ദോഹ: 2027 ബാസ്ക്കറ്റ്ബോൾ ലോകകപ്പിന്റെ ആവേശപോരാട്ടങ്ങൾക്ക് വേദിയാകാൻ അൽ ജനൂബ് അരീന സജ്ജമായി. ലോകകപ്പ് പോരാട്ടങ്ങൾക്കായുള്ള കൃത്യം ഒരു വർഷത്തെ കൗണ്ട്ഡൗണിന് തുടക്കം കുറിച്ചുകൊണ്ട് നടന്ന പദാർത്ഥമത്സരത്തിൽ ഖത്തറും ചൈനയും തമ്മിൽ ഏറ്റുമുട്ടി. എഷ്യൻ യോഗ്യതാ മത്സരങ്ങളുടെ രണ്ടാം ഘട്ടത്തിലായിരുന്നു ഈ വൻ പോരാട്ടം.
2022 ഫുട്ബോൾ ലോകകപ്പിന് വേദിയായ അൽ ജനൂബ് സ്റ്റേഡിയം പുനർനിർമിച്ചാണ് 8,200 പേരെ ഉൾക്കൊള്ളാവുന്ന ലോകോത്തര ബാസ്ക്കറ്റ്ബോൾ അരീനയാക്കി മാറ്റിയത്. ഫുട്ബോൾ സ്റ്റേഡിയം ബാസ്ക്കറ്റ്ബോൾ കോർട്ടായി മാറുന്ന ചരിത്രത്തിലാദ്യത്തെ ഈ മാറ്റം ഖത്തറിന്റെ കായിക അടിസ്ഥാനസൗകര്യ രംഗത്തെ കരുത്തുറ്റ ചുവടുവെയ്പ്പാണ്.
കോർട്ടിന് തൊട്ടടുത്തുള്ള സീറ്റുകൾ, സ്കൈ ബോക്സുകൾ, അത്യാധുനിക ടീം റിക്കവറി റൂമുകൾ തുടങ്ങി ആരാധകർക്കും താരങ്ങൾക്കും മികച്ച അനുഭവമാണ് അരീനയിൽ ഒരുക്കിയിരിക്കുന്നത്. ജപ്പാൻ, തെക്കൻ കൊറിയ എന്നീ ശക്തരായ ടീമുകൾക്കെതിരെയുള്ള മത്സരങ്ങളും ഇനി അൽ ജനൂബ് അരീനയിൽ നടക്കും.
