ദോഹ:ലോകശാസ്ത്ര സമൂഹത്തെ വിസ്മയിപ്പിച്ച ഒരു കണ്ടെത്തൽ ഇന്ന് ഖത്തറിനെ ജിയോളജി മാപ്പിലെ ഏറ്റവും പ്രകാശിക്കുന്ന സ്ഥാനങ്ങളിൽ ഒന്നാക്കി.
ഖത്തറിൽ കണ്ടെത്തിയ പുതിയ പുരാതന സമുദ്രജീവി Salwasiren qatarensis’നെ അന്താരാഷ്ട്ര ശാസ്ത്രലോകം ഔദ്യോഗികമായി അംഗീകരിച്ചു. സ്മിത്ത്‌സോണിയൻ ഇൻസ്റ്റിറ്റ്യൂഷനും ഖത്തർ മ്യൂസിയങ്ങളും ചേർന്നുള്ള പഠനം ‘PeerJ’ ജേണലിൽ പ്രസിദ്ധീകരിക്കപ്പെട്ടതോടെ, ഖത്തറിലെ അൽ മസ്‌ഹബിയ പ്രദേശം ലോകത്തിലെ ഏറ്റവും സമ്പന്നമായ ഡഗോങ് ഫോസിൽ സൈറ്റ് എന്ന നിലയിൽ സ്ഥിരീകരിക്കപ്പെട്ടു.ഏകദേശം 2.1 കോടി വർഷങ്ങൾ പഴക്കമുള്ള ഈ ഫോസിൽ ശേഖരത്തിൽ 170-ത്തിലധികം ഡഗോങ് (Sea Cow) ഫോസിൽ ലൊക്കേഷനുകളുണ്ട്. പുതിയതായി കണ്ടെത്തിയ സ്പീഷീസ് ഇന്ന് ഗൾഫ് പ്രദേശത്ത് കാണുന്ന ഡഗോങിന്റെ പുർവ്വ ഇനമാണ്.ബേയോഫ് സൽവയുടെ പേരിൽ Salwasiren എന്നും ഖത്തറിന്റെ പേരിൽ qatarensis എന്നും നാമകരണം ചെയ്തിരിക്കുന്ന
ഈ സ്പീഷീസ് രാജ്യത്തിന്റെ പ്രകൃതി പാരമ്പര്യത്തിന്റെ പ്രാധാന്യം ഉയർത്തിപ്പിടിക്കുന്നു. ഗൾഫ് മേഖലയിൽ തലമുറകൾക്കുമുമ്പ് വ്യാപകമായി ജീവിച്ചിരുന്ന സമുദ്രപുല്ല് തിന്നുന്ന ജീവികളുടെ പരിസ്ഥിതി പങ്ക് ഈ കണ്ടെത്തൽ വെളിപ്പെടുത്തുന്നു.
അൽ മസ്‌ഹബിയ സൈറ്റിനെ യുനെസ്കോ വേൾഡ് ഹെറിറ്റേജ് സൈറ്റായി പ്രഖ്യാപിക്കാൻ ഖത്തർ മ്യൂസിയം നീക്കങ്ങൾ തുടങ്ങി.പഠനത്തിന്റെ ഡാറ്റയും 3D മോഡലുകളും സ്മിത്ത്‌സോണിയന്റെ ഓപ്പൺ പ്ലാറ്റ്‌ഫോമിലൂടെ പൊതുജനങ്ങൾക്ക് ലഭ്യമാണ്.
