ദോഹ: ഖത്തറിൽ ഈയാഴ്ച അവസാനം വരെ മഴ തുടരാൻ സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം (QMD) അറിയിച്ചു. ഭാഗികമായി മേഘാവൃതമായ അന്തരീക്ഷമായിരിക്കും വരും ദിവസങ്ങളിൽ അനുഭവപ്പെടുകയെന്നും ചിലയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും ഔദ്യോഗിക അറിയിപ്പിൽ പറയുന്നു.ബുധനാഴ്ച പുലർച്ചെ മുതൽ തീരപ്രദേശങ്ങളിൽ ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയുള്ളതിനാൽ കാലാവസ്ഥാ വകുപ്പ് ജാഗ്രതാനിർദ്ദേശം നൽകിയിട്ടുണ്ട്. വൈകുന്നേരം 6 മണി വരെ ആകാശം ഭാഗികമായി മേഘാവൃതമായിരിക്കും. രാത്രികാലങ്ങളിൽ അന്തരീക്ഷം തണുത്ത നിലയിലായിരിക്കുമെന്നും റിപ്പോർട്ടുകൾ സൂചിപ്പിക്കുന്നു.ലഘുവായതോ മിതമായതോ ആയ മഴയ്ക്കാണ് സാധ്യത. എന്നാൽ ചിലയിടങ്ങളിൽ ശക്തമായ ഇടിമിന്നൽ ഉണ്ടായേക്കാം.ഇടിമിന്നലിനൊപ്പം ശക്തമായ കാറ്റും വീശാൻ സാധ്യതയുണ്ട്.രാത്രിയിൽ താരതമ്യേന തണുപ്പുള്ള കാലാവസ്ഥയായിരിക്കും അനുഭവപ്പെടുക.നിലവിലെ സാഹചര്യത്തിൽ പൊതുജനങ്ങൾ ഔദ്യോഗിക കാലാവസ്ഥാ ബുള്ളറ്റിനുകൾ ശ്രദ്ധിക്കണമെന്നും സുരക്ഷാ മുൻകരുതലുകൾ സ്വീകരിക്കണമെന്നും അധികൃതർ നിർദ്ദേശിച്ചു.
