മേടക്കൂറ് (അശ്വതി, ഭരണി, കാർത്തിക ആദ്യ കാൽഭാഗം)

ഇന്ന് കാര്യങ്ങൾ വിചാരിച്ച വേഗത്തിൽ മുന്നോട്ടുപോകണമെന്നില്ല. പല കാര്യങ്ങളിലും തടസ്സങ്ങളും നിരാശയും അനുഭവപ്പെട്ടേക്കാം. ദഹനസംബന്ധമായ അസ്വസ്ഥതകൾ, യാത്രാക്ലേശം, ജോലികളിലെ മന്ദഗതി എന്നിവയും അലട്ടാം. മാനസിക സമ്മർദം ഒഴിവാക്കാൻ ശ്രദ്ധിക്കുക. ഉച്ചയ്ക്ക് രണ്ടു മണിക്ക് ശേഷം ഗുണദോഷങ്ങൾ സമ്മിശ്രമായ അനുഭവങ്ങളായിരിക്കും.

ഇടവക്കൂറ് (കാർത്തിക അവസാന മുക്കാൽഭാഗം, രോഹിണി, മകയിരം ആദ്യ പകുതി)

നേട്ടങ്ങൾ തേടിയെത്തുന്ന ദിവസമായിരിക്കും. മത്സരങ്ങളിൽ വിജയിക്കാനും ആഗ്രഹിച്ച കാര്യങ്ങൾ നേടിയെടുക്കാനും സാധിക്കും. സൽക്കാരങ്ങളിലും വിരുന്നുകളിലും പങ്കെടുക്കാൻ അവസരമുണ്ടാകും. ഇഷ്ടപ്പെട്ട ഭക്ഷണങ്ങൾ ലഭിക്കാനും യോഗമുണ്ട്. എന്നാൽ ഉച്ചയ്ക്ക് രണ്ടു മണിക്ക് ശേഷം കാര്യങ്ങൾ പ്രതികൂലമാകാം. അപകടസാധ്യത, സാമ്പത്തിക നഷ്ടം, ശരീരത്തിന് പരിക്കേൽക്കാനുള്ള സാഹചര്യം, മനഃപ്രയാസം എന്നിവയിൽ ജാഗ്രത പുലർത്തണം.

മിഥുനക്കൂറ് (മകയിരം രണ്ടാം പകുതി, തിരുവാതിര, പുണർതം ആദ്യ മുക്കാൽഭാഗം)

വിജയവും സന്തോഷവും ഒരുപോലെ അനുഭവിക്കാവുന്ന ദിവസമാണ്. തടസ്സങ്ങളെ മറികടന്ന് ലക്ഷ്യത്തിലെത്താൻ കഴിയും. എതിരാളികളെ അതിജീവിക്കാനും മത്സരങ്ങളിൽ നേട്ടം സ്വന്തമാക്കാനും അവസരമുണ്ടാകും. പ്രവർത്തനങ്ങൾക്ക് അംഗീകാരം ലഭിക്കാം. മനസ്സിലുള്ള ആഗ്രഹങ്ങൾ സഫലമാകാനും ഇഷ്ടഭക്ഷണം ലഭിക്കാനും സാധ്യതയുണ്ട്.

കർക്കടകക്കൂറ് (പുണർതം അവസാന കാൽഭാഗം, പൂയം, ആയില്യം)

ദിവസത്തിന്റെ തുടക്കത്തിൽ കാര്യങ്ങൾ അത്ര അനുകൂലമാകണമെന്നില്ല. ജോലികളിൽ തടസ്സങ്ങളും അലച്ചിലും അനുഭവപ്പെടാം. ഉദരസംബന്ധമായ ബുദ്ധിമുട്ടുകൾ, ശാരീരിക അസ്വസ്ഥതകൾ, യാത്രകളിലെ തടസ്സങ്ങൾ എന്നിവയ്ക്കും സാധ്യതയുണ്ട്. എന്നാൽ ഉച്ചയ്ക്ക് രണ്ടു മണിക്ക് ശേഷം സ്ഥിതിഗതികൾ മെച്ചപ്പെടും. പ്രധാനപ്പെട്ട കാര്യങ്ങളിൽ വിജയം നേടാനും അംഗീകാരം ലഭിക്കാനും സുഹൃത്തുക്കളെ കണ്ടുമുട്ടാനും അവസരമുണ്ടാകും.

