. പ്രവർത്തനങ്ങളിൽ തടസ്സങ്ങളും മാനസിക പ്രയാസങ്ങളും ഉണ്ടായേക്കാം. വായ്പയ്ക്കായുള്ള ശ്രമങ്ങൾ വിജയിക്കാതെ വരാൻ സാധ്യതയുള്ളതിനാൽ സാമ്പത്തിക തീരുമാനങ്ങളിൽ കരുതൽ വേണം.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): തൊഴിൽരംഗത്ത് പുരോഗതിയും അംഗീകാരവും പ്രതീക്ഷിക്കാം. സ്ഥാനലാഭത്തിനും പുതിയ അവസരങ്ങൾ ലഭിക്കാനും സാധ്യതയുണ്ട്. ജോലി അന്വേഷിക്കുന്നവർക്ക് പ്രതീക്ഷ നൽകുന്ന സാഹചര്യങ്ങൾ ഒരുങ്ങിയേക്കാം. ഔദ്യോഗിക കാര്യങ്ങളിൽ മുന്നേറ്റമുണ്ടാകാം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): കാര്യങ്ങളിൽ തടസ്സങ്ങളും മാനസിക സമ്മർദവും ഉണ്ടായേക്കാം. തർക്കങ്ങൾ, നിരാശ, അഭിമാനത്തിന് ക്ഷതമുണ്ടാകുന്ന സാഹചര്യങ്ങൾ എന്നിവ ഒഴിവാക്കാൻ ശ്രദ്ധിക്കുക. അപകടസാധ്യതകൾ കണക്കിലെടുത്ത് യാത്രകളിൽ, പ്രത്യേകിച്ച് ഇരുചക്രവാഹന യാത്രകളിൽ, ജാഗ്രത പാലിക്കുക.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): വിജയസാധ്യതകൾ നിറഞ്ഞ ദിവസമായിരിക്കാം. മത്സരങ്ങളിൽ മുന്നിലെത്താനും യാത്രകൾ വിജയകരമാകാനും സാധ്യതയുണ്ട്. ആരോഗ്യപരമായ ആശ്വാസത്തിനൊപ്പം ഇഷ്ടഭക്ഷണങ്ങൾ ആസ്വദിക്കാനും അവസരം ലഭിച്ചേക്കും.
