03:17pm 18 April 2026
NEWS
കോയമ്പത്തൂരിൽ വാഹനാപകടത്തിൽ രണ്ട് മലയാളികളുള്പ്പെടെ മൂന്നുപേര്ക്ക് ദാരുണാന്ത്യം
30/03/2026 07:42 AM IST
nila
പാലക്കാട്: കോയമ്പത്തൂരിൽ വാഹനാപകടത്തിൽ രണ്ട് മലയാളികളുള്പ്പെടെ മൂന്നുപേര്ക്ക് ദാരുണാന്ത്യം. പാലക്കാട് ചിറ്റൂര് ചന്ദനപ്പുറം സ്വദേശി അജിത്ത് (25), പിരായിരി സ്വദേശി വിനീഷ് (35) എന്നിവരാണ് മരിച്ച മലയാളികള്. കോയമ്പത്തൂര് മധുക്കര ദേശീയപാതയില് കാറുകള് തമ്മില് കൂട്ടിയിടിച്ചാണ് അപകടമുണ്ടായത്. അപകടത്തില് നാല് പേര്ക്ക് പരിക്കേറ്റിട്ടുണ്ട്.
ഫോട്ടോഗ്രാഫര്മാരായ അജിത്തും വിനീഷും ഊട്ടിയില് നിന്നും ഫോട്ടോഗ്രാഫി വര്ക്ക് കഴിഞ്ഞ് മടങ്ങുമ്പോഴായിരുന്നു സംഭവം. വൈകിട്ട് ചാവടി മേല്പ്പാലത്തിലായിരുന്നു അപകടം. എതിര്ദിശയില് വന്ന കാര് ഫോട്ടോഗ്രാഫര്മാര് സഞ്ചരിച്ച കാറിലേക്ക് നിയന്ത്രണം വിട്ട് ഇടിച്ച് കയറുകയായിരുന്നു. ഇരുവാഹനങ്ങളും തലകീഴായി മറിഞ്ഞു. വാഹനങ്ങള് വെട്ടിപ്പൊളിച്ചാണ് ഇവരെ പുറത്തെടുത്തത്.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Palakkad
