മേടം: ജോലികളിൽ തടസ്സങ്ങൾ നേരിടാൻ സാധ്യത. യാത്രകൾ മുടങ്ങാം. മനഃപ്രയാസം, കലഹസാധ്യത, ശത്രുശല്യം എന്നിവയും കാണുന്നു. പരീക്ഷകളും പുതിയ കോഴ്സുകളിലേക്കുള്ള പ്രവേശനശ്രമങ്ങളും പ്രതീക്ഷിച്ച ഫലം നൽകണമെന്നില്ല.
ഇടവം: വിജയസൂചനകൾ നിറഞ്ഞ ദിനം. തൊഴിൽ-വ്യക്തിജീവിത രംഗങ്ങളിൽ അംഗീകാരം ലഭിക്കും. മത്സരങ്ങളിൽ നേട്ടമുണ്ടാകും. സുഹൃത്തുക്കളുമായുള്ള കൂടിക്കാഴ്ചകളും ഉല്ലാസയാത്രകളും സന്തോഷം പകരും.
മിഥുനം: കാര്യങ്ങൾ വൈകാനോ തടസ്സപ്പെടാനോ സാധ്യതയുണ്ട്. അധിക ചെലവും യാത്രാക്ലേശവും മാനസിക അസ്വസ്ഥതയും അനുഭവപ്പെടാം. തീരുമാനങ്ങൾ ആലോചിച്ച് എടുക്കുന്നത് ഗുണം ചെയ്യും.
കർക്കടകം: പ്രവർത്തനങ്ങളിൽ വിജയം കൈവരും. ആരോഗ്യനില മെച്ചപ്പെടും. സ്ഥാനക്കയറ്റത്തിനും സമ്മാനലാഭത്തിനും സാധ്യത. പുതിയ അവസരങ്ങൾ ജീവിതത്തിൽ വന്നുചേരാം.
ചിങ്ങം: തൊഴിൽരംഗത്ത് അനുകൂല മാറ്റങ്ങൾ പ്രതീക്ഷിക്കാം. സ്ഥാനക്കയറ്റം, മത്സരവിജയം, ജോലി ലഭിക്കൽ, സ്ഥലംമാറ്റം എന്നിവയ്ക്ക് സാധ്യത കൂടുതലാണ്.
കന്നി: സാമ്പത്തിക കാര്യങ്ങളിൽ ജാഗ്രത വേണം. യാത്രകളും പ്രധാന കൂടിക്കാഴ്ചകളും പ്രതീക്ഷിച്ചതുപോലെ നടക്കാതെ വന്നേക്കാം. അനാവശ്യ ചെലവ് വർധിക്കാനും സാധ്യതയുണ്ട്.
തുലാം: ജോലികളിൽ കാലതാമസവും നിരാശയും നേരിടേണ്ടി വരാം. അപകടസാധ്യത കണക്കിലെടുത്ത് വാഹനയാത്രകളിൽ, പ്രത്യേകിച്ച് ഇരുചക്രവാഹനങ്ങളിൽ, കൂടുതൽ ശ്രദ്ധ പുലർത്തുക.
വൃശ്ചികം: ബിസിനസിലും ജോലിയിലും നേട്ടം പ്രതീക്ഷിക്കാം. ശത്രുക്കളുടെ ഇടപെടൽ കുറയും. ആരോഗ്യം മെച്ചപ്പെടുകയും പുതിയ അവസരങ്ങൾ ലഭിക്കുകയും ചെയ്യും.
ധനു: പരീക്ഷകൾ, മത്സരങ്ങൾ, നിയമകാര്യങ്ങൾ എന്നിവയിൽ അനുകൂല ഫലം ലഭിക്കും. വിദ്യാഭ്യാസവുമായി ബന്ധപ്പെട്ട പുതിയ പദ്ധതികൾ വിജയത്തിലേക്ക് നീങ്ങും.
മകരം: മനഃപ്രയാസവും ഇച്ഛാഭംഗവും അനുഭവപ്പെടാം. ശത്രുശല്യം, അധിക ചെലവ്, ചെറിയ ആരോഗ്യപ്രശ്നങ്ങൾ എന്നിവ ശ്രദ്ധിക്കണം. ബന്ധങ്ങളിൽ അകൽച്ച ഉണ്ടാകാൻ സാധ്യതയുണ്ട്.
കുംഭം: എല്ലാ കാര്യങ്ങളും പ്രതീക്ഷിച്ച വേഗത്തിൽ മുന്നോട്ട് പോകണമെന്നില്ല. ആരോഗ്യകാര്യങ്ങളിലും കുടുംബബന്ധങ്ങളിലും കൂടുതൽ ശ്രദ്ധ നൽകുന്നത് നല്ലതാണ്. ചില ശ്രമങ്ങൾ ഭാഗികമായി മാത്രമേ ഫലം കാണൂ.
മീനം: നേട്ടങ്ങൾ നിറഞ്ഞ ദിനം. തൊഴിൽരംഗത്ത് അംഗീകാരവും സ്ഥാനലാഭവും ലഭിക്കും. യാത്രകൾ വിജയകരമാകും. ആരോഗ്യം മെച്ചപ്പെടുകയും ആഗ്രഹിച്ച പല കാര്യങ്ങളും യാഥാർഥ്യമാകുകയും ചെയ്യും.
