മേടം: കാര്യങ്ങളിൽ തടസ്സങ്ങളും വൈകിപ്പോകലും നേരിടാൻ സാധ്യത. മാനസിക സമ്മർദം, ആരോഗ്യപ്രശ്നങ്ങൾ, പ്രത്യേകിച്ച് ഉദരസംബന്ധമായ അസ്വസ്ഥതകൾ അലട്ടാം. യാത്രകളും ചില പദ്ധതികളും പ്രതീക്ഷിച്ച പോലെ മുന്നോട്ട് പോകണമെന്നില്ല. ചെലവുകൾ നിയന്ത്രിക്കുന്നത് നല്ലതാണ്.
ഇടവം: പ്രവർത്തനങ്ങളിൽ വിജയം കൈവരും. തൊഴിൽരംഗത്ത് അംഗീകാരവും നേട്ടവും ലഭിക്കും. പുതിയ ജോലി അന്വേഷിക്കുന്നവർക്ക് അനുകൂല വാർത്തകൾ ലഭിച്ചേക്കാം. ആരോഗ്യവും മനോനിലയും തൃപ്തികരമായിരിക്കും.
മിഥുനം: മത്സരങ്ങളിലും ജോലിയിലും മികച്ച പ്രകടനം കാഴ്ചവയ്ക്കാൻ കഴിയും. അംഗീകാരം ലഭിക്കാനും ആഗ്രഹിച്ച കാര്യങ്ങൾ പൂർത്തിയാകാനും സാധ്യതയുണ്ട്. കുടുംബാന്തരീക്ഷവും സന്തോഷകരമാകും.
കർക്കടകം: പ്രവർത്തനങ്ങളിൽ മന്ദഗതിയും ചെറിയ തടസ്സങ്ങളും അനുഭവപ്പെടാം. ആരോഗ്യകാര്യങ്ങളിൽ കൂടുതൽ ശ്രദ്ധ ആവശ്യമാണ്. അഭിപ്രായവ്യത്യാസങ്ങൾ ഒഴിവാക്കാൻ ക്ഷമയോടെ പെരുമാറുക. ചില കാര്യങ്ങൾ ഭാഗികമായി അനുകൂലമാകും.
ചിങ്ങം: പ്രതീക്ഷിച്ച കാര്യങ്ങൾ വൈകാനോ മുടങ്ങാനോ സാധ്യതയുണ്ട്. അനാവശ്യ തർക്കങ്ങളും മാനസിക അസ്വസ്ഥതയും ഉണ്ടാകാം. യാത്രകളിലും ദൈനംദിന പ്രവർത്തനങ്ങളിലും ജാഗ്രത പാലിക്കുന്നത് ഉചിതമാണ്.
കന്നി: നേട്ടങ്ങൾ നിറഞ്ഞ ദിവസമായിരിക്കും. മത്സരങ്ങളിലും ഔദ്യോഗിക കാര്യങ്ങളിലും വിജയം പ്രതീക്ഷിക്കാം. യാത്രകൾ ഗുണകരമാകും. അംഗീകാരവും സന്തോഷകരമായ അനുഭവങ്ങളും ലഭിക്കും.
തുലാം: നിയമപരമായ വിഷയങ്ങളിലും മത്സരങ്ങളിലും അനുകൂല ഫലം ലഭിക്കും. ജോലിസ്ഥലത്ത് അംഗീകാരം നേടാൻ കഴിയും. പദ്ധതികൾ വിജയകരമായി പൂർത്തിയാക്കാൻ സാധിക്കും.
വൃശ്ചികം: കാര്യങ്ങളിൽ പ്രതിസന്ധികൾ നേരിടേണ്ടിവരാം. സുഹൃത്തുക്കളുമായും സഹപ്രവർത്തകരുമായും അഭിപ്രായഭിന്നതകൾ ഉണ്ടാകാൻ സാധ്യതയുണ്ട്. ആരോഗ്യവും മാനസികാവസ്ഥയും ശ്രദ്ധിക്കണം.
ധനു: അപ്രതീക്ഷിത തടസ്സങ്ങളും യാത്രാപ്രശ്നങ്ങളും ഉണ്ടാകാം. ആരോഗ്യപരമായ അസ്വസ്ഥതകൾ അലട്ടാൻ സാധ്യതയുള്ളതിനാൽ ശ്രദ്ധ വേണം. വാഹനമോടിക്കുമ്പോൾ പ്രത്യേക കരുതൽ പാലിക്കുക.
മകരം: കാര്യവിജയവും യാത്രാനേട്ടവും പ്രതീക്ഷിക്കാം. തൊഴിൽരംഗത്തും മത്സരങ്ങളിലും മികച്ച ഫലങ്ങൾ കൈവരും. പുതിയ കൂടിക്കാഴ്ചകളും ബന്ധങ്ങളും ഗുണകരമാകും.
കുംഭം: സാമ്പത്തിക കാര്യങ്ങളിൽ സൂക്ഷ്മത ആവശ്യമാണ്. അനാവശ്യ ചെലവുകളും അഭിപ്രായവ്യത്യാസങ്ങളും ഉണ്ടാകാം. മനഃസമ്മർദം വർധിക്കാതിരിക്കാൻ പ്രധാന തീരുമാനങ്ങൾ ആലോചിച്ച് എടുക്കുക.
മീനം: ദിവസം അനുകൂല ഫലങ്ങൾ നൽകും. സാമ്പത്തിക നേട്ടം, അംഗീകാരം, യാത്രാവിജയം എന്നിവയ്ക്ക് സാധ്യതയുണ്ട്. ലഭിക്കാനുള്ള കുടിശ്ശിക പണം തിരിച്ചുകിട്ടാനും സാധ്യത കാണുന്നു.