ചിങ്ങക്കൂറ് (മകം, പൂരം, ഉത്രം ആദ്യ കാൽഭാഗം)

ചില കാര്യങ്ങളിൽ പ്രതീക്ഷിച്ച ഫലം ലഭിക്കാത്തത് നിരാശയ്ക്ക് ഇടയാക്കാം. അനാവശ്യ തർക്കങ്ങൾക്കും കലഹങ്ങൾക്കും സാധ്യതയുള്ളതിനാൽ സംസാരത്തിലും ഇടപെടലുകളിലും ശ്രദ്ധ വേണം. ശത്രുശല്യവും യാത്രാതടസ്സവും ശരീരത്തിന് പരിക്കേൽക്കാനുള്ള സാഹചര്യങ്ങളും ഉണ്ടാകാം. അടുപ്പമുള്ളവരുമായി അകൽച്ചയുണ്ടാകാതിരിക്കാൻ ശ്രദ്ധിക്കുക.

കന്നിക്കൂറ് (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതി)

പ്രവർത്തനരംഗത്ത് നേട്ടങ്ങൾ കൈവരിക്കാൻ കഴിയുന്ന ദിവസമാണ്. മത്സരങ്ങളിൽ വിജയവും പ്രവർത്തനങ്ങൾക്ക് അംഗീകാരവും ലഭിക്കാം. ആരോഗ്യകാര്യങ്ങളിലും അനുകൂലമായ അനുഭവങ്ങൾ പ്രതീക്ഷിക്കാം. എന്നാൽ ഉച്ചയ്ക്ക് രണ്ടു മണിക്ക് ശേഷം കാര്യങ്ങൾ മന്ദഗതിയിലാകാൻ സാധ്യതയുണ്ട്. ഉദരസംബന്ധമായ അസ്വസ്ഥതകൾ, അഭിപ്രായവ്യത്യാസങ്ങൾ, മനഃസ്വസ്ഥതക്കുറവ് എന്നിവയ്ക്ക് സാധ്യതയുള്ളതിനാൽ ശ്രദ്ധിക്കുക.

തുലാക്കൂറ് (ചിത്തിര രണ്ടാം പകുതി, ചോതി, വിശാഖം ആദ്യ മുക്കാൽഭാഗം)

ദിവസത്തിന്റെ ആദ്യപകുതിയിൽ ചില പ്രതിസന്ധികൾ നേരിടേണ്ടിവന്നേക്കാം. സാമ്പത്തിക ഇടപാടുകളിൽ തടസ്സങ്ങളും തർക്കങ്ങളും ഉണ്ടാകാം. ശത്രുക്കളുടെ ഇടപെടലുകളും അസ്വസ്ഥത സൃഷ്ടിച്ചേക്കാം. എന്നാൽ ഉച്ചയ്ക്ക് രണ്ടു മണിക്ക് ശേഷം അനുകൂല സമയമാണ്. അംഗീകാരം, സ്ഥാനലാഭം, ആരോഗ്യപുരോഗതി, വാഹനസൗഭാഗ്യം, സമ്മാനങ്ങൾ എന്നിവയ്ക്ക് സാധ്യതയുണ്ട്.

വൃശ്ചികക്കൂറ് (വിശാഖം അവസാന കാൽഭാഗം, അനിഴം, തൃക്കേട്ട)

പ്രതീക്ഷകൾ പൂവണിയുന്ന അനുഭവങ്ങൾ ദിവസത്തിന്റെ ആദ്യപകുതിയിൽ ഉണ്ടാകാം. പ്രധാനപ്പെട്ട കാര്യങ്ങളിൽ വിജയം നേടാനും സമൂഹത്തിൽ അംഗീകാരം ലഭിക്കാനും സാധ്യതയുണ്ട്. പരീക്ഷകളിൽ അനുകൂല ഫലം പ്രതീക്ഷിക്കാം. എന്നാൽ ഉച്ചയ്ക്ക് രണ്ടു മണിക്ക് ശേഷം കൂടുതൽ ശ്രദ്ധ ആവശ്യമാണ്. സാമ്പത്തിക നഷ്ടം, കാര്യതടസ്സം, കലഹം, അഭിമാനക്ഷതം, മാനസിക വിഷമം എന്നിവയ്ക്ക് സാധ്യതയുണ്ട്.

