ദോഹ: ഖത്തർ അമീർ ശേഖ് തമീം ബിൻ ഹമദ് അൽ താനി അധ്യക്ഷനായ സാമ്പത്തിക കാര്യങ്ങൾക്കും നിക്ഷേപങ്ങൾക്കും വേണ്ടിയുള്ള സുപ്രീം കൗൺസിലിന്റെ 2025 ലെ മൂന്നാമത് യോഗം അമിരി ദിവാനിൽ നടന്നു.
ഖത്തർ അമീർ അധ്യക്ഷതവഹിച്ചയോഗത്തിൽഡെപ്യൂട്ടി അമീർ ശേഖ് അബ്ദുള്ള ബിൻ ഹമദ് അൽ താനി, പ്രധാനമന്ത്രി ഇടംനിര്‍വഹണ മന്ത്രി ശേഖ് മുഹമ്മദ് ബിൻ അബ്ദുൽറഹ്മാൻ അൽ താനി, കൗൺസിൽ അംഗങ്ങൾ എന്നിവരും പങ്കെടുത്തു.കഴിഞ്ഞ സമ്മേളനത്തിലെ തീരുമാനങ്ങളും ശുപാർശകളും പരിശോധിച്ചു. വിവിധ ദേശീയ പദ്ധതികളുടെ പുരോഗതി റിപ്പോർട്ടുകളും രാജ്യത്തിന്റെ സാമ്പത്തിക മുൻഗണനകളുടെ നിലയും അവലോകനം ചെയ്ത് ആവശ്യമായ തീരുമാനങ്ങൾ സ്വീകരിച്ചു.ആരോഗ്യ മന്ത്രാലയം സമർപ്പിച്ച പൗരന്മാർക്കുള്ള ആരോഗ്യ ഇൻഷുറൻസ് സംബന്ധിച്ച പുതിയ റിപ്പോർട്ടുകളും, വാണിജ്യ–വ്യവസായ മന്ത്രാലയത്തിന്റെ നാഷണൽ ഡിറക്ട് ഇൻവെസ്റ്റ്മെന്റ് പ്ലാൻ സംബന്ധിച്ച നിർദേശങ്ങളും, ദേശീയ ആസ്തികൾ മാനേജുചെയ്യാനുള്ള പുതിയ കമ്പനി സ്ഥാപിക്കൽ സംബന്ധിച്ച നിർദേശങ്ങളും കൗൺസിൽ പഠിച്ചു.
എല്ലാ അജൻഡകളും കൗൺസിൽ വിശദമായി പരിശോധിച്ച്, ആവശ്യമായ തീരുമാനങ്ങൾ സ്വീകരിച്ചിട്ടുണ്ടെന്ന് അമീരി ദിവാൻ അറിയിച്ചു.
