ദോഹ: രണ്ടാമത്തെ വെസ്റ്റ് ഏഷ്യൻ ക്ലബ് അത്ലറ്റിക്സ് ചാമ്പ്യൻഷിപ്പിന് ഉജ്വല തുടക്കം. ഖത്തർ സുഹൈം ബിൻ ഹമദ് സ്റ്റേഡിയത്തിൽ നടക്കുന്ന വെസ്റ്റ് ഏഷ്യൻ ക്ലബ് അത്ലറ്റിക്സ് ചാമ്പ്യൻഷിപ്പിൽ 13 രാജ്യങ്ങളെ പ്രതിനിധീകരിച്ച് 400 പുരുഷ, വനിതാ അത്‌ലറ്റുകൾ പങ്കെടുക്കും.100 മീറ്റർ, 200 മീറ്റർ, 400 മീറ്റർ; മിഡിൽ/ലോംഗ്: 800 മീറ്റർ, 1500 മീറ്റർ, 3000 മീറ്റർ, 5000 മീറ്റർ; ഹർഡിൽസ്: 110 മീറ്റർ, 400 മീറ്റർ; 3000 മീറ്റർ സ്റ്റീപ്പിൾചേസ്; റിലേകൾ: 4100 മീറ്ററും 4400 മീറ്ററുകളിലാണ് മത്സരങ്ങൾ.വേൾഡ് അത്‌ലറ്റിക്‌സിന്റെ ഔദ്യോഗിക അംഗീകാരത്തെത്തുടർന്ന്, ജൂലൈയിൽ ദക്ഷിണ കൊറിയയിൽ നടക്കുന്ന 26-ാമത് ഏഷ്യൻ അത്ലറ്റിക്സ് ചാമ്പ്യൻഷിപ്പ്, സെപ്റ്റംബറിൽ ജപ്പാനിൽ നടക്കുന്ന ലോക അത്ലറ്റിക്സ് ചാമ്പ്യൻഷിപ്പ് തുടങ്ങിയ വരാനിരിക്കുന്ന ആഗോള കായിക ടൂർണമെന്റുകൾക്ക് യോഗ്യത നേടുന്നതിനുള്ള വിലപ്പെട്ട അവസരമാണ് വെസ്റ്റ് ഏഷ്യൻ ക്ലബ്ബ് അത്ലറ്റിക്സ് ചാമ്പ്യൻഷിപ്പ്.വെസ്റ്റ് ഏഷ്യൻ ചാമ്പ്യൻഷിപ്പിന്റെ ഉദ്ഘാടനത്തിനായി എല്ലാ ക്രമീകരണങ്ങളും സജ്ജീകരിച്ചിട്ടുണ്ടെന്ന് ചാമ്പ്യൻഷിപ്പ് ഡയറക്ടർ ഖാലിദ് അൽ സുവൈദി പറഞ്ഞു, വെസ്റ്റ് ഏഷ്യൻ അത്ലറ്റിക്സ് അസോസിയേഷന്റെയും പങ്കെടുക്കുന്ന ക്ലബ്ബുകളുടെ പ്രതിനിധികളുടെയും സാന്നിധ്യത്തിൽ ഒരുക്കങ്ങൾ ചർച്ച ചെയ്യുന്നതിനായി അടുത്തിടെ ഒരു യോഗം നടന്നതായി അദ്ദേഹം പറഞ്ഞു.
