ദോഹ:പ്രഭാതകിരണങ്ങൾക്ക് മുന്നേ ഉണരുന്ന മരുഭൂമിയുടെ ആവേശത്തിന് മാറ്റുകൂട്ടി, 2026-2027 സീസണിലെ ആദ്യ പ്രാദേശിക ഒട്ടകപ്പന്തയത്തിന് അൽ-ഷഹാനിയയിൽ ആവേശകരമായ സമാപനം. ഒട്ടകപ്പന്തയ സമിതിയുടെ മേൽനോട്ടത്തിൽ തുടർച്ചയായ 12 നാളുകൾ നീണ്ടുനിന്ന ഈ പാരമ്പര്യ കായിക മാമാങ്കം, ഖത്തറിലെ കായികപ്രേമികൾക്ക് വേഗതയുടെയും പ്രൗഢിയുടെയും അവിസ്മരണീയ നിമിഷങ്ങളാണ് സമ്മാനിച്ചത്.
അവസാന ദിനത്തിൽ ഗോത്രവർഗ്ഗക്കാരുടെ 'ഹീൽ', 'സമൂൽ' വിഭാഗങ്ങളിൽ 5 കിലോമീറ്റർ ദൂരത്തിൽ നടന്ന 25 റൗണ്ട് മത്സരങ്ങൾ കടുത്ത പോരാട്ടത്തിനാണ് സാക്ഷ്യം വഹിച്ചത്.അഹമ്മദ് അലി മുഹമ്മദ് അൽ-കെത്ബിയുടെ ഉടമസ്ഥതയിലുള്ള 'മയ്യാസ' 8 മിനിറ്റ് 12.24 സെക്കൻഡിൽ ലക്ഷ്യസ്ഥാനത്തെത്തി ഒന്നാം സ്ഥാനം സ്വന്തമാക്കി.ഹമദ് ജാറല്ല അലി അൽ-ബുറൈദിയുടെ 'മുതൈബ്' 8 മിനിറ്റ് 10.59 സെക്കൻഡ് സമയത്തിൽ ഒന്നാമതായി ഓടിയെത്തി നേട്ടം കൊയ്തു.മിഷാൽ സേലം ഉബൈദ് അൽ-ഷമ്മിരിയുടെ 'അൽ-മുസ്തഷാറ' 8 മിനിറ്റ് 04.55 സെക്കൻഡിൽ ഫിനിഷ് ചെയ്ത് അന്നത്തെ ഏറ്റവും മികച്ച സമയം കുറിച്ചു.
മരുമണലിലെ ഈ വേഗതയുടെ പൂരത്തിന്റെ രണ്ടാം ഘട്ട പ്രാദേശിക ഒട്ടകപ്പന്തയ മത്സരങ്ങൾ സെപ്റ്റംബർ 26 മുതൽ ഒക്ടോബർ 7 വരെ അൽ-ഷഹാനിയയിൽ തുടരും.
