പ്രൊഫ ഡോ ബി മധുസൂദന കുറുപ്പ് അനുസ്മരണ സമ്മേളനത്തിൽ മുൻ മന്ത്രി കെ ബാബു സംസാരിക്കുന്നു. ഡോ മായ രാമൻ, ശ്രീ ദീപക് ജോയ് എം എൽ എ, ഡോ എ ബിജുകുമാർ, മുൻ മന്ത്രി ശ്രീ എസ് ശർമ, മുൻ കുഫോസ് രജിസ്ട്രാർ ഡോ വിക്ടർ ജോർജ് എന്നിവർ വേദിയിൽ
കേരള ഫിഷറീസ് സമുദ്രപഠന സർവകലാശാലയുടെ (കുഫോസ്) സ്ഥാപക വൈസ് ചാൻസലർ പ്രൊഫ. ഡോ. ബി. മധുസൂദനക്കുറുപ്പിന്റെ സ്മരണയ്ക്കായി കുഫോസിൽ അനുസ്മരണയോഗം സംഘടിപ്പിച്ചു. വൈസ് ചാൻസലർ ഡോ. എ. ബിജു കുമാർ വേമ്പനാട് കായൽ സംരക്ഷണത്തിനായി ചിൽക്ക ഡെവലപ്‌മെന്റ് അതോറിറ്റിയുടെ മാതൃകയിൽ അതോറിറ്റി രൂപീകരിക്കുക, കൊച്ചി-മുസിരിസ് ബിനാലെയുടെ ഭാഗമായി വേമ്പനാട് കായൽ ഫെസ്റ്റിവൽ സംഘടിപ്പിക്കുക, കുഫോസിൽ പ്രൊഫ. ബി. മധുസൂദനക്കുറുപ്പ് ചെയർ ഫോർ അക്വാട്ടിക് ഇക്കോസിസ്റ്റം സ്റ്റഡീസ് സ്ഥാപിക്കുക എന്നീ മൂന്ന് നിർദേശങ്ങൾ മുന്നോട്ടുവച്ചു.എം.എൽ.എ. ശ്രീ ദീപക് ജോയ്, മുൻ മന്ത്രിമാരായ ശ്രീ കെ. ബാബു, ശ്രീ എസ്. ശർമ്മ എന്നിവരും ചടങ്ങിൽ സംസാരിച്ചു.അദ്ദേഹത്തിന്റെ പൂർവവിദ്യാർഥികളും നിലവിൽ കുഫോസ് അധ്യാപകരുമായവർ ഏർപ്പെടുത്തിയ പ്രൊഫ. ബി. മധുസൂദനക്കുറുപ്പ് മെമ്മോറിയൽ എൻഡോവ്മെന്റ് പുരസ്കാരങ്ങളും ചടങ്ങിൽ സമ്മാനിച്ചു. ഫാക്കൽറ്റി ഓഫ് ഓഷ്യൻ സയൻസ് ആൻഡ് ടെക്നോളജിയിൽനിന്ന് ഡോ. വി.കെ. അനൂപും ഫാക്കൽറ്റി ഓഫ് ഫിഷറീസ് സയൻസിൽനിന്ന് ഡോ. രവി ബരയ്യയും മികച്ച ഗവേഷണപ്രബന്ധങ്ങൾക്കുള്ള പുരസ്കാരങ്ങൾ ഏറ്റുവാങ്ങി. ശുദ്ധജല മത്സ്യങ്ങളുടെ വൈവിധ്യത്തിലും വർഗീകരണത്തിലും ഗവേഷണം നടത്തിയ ഡോ. അനൂപ് നിലവിൽ ജപ്പാനിൽ ഗവേഷണം നടത്തുന്നു. സമുദ്ര ജൈവസജീവ സംയുക്തങ്ങളിലും മത്സ്യവിഭവങ്ങളുടെ സുസ്ഥിര വിനിയോഗത്തിലും ഗവേഷണം നടത്തുന്ന ഡോ. രവി ബരയ്യ ഗുജറാത്തിലെ കംധേനു സർവകലാശാലയിൽ അസിസ്റ്റന്റ് പ്രൊഫസറാണ്.
Photo Courtesy - Google
