തിരുവനന്തപുരം: സ്ത്രീശക്തിയുടെ പ്രതീകമായ കണ്ണകിയുടെ ലോകത്തിലെ തന്നെ ഏറ്റവും വലിയ ശില്പം ആറ്റുകാൽ ദേവീ ക്ഷേത്ര പരിസരത്ത് ഒരുങ്ങുന്നു. ആഴിമലയിലെ വിസ്മയിപ്പിക്കുന്ന ശിവരൂപം പണിതീർത്ത പ്രശസ്ത ശില്പി ദേവദത്തനാണ് ഈ വമ്പൻ ശില്പത്തിന്റെയും പിന്നിൽ.
കണ്ണകിയുടെ ഐതിഹാസിക കഥ പറയുന്ന 'ചിലപ്പതികാര'ത്തിലെ രൗദ്രഭാവത്തിലുള്ള കണ്ണകിയെയാണ് ഇവിടെ ആവിഷ്കരിക്കുന്നത്. ഒറ്റച്ചിലമ്പേന്തി കോപാകുലയായി നിൽക്കുന്ന രൂപത്തിലായിരിക്കും ശില്പം.ഉയരം 60 അടി
ശില്പി പി.എസ്. ദേവദത്തൻ (ആഴിമല ശില്പി)
നിർമ്മാണ ചിലവ് ഏകദേശം 3.5 കോടി രൂപ
പ്രത്യേകത ലോകത്തിലെ ഏറ്റവും വലിയ കണ്ണകി ശില്പംആറ്റുകാൽ ഭഗവതിയുടെ അവതാരമായി കരുതപ്പെടുന്ന കണ്ണകിയുടെ ചരിത്രം 'തോറ്റംപാട്ടിലൂടെ' പൊങ്കാല മഹോത്സവ കാലത്ത് ഭക്തരിലേക്ക് എത്താറുണ്ട്. ഈ ചരിത്രപ്രാധാന്യം മുൻനിർത്തിയാണ് ഇത്തരമൊരു ബൃഹദ് ശില്പം നിർമ്മിക്കാൻ തീരുമാനിച്ചത്. നിർമ്മാണ പ്രവർത്തനങ്ങൾ ഉടൻ ആരംഭിക്കുമെന്നാണ് സൂചന.
"അനീതിക്കെതിരെ വിരൽചൂണ്ടുന്ന കണ്ണകിയുടെ കരുത്തുറ്റ രൂപം ആറ്റുകാലിന്റെ ആത്മീയ ശോഭയ്ക്ക് മാറ്റ് കൂട്ടും."
