ദോഹ:പുനരുപയോഗപദ്ധതിസ്ഥല ത്തിനായുള്ള അപേക്ഷ സമർപ്പിക്കുന്നതിനുള്ള അവസാന തീയതി മെയ് 20 വരെ ആയിരിക്കുമെന്ന് ഖത്തർ മുനിസിപ്പാലിറ്റി മന്ത്രിഅബ്ദുല്ല ബിൻ ഹമദ് ബിൻ അബ്ദുല്ല അൽ അതിയ്യ. ഖത്തർ ദേശീയവികസനഫോറത്തിൽ സംസാരിക്കുക യായിരുന്നു മന്ത്രി.പുനരുപയോഗത്തിനായി സ്വകാര്യ മേഖലയ്ക്ക് 30 പ്ലോട്ടുകൾഅനുവദിക്കും.മരം, ഗ്ലാസ്, പ്ലാസ്റ്റിക്, മറ്റ് വസ്തുക്കൾ എന്നിവ പുനരുപയോഗം ചെയ്യുന്നത് പോലുള്ള സ്വകാര്യ മേഖല ഈ മേഖലയിൽ ശ്രദ്ധ കേന്ദ്രീകരിക്കണമെന്ന് മുനിസിപ്പൽ മന്ത്രാലയം അഭ്യർത്ഥിച്ചു.
മെയ് 20 മുതൽ ഓഗസ്റ്റ് 20 വരെയുള്ള കാലയളവിൽ വാണിജ്യ വ്യവസായ മന്ത്രാലയത്തിന്റെ ഏകജാലക വഴി ഈ പ്ലോട്ടുകൾക്കുള്ള അപേക്ഷകൾ ലഭ്യമാകും.സ്വകാര്യ മേഖലയുമായി സഹകരിച്ച് അടുത്ത വർഷം ആദ്യം ആരംഭിക്കുന്ന ഒരു വമ്പൻ പദ്ധതി അദ്ദേഹം പ്രഖ്യാപിച്ചു. മാലിന്യത്തിൽ നിന്ന് ഊർജ്ജം ഉത്പാദിപ്പിക്കുന്ന പ്ലാന്റായ ഈ പദ്ധതിക്കുള്ള ചെലവ് നിക്ഷേപങ്ങളിലൂടെ കണ്ടെത്തുമെന്നും മന്ത്രി പറഞ്ഞു.അടുത്ത പാദത്തിൽ പൊതുമരാമത്ത് അതോറിറ്റിയും മുനിസിപ്പാലിറ്റി മന്ത്രാലയവും സഹകരിച്ച്, ഖത്തറിലുടനീളം പൗരന്മാർക്ക് അനുവദിച്ച ഭൂമി വികസിപ്പിക്കുന്നതിനായി ഒരു പുതിയ ആശയത്തോടെ മൂന്ന് പുതിയ നിക്ഷേപ അവസരങ്ങൾ ആരംഭിക്കുമെന്നും മുൻസിപ്പാലിറ്റി മന്ത്രി പ്രഖ്യാപിച്ചു.പദ്ധതി പൂർത്തീകരണത്തിന് ശേഷം 10 വർഷത്തേക്ക് സംയോജിത അടിസ്ഥാന സൗകര്യങ്ങൾ വികസിപ്പിക്കുന്നതിനും പ്രവർത്തിപ്പിക്കുന്നതിനും പരിപാലിക്കുന്നതിനുമുള്ള ചുമതല ഖത്തരി ഡെവലപ്പർമാർക്കും നിക്ഷേപകർക്കും നൽകും.
