മേടം: കാര്യങ്ങൾ ആഗ്രഹിച്ച വേഗത്തിൽ മുന്നോട്ടുപോകണമെന്നില്ല. ലക്ഷ്യങ്ങൾ പൂർത്തിയാക്കുന്നതിൽ കാലതാമസവും പ്രതിബന്ധങ്ങളും നേരിടാം. മനസ്സിന് ഇഷ്ടപ്പെടാത്ത സാഹചര്യങ്ങൾ ഉണ്ടായേക്കാം. തർക്കങ്ങൾക്കും വാക്കുതർക്കങ്ങൾക്കും ഇടനൽകാതെ ശ്രദ്ധിക്കുക. ആരോഗ്യകാര്യങ്ങളിൽ ജാഗ്രത പുലർത്തണം. പ്രത്യേകിച്ച് ഇരുചക്രവാഹനങ്ങളിൽ യാത്ര ചെയ്യുന്നവർ അപകടസാധ്യതകൾ ഒഴിവാക്കാൻ ശ്രദ്ധിക്കണം.
ഇടവം: ഭാഗ്യാനുഭവങ്ങളും അനുകൂല സാഹചര്യങ്ങളും ഒത്തുചേരുന്ന ദിവസമായിരിക്കും. തൊഴിൽരംഗത്തും മത്സരങ്ങളിലും മികച്ച നേട്ടങ്ങൾ കൈവരിക്കാൻ കഴിയും. സമൂഹത്തിൽ അംഗീകാരവും ആദരവും ലഭിച്ചേക്കാം. സാമ്പത്തികമായി പുരോഗതിയുണ്ടാകും. ആരോഗ്യപ്രശ്നങ്ങൾക്ക് ആശ്വാസം ലഭിക്കാനും നേരത്തെ ലഭിക്കാനുള്ളതായി കാത്തിരുന്ന പണം തിരിച്ചുകിട്ടാനും സാധ്യതയുണ്ട്.
മിഥുനം: സാമ്പത്തിക കാര്യങ്ങളിൽ പ്രതീക്ഷിച്ച നേട്ടം ലഭിക്കണമെന്നില്ല. ആഗ്രഹിച്ച രീതിയിൽ കാര്യങ്ങൾ നടക്കാത്തത് മനഃപ്രയാസത്തിന് ഇടയാക്കാം. കടം ലഭിക്കാനുള്ള ശ്രമങ്ങളിൽ തടസ്സങ്ങൾ നേരിടാൻ സാധ്യതയുണ്ട്. പണമിടപാടുകളിൽ കൂടുതൽ ശ്രദ്ധ പുലർത്തണം. പ്രധാന തീരുമാനങ്ങൾ തിടുക്കത്തിൽ എടുക്കാതെ കാര്യങ്ങൾ വിലയിരുത്തി മുന്നോട്ടുപോകുന്നതാണ് ഉചിതം.
കർക്കടകം: സന്തോഷകരമായ അനുഭവങ്ങളും നേട്ടങ്ങളും പ്രതീക്ഷിക്കാവുന്ന ദിവസമാണ്. ആരോഗ്യനിലയും ആത്മവിശ്വാസവും മെച്ചപ്പെടും. എതിരാളികളുടെ നീക്കങ്ങളെ അതിജീവിച്ച് ഏറ്റെടുത്ത ജോലികൾ വിജയകരമായി പൂർത്തിയാക്കാൻ സാധിക്കും. സുഹൃത്തുക്കളുമായി സമയം ചെലവഴിക്കാനും ഇഷ്ടഭക്ഷണം ആസ്വദിക്കാനും അവസരമുണ്ടാകും. യാത്രകൾക്കും സാധ്യത കാണുന്നു.
ചിങ്ങം: പ്രതീക്ഷിച്ച കാര്യങ്ങളിൽ ചിലത് നിരാശപ്പെടുത്താൻ സാധ്യതയുണ്ട്. മാനസിക അസ്വസ്ഥതയ്ക്കൊപ്പം ഉദരസംബന്ധമായ ബുദ്ധിമുട്ടുകളും ഉണ്ടായേക്കാം. അനാവശ്യ ചെലവുകൾ വർധിക്കാനും യാത്രകൾ പ്രയാസകരമാകാനും ഇടയുണ്ട്. കുടുംബാംഗങ്ങളുമായും അടുത്ത ബന്ധമുള്ളവരുമായും അഭിപ്രായവ്യത്യാസങ്ങൾ ഉണ്ടാകാതെ ശ്രദ്ധിക്കണം.
കന്നി: വിദ്യാർഥികൾക്കും തൊഴിൽമേഖലയിൽ പ്രവർത്തിക്കുന്നവർക്കും ഒരുപോലെ അനുകൂലമായ ദിവസമാണ്. പരീക്ഷകളിലും മത്സരങ്ങളിലും മികച്ച വിജയം നേടാൻ സാധ്യതയുണ്ട്. പുതിയ പഠനമേഖലകളിലേക്ക് കടക്കാനും കോഴ്സുകളിൽ പ്രവേശനം നേടാനുമുള്ള ശ്രമങ്ങൾ വിജയിച്ചേക്കാം. കഴിവുകൾക്ക് അംഗീകാരം ലഭിക്കുന്നതിനൊപ്പം ആരോഗ്യകാര്യങ്ങളിലും പുരോഗതിയുണ്ടാകും.
