മേടം (അശ്വതി, ഭരണി, കാർത്തിക ആദ്യഭാഗം): പ്രധാന കാര്യങ്ങളിൽ പ്രതീക്ഷിച്ച ഫലം ലഭിക്കാതെ വന്നേക്കാം. മാനസിക സമ്മർദം, സാമ്പത്തിക നഷ്ടം, കുടുംബത്തിലോ സുഹൃത്തുക്കൾക്കിടയിലോ അഭിപ്രായവ്യത്യാസം എന്നിവ ഉണ്ടാകാൻ സാധ്യത. ബന്ധങ്ങളിൽ ക്ഷമ പാലിക്കുന്നത് ഗുണം ചെയ്യും.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): മുന്നോട്ടുവച്ച പദ്ധതികൾ വിജയത്തിലേക്ക് നീങ്ങും. മത്സരപരീക്ഷകൾ, തൊഴിൽ, വ്യക്തിപരമായ കാര്യങ്ങൾ എന്നിവയിൽ അനുകൂല വാർത്തകൾ ലഭിച്ചേക്കാം. ആരോഗ്യവും ആത്മവിശ്വാസവും വർധിക്കും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): ജോലികളിൽ കാലതാമസം നേരിടാൻ സാധ്യതയുണ്ട്. സാമ്പത്തിക കാര്യങ്ങളിൽ കൂടുതൽ ശ്രദ്ധ ആവശ്യമാണ്. വായ്പയോ ധനസഹായമോ പ്രതീക്ഷിക്കുന്നവർക്ക് നിരാശ ഉണ്ടാകാം.
കർക്കടകം (പുണർതം അവസാന കാൽഭാഗം, പൂയം, ആയില്യം): വിജയസാധ്യതകൾ കൂടുതലുള്ള ദിനം. ജോലിയിലും പഠനത്തിലും മികച്ച നേട്ടങ്ങൾ കൈവരും. യാത്രകളും പുതിയ പഠനാവസരങ്ങളും അനുകൂലമായിരിക്കും.
ചിങ്ങം (മകം, പൂരം, ഉത്രം ആദ്യ കാൽഭാഗം): സാമ്പത്തിക നേട്ടത്തിനും അംഗീകാരത്തിനും സാധ്യത. കുടുംബാംഗങ്ങളുമായും സുഹൃത്തുക്കളുമായും സന്തോഷകരമായ സമയം ചെലവഴിക്കാൻ അവസരം ലഭിക്കും.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): യാത്രകളിൽ കൂടുതൽ ജാഗ്രത വേണം. ചില കാര്യങ്ങൾ പ്രതീക്ഷിച്ചതുപോലെ മുന്നോട്ട് പോകാതിരിക്കാം. വാഹനമോടിക്കുമ്പോൾ പ്രത്യേക ശ്രദ്ധ ആവശ്യമാണ്.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): ചില കാര്യങ്ങളിൽ നിരാശയും നഷ്ടവും നേരിടാൻ സാധ്യതയുണ്ട്. അനാവശ്യ തർക്കങ്ങൾ ഒഴിവാക്കുന്നത് ഗുണകരമാകും. ആരോഗ്യകാര്യങ്ങളിലും ശ്രദ്ധ പുലർത്തുക.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): മത്സരങ്ങളിലും പരീക്ഷകളിലും മികച്ച പ്രകടനം കാഴ്ചവയ്ക്കാൻ സാധിക്കും. പുതിയ പഠനമേഖലകളിലേക്കോ കോഴ്സുകളിലേക്കോ പ്രവേശിക്കാൻ അനുകൂല സമയം.
ധനു (മൂലം, പൂരാടം, ഉത്രാടം ആദ്യ കാൽഭാഗം): തൊഴിൽരംഗത്ത് പുരോഗതിയും അംഗീകാരവും ലഭിക്കും. പുതിയ ജോലി അന്വേഷിക്കുന്നവർക്ക് പ്രതീക്ഷ നൽകുന്ന വാർത്തകൾ ലഭിച്ചേക്കാം. ആത്മവിശ്വാസം വർധിക്കും.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): സാമ്പത്തിക കാര്യങ്ങളിൽ സൂക്ഷ്മത പാലിക്കണം. അനാവശ്യ ചെലവുകളും യാത്രകളിലെ തടസ്സങ്ങളും നേരിടാൻ സാധ്യതയുണ്ട്. പ്രധാന തീരുമാനങ്ങൾ ആലോചിച്ച് എടുക്കുക.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): പ്രതീക്ഷിച്ച കാര്യങ്ങൾ വൈകാനിടയുണ്ട്. ബന്ധങ്ങളിലും ജോലിയിലും ക്ഷമ ആവശ്യമായ ദിവസമാണ്. യാത്രകൾ മാറ്റിവയ്ക്കേണ്ട സാഹചര്യം ഉണ്ടായേക്കാം.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): അനുകൂല ഫലങ്ങൾ നിറഞ്ഞ ദിനം. മത്സരങ്ങളിൽ വിജയം, അംഗീകാരം, ശത്രുക്കളുടെ ശല്യം കുറയുക തുടങ്ങിയ നേട്ടങ്ങൾ പ്രതീക്ഷിക്കാം. ദീർഘകാല ആഗ്രഹങ്ങൾ സഫലമാകാൻ സാധ്യതയുണ്ട്.
