പ്രശസ്തരായ നിരവധി രാഷ്ട്രീയ നേതാക്കളുടെയും, സിനിമാ താരങ്ങളുടെയും, കായികതാരങ്ങളുടെയും ജീവചരിത്രം തുടർച്ചയായി സിനിമകളായി ഒരുങ്ങി പുറത്തിറങ്ങുകയും വളരെയധികം ശ്രദ്ധ നേടുകയും ചെയ്തിട്ടുണ്ട്. പ്രധാനമന്ത്രി നരേന്ദ്ര മോദി, മുൻ പ്രധാനമന്ത്രി മൻമോഹൻ സിംഗ്, അന്തരിച്ച മുഖ്യമന്ത്രി ജയലളിത തുടങ്ങിയ നിരവധി പേരുടെ ജീവചരിത്രങ്ങൾ  സിനിമകളായി പുറത്തുവന്നിരിക്കുന്ന  സാഹചര്യത്തിൽ, തമിഴ്നാട്ടിലെ പ്രശസ്ത രാഷ്ട്രീയ പാർട്ടിയായ 'പാട്ടാളി മക്കൾ കട്ട്ച്ചി'യുടെ സ്ഥാപകനും, നേതാവുമായ ഡോ.രാമദാസിന്റെ ജീവിതവും സിനിമയാകാൻ പോകുകയാണ്. . ഈ ചിത്രത്തിന് 'അയ്യ' എന്നാണ് പേരിട്ടിരിക്കുന്നത്. 'ഭാരതി കണ്ണമ്മ', 'പൊർകാലം',  'ദേശീയഗാനം',  'വെട്രിക്കൊടി കട്ടു', 'പാണ്ഡവർ ഭൂമി', ' ഓട്ടോഗ്രാഫ്, 'പൊക്കിഷം' തുടങ്ങി നിരവധി വിജയകരമായ ചിത്രങ്ങൾ സംവിധാനം ചെയ്ത ചേരൻ ആണ് ഈ ചിത്രം സംവിധാനം ചെയ്യുന്നത്. 
  ഡോക്ടർ രാമദാസിന്റെ ആദ്യകാല ജീവിതം, ഡോക്ടറായിരിക്കെ പിന്നോക്കം നിൽക്കുന്ന വണ്ണിയർ  സമൂഹത്തിനിടയിലെ ദാരിദ്ര്യം തുടച്ചുനീക്കാനുള്ള പോരാട്ടം, വിദ്യാഭ്യാസം, തൊഴിലവസരങ്ങൾ, പ്രത്യേക ക്വാട്ടകൾ എന്നിവ സൃഷ്ടിക്കാനുള്ള അദ്ദേഹത്തിന്റെ പ്രയത്നങ്ങൾ, രാഷ്ട്രീയ പാർട്ടിയെ  വഴിനടത്തുന്ന പ്രക്രിയ തുടങ്ങി നിരവധി സംഭവങ്ങൾ ഈ ചിത്രത്തിൽ ഉൾപ്പെടുത്തുമെന്നാണ് റിപ്പോർട്ട്.
ഈ ചിത്രത്തിൽ ആദ്യം രാമദാസായി അഭിനയിക്കേണ്ടിയിരുന്നത് ശരത്കുമാറായിരുന്നു. എന്നാൽ അദ്ദേഹത്തിന്റെ പ്രായം, മുഖം, രാഷ്ട്രീയ പശ്ചാത്തലം എന്നിവ കാരണം ആ പദ്ധതി ഉപേക്ഷിക്കുകയായിരുന്നു. ഇപ്പോൾ രാമദാസായി അഭിനയിക്കാൻ തമിഴ് സിനിമയിലെ മറ്റൊരു പ്രശസ്ത നടനായ  ആരിയെയാണ് തിരഞ്ഞെടുത്തിരിക്കുന്നത്. ഈ ചിത്രത്തിന്റെ ഷൂട്ടിങ്ങ് അടുത്തുതന്നെ തുടങ്ങുമെന്നാണ് റിപ്പോർട്ട്. 'അയ്യ' എന്ന പേരിൽ ഇതിന് മുൻപും ഒരു ചിത്രം ഒരുങ്ങി റിലീസായിട്ടുണ്ട്. അതിൽ ശരത്കുമാറായിരുന്നു നായകൻ. ഹരി സംവിധാനം ചെയ്ത ഈ ചിത്രം മുഖേനയാണ് നയൻതാര തമിഴ് സിനിമയിൽ അരങ്ങേറ്റം കുറിച്ചത് എന്നത് ശ്രദ്ധേയമാണ്.

Photo Courtesy - Google