തുലാം: വ്യക്തിജീവിതത്തിലും ഔദ്യോഗിക മേഖലയിലും അനുകൂലമായ മാറ്റങ്ങൾ പ്രതീക്ഷിക്കാം. മത്സരങ്ങളിൽ വിജയിക്കാനും പ്രവർത്തനമികവിന് അംഗീകാരം നേടാനും കഴിയും. സാമ്പത്തിക നേട്ടങ്ങൾക്കും സാധ്യതയുണ്ട്. ബന്ധുക്കളെയും പ്രിയപ്പെട്ടവരെയും കണ്ടുമുട്ടാൻ അവസരം ലഭിക്കുന്നത് മനസ്സിന് സന്തോഷം നൽകും.
വൃശ്ചികം: ചെറിയ കാര്യങ്ങൾ പോലും വലിയ ആശങ്കകൾക്ക് കാരണമായേക്കാം. തൊഴിൽമേഖലയിൽ തടസ്സങ്ങളും വ്യക്തിബന്ധങ്ങളിൽ അസ്വാരസ്യങ്ങളും ഉണ്ടാകാൻ സാധ്യതയുണ്ട്. എതിരാളികളുടെ ഇടപെടലുകൾ ചില ബുദ്ധിമുട്ടുകൾ സൃഷ്ടിച്ചേക്കാം. ശാരീരിക അസ്വസ്ഥതകൾക്കും പരുക്കുകൾക്കും സാധ്യതയുള്ളതിനാൽ ദൈനംദിന പ്രവർത്തനങ്ങളിലും യാത്രകളിലും പ്രത്യേകം ശ്രദ്ധിക്കണം.
ധനു: സാമ്പത്തിക ഇടപാടുകളിൽ അതീവ ശ്രദ്ധ ആവശ്യമായ ദിവസമാണ്. പ്രതീക്ഷിച്ച നേട്ടങ്ങൾ കൈവരിക്കാൻ കാലതാമസം നേരിടാം. പ്രധാനപ്പെട്ട കൂടിക്കാഴ്ചകൾ മാറ്റിവയ്ക്കേണ്ട സാഹചര്യമുണ്ടാകാം. യാത്രകളിലും ആശയവിനിമയത്തിലും തടസ്സങ്ങൾ അനുഭവപ്പെട്ടേക്കാം. പ്രതികൂല സാഹചര്യങ്ങളിൽ ക്ഷമയോടെ പെരുമാറുകയും അനാവശ്യ ചെലവുകൾ നിയന്ത്രിക്കുകയും ചെയ്യുക.
മകരം: തൊഴിൽരംഗത്ത് പുരോഗതിക്കും പുതിയ നേട്ടങ്ങൾക്കും വഴിതെളിയും. ജോലികളിലെ മികവിന് മേലധികാരികളിൽ നിന്നും സഹപ്രവർത്തകരിൽ നിന്നും അംഗീകാരം ലഭിച്ചേക്കാം. സ്ഥാനക്കയറ്റത്തിനും തൊഴിൽപരമായ നേട്ടങ്ങൾക്കും സാധ്യതയുണ്ട്. പുതിയ ജോലി അന്വേഷിക്കുന്നവർക്ക് അനുകൂലമായ അവസരങ്ങൾ ലഭിക്കാനും സാധ്യത കാണുന്നു.
കുംഭം: ആഗ്രഹിച്ച പല കാര്യങ്ങളിലും വിജയിക്കാൻ കഴിയുന്ന ദിവസമായിരിക്കും. മത്സരങ്ങളിൽ മുന്നിലെത്താനും എതിരാളികളെ മറികടക്കാനും സാധിക്കും. സാമ്പത്തികമായി നേട്ടമുണ്ടാകുന്നതിനൊപ്പം സാമൂഹിക അംഗീകാരവും ലഭിച്ചേക്കാം. നേരത്തെ മുടങ്ങിക്കിടന്ന പണം തിരിച്ചുകിട്ടാനും ഏറെക്കാലമായി ആഗ്രഹിക്കുന്ന ചില കാര്യങ്ങൾ യാഥാർഥ്യമാകാനും സാധ്യതയുണ്ട്.
മീനം: മാനസിക സമ്മർദവും കാര്യതടസ്സങ്ങളും അനുഭവപ്പെടാൻ സാധ്യതയുള്ള ദിവസമാണ്. പ്രതീക്ഷകൾക്കനുസരിച്ച് കാര്യങ്ങൾ മുന്നോട്ടുപോകാത്തത് നിരാശയുണ്ടാക്കിയേക്കാം. അപകടസാധ്യതയുള്ള സാഹചര്യങ്ങളിൽ നിന്ന് വിട്ടുനിൽക്കണം. ഇരുചക്രവാഹന യാത്രകളിൽ കൂടുതൽ ജാഗ്രത പുലർത്തുക. പ്രധാനപ്പെട്ട തീരുമാനങ്ങൾ എടുക്കുമ്പോൾ ധൃതിപിടിക്കാതെ ആലോചിച്ച് മുന്നോട്ടുപോകുന്നതാണ് നല്ലത്.
