പല നക്ഷത്രക്കാർക്കും ജീവിതത്തിലെ വിവിധ മേഖലകളിൽ മാറ്റങ്ങൾ പ്രതീക്ഷിക്കാം. ചിലർക്ക് സാമ്പത്തിക നേട്ടവും തൊഴിൽ അവസരങ്ങളും ലഭിക്കുമ്പോൾ ചില നക്ഷത്രക്കാർക്ക് ആരോഗ്യകാര്യങ്ങളിലും സാമ്പത്തിക ഇടപാടുകളിലും കൂടുതൽ ജാഗ്രത ആവശ്യമാണ്. ഇന്നത്തെ നക്ഷത്രഫലം അറിയാം.
അശ്വതി: വിവാഹകാര്യത്തിൽ അനുകൂല തീരുമാനം ഉണ്ടാകും. സർവകാര്യങ്ങളിലും വിജയം നേടും. ശത്രുക്കൾ മിത്രങ്ങളായി മാറാം. അപ്രതീക്ഷിത ധനലാഭത്തിനും കലാരംഗത്ത് പുതിയ അവസരങ്ങൾക്കും സാധ്യത.
ഭരണി: യാത്രകൾ ഗുണകരമാകും. ശരീരക്ഷീണം മാറും. ഉത്തരവാദിത്തങ്ങൾ വർധിക്കും. സ്വത്തുതർക്കങ്ങൾക്ക് പരിഹാരമാകും. സാങ്കേതിക മേഖലയിൽ അവസരങ്ങളും ഉയർച്ചയും ലഭിക്കും.
കാർത്തിക: അകന്ന ബന്ധുക്കൾ വീണ്ടും ഒന്നിക്കും. ആലോചിച്ചശേഷം മാത്രം പ്രധാന തീരുമാനങ്ങൾ എടുക്കുക. വീട്ടിൽ മംഗളകർമങ്ങൾക്ക് സാധ്യത. സന്താനങ്ങളുടെ നേട്ടത്തിൽ അഭിമാനം വർധിക്കും.
രോഹിണി: പഠനത്തിൽ മികവ് തെളിയിക്കാം. പുതിയ പദ്ധതികൾ വേഗത്തിൽ നടപ്പാക്കും. കുടുംബജീവിതത്തിൽ സന്തോഷവും സമാധാനവും ഉണ്ടാകും. കലാരംഗത്ത് അംഗീകാരവും അവസരങ്ങളും ലഭിക്കാം.
മകയിരം: വിനോദങ്ങളിൽ പങ്കെടുക്കും. ഇഷ്ടപ്പെട്ട ജീവിതപങ്കാളിയെ കണ്ടെത്താനുള്ള ശ്രമം വിജയിക്കാം. വാഹന ഇടപാടുകളിൽ ലാഭം. വ്യാപാരികൾക്ക് ബിസിനസ് വിപുലീകരിക്കാം.
തിരുവാതിര: ഗൃഹനിർമാണത്തിന് അനുകൂല സമയം. ജോലി അന്വേഷിക്കുന്നവർക്ക് നല്ല വാർത്ത ലഭിക്കും. പുതിയ സൗഹൃദങ്ങൾ ഉണ്ടാകും. സുഹൃത്തുക്കളിൽ നിന്ന് അപ്രതീക്ഷിത സഹായം ലഭിക്കാം.
പുണർതം: മാതാവിന്റെ ആഗ്രഹങ്ങൾ നിറവേറ്റും. നേതൃത്വ ചുമതലകൾ ഏറ്റെടുക്കേണ്ടിവരും. വിദ്യാർഥികൾക്ക് പരീക്ഷകളിൽ വിജയം. ആരോഗ്യനില മെച്ചപ്പെടും.
പൂയം: രഹസ്യ ഇടപാടുകളിൽ നിന്ന് വിട്ടുനിൽക്കുക. കുടുംബത്തിൽ അസംതൃപ്തിക്ക് സാധ്യത. സന്താനങ്ങളുമായി അഭിപ്രായവ്യത്യാസം ഉണ്ടാകാം. പഠനത്തിൽ അലസത ഒഴിവാക്കണം.
ആയില്യം: അനാവശ്യ ചിന്തകൾ മനസ്സിനെ അലട്ടും. രാഷ്ട്രീയരംഗത്ത് എതിരാളികൾ വർധിക്കും. രഹസ്യ വിവരങ്ങൾ മറ്റുള്ളവരുമായി പങ്കുവയ്ക്കരുത്.
