ദോഹ:ഈ വർഷത്തെ ബലിപെരുന്നാൾ (ഈദുൽ അദ്‌ഹ) ജൂൺ 21 ഞായറാഴ്ച ആയിരിക്കുമെന്ന് ഖത്തർ കലണ്ടർ ഹൗസ് അറിയിച്ചു. ജ്യോതിശാസ്ത്ര കണക്കുകൂട്ടലുകൾ പ്രകാരം ദുൽഹജ്ജ് മാസം ജൂൺ 12 വെള്ളിയാഴ്ച ആരംഭിക്കുമെന്നും അതനുസരിച്ച് ബലിപെരുന്നാൾ ജൂൺ 21-ന് ആയിരിക്കുമെന്നുമാണ് റിപ്പോർട്ട്.ജ്യോതിശാസ്ത്ര കണക്കുകൾ പ്രകാരം ദുൽഹജ്ജ് മാസപ്പിറവി ജൂൺ 12 വെള്ളിയാഴ്ചയായിരിക്കും.ഹജ്ജിന്റെ പ്രധാന ചടങ്ങായ അറഫാ സംഗമം ജൂൺ 20 ശനിയാഴ്ച നടക്കും.അറഫാ ദിനത്തിന് പിറ്റേന്നായ ജൂൺ 21 ഞായറാഴ്ച രാജ്യം പെരുന്നാൾ ആഘോഷിക്കും.
മെയ് 12 ചൊവ്വാഴ്ച വൈകുന്നേരം ചന്ദ്രപ്പിറവി ദൃശ്യമാകാൻ സാധ്യതയില്ലാത്തതിനാലാണ് ദുൽഹജ്ജ് മാസം ജൂൺ 12-ന് ആരംഭിക്കുമെന്ന് കണക്കാക്കുന്നത്. ഖത്തർ കലണ്ടർ ഹൗസിലെ വിദഗ്ധരുടെ വിശകലനത്തെ അടിസ്ഥാനമാക്കിയാണ് ഈ പ്രവചനം.
എങ്കിലും, ചന്ദ്രപ്പിറവി നേരിട്ട് ദർശിക്കുന്നതിന്റെ അടിസ്ഥാനത്തിൽ ഔഖാഫ് മന്ത്രാലയത്തിന് കീഴിലുള്ള മാസപ്പിറവി നിരീക്ഷണ സമിതിയായിരിക്കും പെരുന്നാൾ തീയതി ഔദ്യോഗികമായി പ്രഖ്യാപിക്കുക. വിശ്വാസികൾ വലിയ ആവേശത്തോടെയും ഒരുക്കങ്ങളോടെയുമാണ് ഈ വർഷത്തെ ബലിപെരുന്നാളിനെ വരവേൽക്കാൻ തയ്യാറെടുക്കുന്നത്.
