ദോഹ: സിവിൽ സർവീസ്-ഗവൺമെന്റ് ഡെവലപ്‌മെന്റ് ബ്യൂറോയും കായിക-യുവജന മന്ത്രാലയവും സംയുക്തമായി ഡിജിറ്റൽ പ്ലാറ്റ്‌ഫോം വികസനത്തിനായി ഐഡിയ ജനറേഷൻ വർക്ക്ഷോപ്പ് സംഘടിപ്പിച്ചു. ഗവൺമെന്റ് ഇനീഷ്യേറ്റീവ് ആക്സിലറേറ്റർ റൗണ്ടുകളുടെ ഭാഗമായാണ് മന്ത്രാലയത്തിന്റെ ഏകീകൃത ഡിജിറ്റൽ പ്ലാറ്റ്‌ഫോം (Unified Digital Platform) പരിഷ്കരിക്കാനുള്ള നടപടികൾ ആരംഭിച്ചത്.
കായിക മേളകൾക്കും യുവജന പരിപാടികൾക്കും വേണ്ടിയുള്ള രജിസ്‌ട്രേഷൻ, ഫോളോ-അപ്പ് നടപടികൾ കൂടുതൽ ലളിതമാക്കുക.പ്ലാറ്റ്‌ഫോം ഉപയോഗിക്കുന്നവർക്ക് തടസ്സമില്ലാത്ത രീതിയിൽ സേവനങ്ങൾ ലഭ്യമാക്കാൻ പ്രായോഗിക പരിഹാരങ്ങൾ കണ്ടെത്തുക.കായിക-യുവജന പ്രവർത്തനങ്ങളിൽ പൊതുജനങ്ങളുടെയും വിവിധ കക്ഷികളുടെയും പങ്കാളിത്തം വിപുലപ്പെടുത്താൻ പ്ലാറ്റ്‌ഫോമിനെ സജ്ജമാക്കുക.
പദ്ധതിയുടെ ആദ്യഘട്ടത്തിലെ കണ്ടെത്തലുകൾ വർക്ക്ഷോപ്പിൽ അവലോകനം ചെയ്തു. കായിക മേഖലയിലെ ഡിജിറ്റൽ സേവനങ്ങളുടെ കാര്യക്ഷമത വർദ്ധിപ്പിക്കുന്നതിനും ഗവൺമെന്റ് മുൻകൈയെടുക്കുന്ന പരിപാടികളുമായി കൂടുതൽ സംവദിക്കാനും ഈ പുതിയ മാറ്റങ്ങൾ സഹായിക്കും. കായിക പ്രേമികൾക്കും യുവാക്കൾക്കും ആവശ്യമായ എല്ലാ വിവരങ്ങളും സേവനങ്ങളും ഒരൊറ്റ കുടക്കീഴിൽ ലഭ്യമാക്കുക എന്നതാണ് ഈ വികസന പദ്ധതിയിലൂടെ ലക്ഷ്യമിടുന്നത്.