ധനുക്കൂറ് (മൂലം, പൂരാടം, ഉത്രാടം ആദ്യ കാൽഭാഗം)

ഇന്ന് ചില കാര്യങ്ങൾക്കായി കൂടുതൽ പരിശ്രമിക്കേണ്ടിവരും. യാത്രകളിൽ തടസ്സങ്ങളും അനാവശ്യ അലച്ചിലും ഉണ്ടാകാം. ആരോഗ്യകാര്യങ്ങളിൽ ശ്രദ്ധ നൽകുകയും ചെലവുകൾ നിയന്ത്രിക്കുകയും ചെയ്യുന്നത് നല്ലതാണ്. എന്നാൽ ഉച്ചയ്ക്ക് രണ്ടു മണിക്ക് ശേഷം അനുകൂല മാറ്റങ്ങൾ പ്രതീക്ഷിക്കാം. ഏറ്റെടുക്കുന്ന കാര്യങ്ങളിൽ വിജയം, അംഗീകാരം, സമ്മാനലാഭം എന്നിവയ്ക്ക് സാധ്യതയുണ്ട്.

മകരക്കൂറ് (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതി)

ദിവസത്തിന്റെ ആദ്യപകുതി മകരക്കൂറുകാർക്ക് അനുകൂലമാണ്. പ്രവർത്തനങ്ങളിൽ വിജയം നേടാനും അംഗീകാരം സ്വന്തമാക്കാനും കഴിയും. എതിരാളികളുടെ ശല്യം കുറയുകയും ആരോഗ്യകാര്യങ്ങളിൽ ആശ്വാസം ലഭിക്കുകയും ചെയ്യും. എന്നാൽ ഉച്ചയ്ക്ക് രണ്ടു മണിക്ക് ശേഷം കാര്യതടസ്സങ്ങൾ ഉണ്ടാകാം. സാമ്പത്തിക ബുദ്ധിമുട്ടുകൾ, അധിക ചെലവ്, അലച്ചിൽ, നിയമപരമായ കാര്യങ്ങളിലെ തിരിച്ചടി എന്നിവയ്ക്ക് സാധ്യതയുള്ളതിനാൽ ജാഗ്രത വേണം.

കുംഭക്കൂറ് (അവിട്ടം രണ്ടാം പകുതി, ചതയം, പൂരുരുട്ടാതി ആദ്യ മുക്കാൽഭാഗം)

തൊഴിൽപരമായ നേട്ടങ്ങൾക്ക് സാധ്യതയുള്ള ദിവസമാണ്. ജോലികളിൽ മികവ് തെളിയിക്കാനും മത്സരങ്ങളിൽ വിജയം നേടാനും സാധിക്കും. സ്ഥാനക്കയറ്റത്തിനും വരുമാനവർധനയ്ക്കും അനുകൂലമായ സാഹചര്യങ്ങൾ ഉണ്ടാകാം. ജോലി തേടുന്നവർക്ക് പുതിയ അവസരങ്ങൾ ലഭിക്കാനും തൊഴിൽശ്രമങ്ങൾ ഫലപ്രാപ്തിയിലെത്താനും സാധ്യതയുണ്ട്.

മീനക്കൂറ് (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി)

ദിവസത്തിന്റെ ആദ്യപകുതിയിൽ പ്രതീക്ഷിച്ച കാര്യങ്ങൾ നടക്കാതെ വരാം. മനഃപ്രയാസം, സ്വസ്ഥതക്കുറവ്, അഭിപ്രായവ്യത്യാസങ്ങൾ, യാത്രാതടസ്സം എന്നിവയ്ക്ക് സാധ്യതയുണ്ട്. എന്നാൽ ഉച്ചയ്ക്ക് രണ്ടു മണിക്ക് ശേഷം അനുകൂല സാഹചര്യങ്ങൾ രൂപപ്പെടും. തൊഴിൽരംഗത്ത് നേട്ടങ്ങൾ കൈവരിക്കാനും പ്രവർത്തനങ്ങളിൽ വിജയം നേടാനും അംഗീകാരം ലഭിക്കാനും സാധ്യതയുണ്ട്.