മകം: ശരീരക്ഷീണം അനുഭവപ്പെടാം. ഭൂമി ഇടപാടുകൾ ഒഴിവാക്കുക. സുഹൃത്തുക്കളുമായി അഭിപ്രായവ്യത്യാസത്തിന് സാധ്യത. കുടുംബ ഉത്തരവാദിത്തങ്ങൾ വർധിക്കും.
പൂരം: പഠനത്തിൽ ബുദ്ധിമുട്ടുകൾ നേരിടാം. അമിത ജോലിഭാരം മാനസികവും ശാരീരികവുമായ ക്ലേശത്തിന് ഇടയാക്കും. സന്താനങ്ങളുടെ ആവശ്യങ്ങൾക്കായി കൂടുതൽ പണം ചെലവഴിക്കേണ്ടിവരും.
ഉത്രം: മുതിർന്നവരോട് ഇടപെടുമ്പോൾ ശ്രദ്ധ വേണം. ചെറിയ നഷ്ടങ്ങൾക്ക് സാധ്യത. പണം കടം കൊടുക്കുന്നതിൽ സൂക്ഷിക്കുക. വിലപിടിപ്പുള്ള വസ്തുക്കൾ സംരക്ഷിക്കുക. പ്രണയബന്ധങ്ങൾ വിവാഹത്തിലെത്താം.
അത്തം: വിനോദങ്ങളിൽ പങ്കെടുക്കും. പ്രണയവിവാഹത്തിന് ആഗ്രഹിക്കുന്നവർക്ക് അനുകൂല സമയം. സാമ്പത്തിക പ്രതിസന്ധി മറികടക്കും. സ്വകാര്യ മേഖലയിൽ ജോലി ചെയ്യുന്നവർക്ക് നേട്ടമുണ്ടാകും.
ചിത്തിര: നാട്ടിലെത്താനുള്ള ആഗ്രഹം സഫലമാകും. കലാരംഗത്തുള്ളവർക്ക് നിരവധി അവസരങ്ങൾ ലഭിക്കും. വിദേശ ഉപരിപഠനത്തിന് ശ്രമിക്കുന്ന വിദ്യാർഥികൾക്ക് ഇഷ്ടപ്പെട്ട വിഷയം ലഭിക്കാം.
ചോതി: മതപരമായ കാര്യങ്ങളിൽ താൽപ്പര്യം വർധിക്കും. ഗൃഹത്തിൽ മംഗളകർമങ്ങൾ നടക്കും. പൊതുപ്രവർത്തകർക്ക് പ്രശസ്തി വർധിക്കും. വൈദ്യശാസ്ത്ര രംഗത്തുള്ളവർക്ക് നേട്ടം.
വിശാഖം: ജോലിയിൽ കൂടുതൽ ശ്രദ്ധ വേണം. ആരോഗ്യപ്രശ്നങ്ങൾ തരണം ചെയ്യും. സന്താനങ്ങളുടെ കാര്യത്തിൽ പുരോഗതിയുണ്ടാകും. ബന്ധുക്കളുടെ സംഗമത്തിനും ഭൂമി ഇടപാടുകളിൽ ലാഭത്തിനും സാധ്യത.
അനിഴം: പഠനത്തിലെ തടസ്സങ്ങൾ മാറും. വ്യാപാരികൾക്ക് മികച്ച ദിവസം. സാമ്പത്തിക ബുദ്ധിമുട്ടുകൾ കുറയും. എതിർപ്പുകളെയും തടസ്സങ്ങളെയും അതിജീവിക്കാനാകും.
തൃക്കേട്ട: ബിസിനസ് രംഗത്തുള്ളവർക്ക് സാമ്പത്തിക നേട്ടം. ധനലാഭത്തിന് സാധ്യത. പുതിയ പദ്ധതികൾ ആവിഷ്കരിക്കും. പുണ്യപ്രവർത്തനങ്ങളിൽ ഏർപ്പെടും. സഹോദരങ്ങളുമായുള്ള ബന്ധം മെച്ചപ്പെടുത്തുക.
മൂലം: ഊഹക്കച്ചവടത്തിൽ നിന്ന് ലാഭം ലഭിക്കാം. നേത്രരോഗങ്ങൾക്ക് ആശ്വാസം ലഭിക്കും. ഗൃഹോപകരണങ്ങൾ വാങ്ങും. പുണ്യസ്ഥലങ്ങൾ സന്ദർശിക്കാം. ദാമ്പത്യജീവിതം സന്തോഷകരമാകും.
