തമിഴിൽ 'ഇറുതി ചുട്രു', 'സൂരറൈ പോട്രു' തുടങ്ങിയ ചിത്രങ്ങൾ സംവിധാനം ചെയ്ത സുധ കൊങ്കര ഇപ്പോൾ സംവിധാനം ചെയ്തുവരുന്ന ചിത്രം ശിവകാർത്തികേയൻ നായകനാകുന്ന 'പരാശക്തി'യാണ്. തമിഴ്നാട്ടിൽ നടന്ന ചില സംഭവങ്ങളെ അടിസ്ഥാനമാക്കി ഒരുക്കുന്ന ഈ ചിത്രത്തിൽ ശിവകാർത്തികേയനൊപ്പം ശ്രീലീല, അഥർവ, രവി മോഹൻ എന്നിവരാണ് പ്രധാന കഥാപാത്രങ്ങൾ അവതരിപ്പിക്കുന്നത്. ഈ ചിത്രത്തിന്റെ ഷൂട്ടിങ്ങ് ചെന്നൈയിൽ ഒരു ഷെഡ്യൂൾ നടന്നതിനെ തുടർന്ന് ഇപ്പോൾ ശ്രീലങ്കയിൽ ചിത്രീകരണം പുരോഗമിക്കുകയാണ്. ഈ സാഹചര്യത്തിലാണ് ഈ സിനിമയിൽ മലയാള സിനിമയിലെ പ്രശസ്ത സംവിധായകനും, നടനുമായ ബേസിൽ ജോസഫും ഒരു പ്രധാന കഥാപാത്രം അവതരിപ്പിക്കുണ്ട് എന്നുള്ള വാർത്ത പുറത്തുവന്നിരിക്കുന്നത്. നിലവിൽ ശ്രീലങ്കയിൽ ശിവകാർത്തികേയൻ, രവി മോഹൻ, ബേസിൽ ജോസഫ് എന്നിവരുടെ രംഗങ്ങളാണത്രെ ചിത്രീകരിച്ച്‌ വരുന്നത്. ഈ ചിത്രത്തിൽ ബേസിൽ ജോസഫ് അഭിനയിക്കുന്നത് കുറിച്ചുള്ള ഔദ്യോഗിക റിപ്പോർട്ടൊന്നും ഇതുവരെ പുറത്തുവന്നിട്ടില്ല. അത് അടുത്തുതന്നെ ഉണ്ടാകുമെന്നാണ് പറയപ്പെടുന്നത്.
Photo Courtesy - Google