പൂരാടം: ജോലി സംബന്ധമായ ദൂരയാത്രകൾ വേണ്ടിവരും. സുഹൃത്തുക്കളിൽ നിന്ന് സഹായം ലഭിക്കും. സർക്കാർ ആനുകൂല്യങ്ങൾ ലഭിക്കുന്നതിൽ തടസ്സം നേരിടാം. വിദ്യാർഥികൾ അശ്രദ്ധ ഒഴിവാക്കണം.
ഉത്രാടം: അപകീർത്തിക്ക് സാധ്യതയുള്ളതിനാൽ ജാഗ്രത വേണം. മുൻകോപം നിയന്ത്രിക്കുക. ആരോഗ്യപ്രശ്നങ്ങൾ മനഃസമാധാനം കുറയ്ക്കാം. ജീവിതപങ്കാളിയുമായി അഭിപ്രായവ്യത്യാസം ഉണ്ടാകാം. ശത്രുക്കളുടെ ശല്യം വർധിക്കും.
തിരുവോണം: ബിസിനസിൽ ധനനഷ്ടത്തിന് സാധ്യത. പൂർവികസ്വത്ത് സംബന്ധിച്ച് അഭിപ്രായവ്യത്യാസം ഉണ്ടാകും. സുഹൃത്തുക്കളോട് ജാഗ്രതയോടെ പെരുമാറുക. അപ്രതീക്ഷിത നഷ്ടങ്ങൾക്ക് സാധ്യത. ജോലിഭാരം മൂലം ക്ലേശം അനുഭവപ്പെടാം.
അവിട്ടം: പിതാവിനോ പിതൃസ്ഥാനീയർക്കോ ആരോഗ്യപ്രശ്നങ്ങൾ ഉണ്ടാകാം. ശത്രുക്കളുടെ ഉപദ്രവം വർധിക്കും. ലക്ഷ്യങ്ങൾ നടപ്പാക്കാൻ കൂടുതൽ പരിശ്രമം ആവശ്യമാണ്. സർക്കാർ നിയമന ഉത്തരവിനായി കാത്തിരിക്കുന്നവർക്ക് കാലതാമസം നേരിടാം.
ചതയം: വിദേശത്ത് ജോലി ചെയ്യുന്നവർക്ക് പ്രതിസന്ധികൾ നേരിടാം. കലാരംഗത്തുള്ളവർക്ക് ആരോപണങ്ങളും വിമർശനങ്ങളും നേരിടേണ്ടിവരും. ശത്രുക്കളുടെ ഉപദ്രവം വർധിക്കും. ഉദ്യോഗാർഥികൾക്ക് പരീക്ഷകളിലും അഭിമുഖങ്ങളിലും പ്രതീക്ഷിച്ചതിലും കൂടുതൽ ബുദ്ധിമുട്ടുകൾ ഉണ്ടാകാം.
പൂരുരുട്ടാതി: രാഷ്ട്രീയ പ്രവർത്തകർക്ക് വിമർശനം വർധിക്കും. ചെറിയ തടസ്സങ്ങൾ ഉണ്ടാകും. യാത്രകൾ വർധിക്കും. ശരീരക്ഷീണം അനുഭവപ്പെടും. ശത്രുക്കളുടെ ശല്യം വർധിക്കും. ആഗ്രഹസാഫല്യത്തിന് കാലതാമസം നേരിടാം. സ്വത്തുതർക്കങ്ങൾക്കും സാധ്യത.
ഉത്രട്ടാതി: സഹോദരങ്ങളുമായി അഭിപ്രായവ്യത്യാസത്തിന് സാധ്യത. ആത്മവിശ്വാസക്കുറവ് അവസരങ്ങൾ നഷ്ടപ്പെടുത്താം. കലാരംഗത്തുള്ളവർക്ക് അവസരങ്ങൾ കുറയും. ധനനഷ്ടത്തിന് സാധ്യതയുള്ളതിനാൽ സാമ്പത്തിക ഇടപാടുകളിൽ ശ്രദ്ധ വേണം.
രേവതി: വാഹന ഇടപാടുകളിൽ പ്രത്യേക ശ്രദ്ധ വേണം. ശത്രുക്കളുടെ ഉപദ്രവം വർധിക്കും. മുൻകോപം നിയന്ത്രിക്കുക. സങ്കീർണ പ്രശ്നങ്ങൾ ഉറക്കമില്ലായ്മയ്ക്ക് കാരണമാകാം. കാർഷിക മേഖലയിലുള്ളവർക്ക് ധനനഷ്ടത്തിന് സാധ്യത. രഹസ്യബന്ധങ്ങൾ പുറത്തറിയാതിരിക്കാൻ ശ്രദ്ധിക്കുക.
